writer1

Jalə Mütəllimova

Məqalə sayı

25
clock17:26 calendar-gray 21 Noyabr 2013 view-gray4406 dəfə oxunub
view-gray4406 dəfə oxunub

Dünyanın ən gözəl xəyanəti...

İllərdir evin bir küncündə unudulmuş tablo kimi dururdu. Özünə uğursuz əl işi desə də, bəlkə əyyaş ərinin ən uğurlu əl işi idi. Bilmirdi kimi qınasın. Belə cəza almasında talemi, bəxtmi, yoxsa onu yarımcan edən qəzamı səbəb idi, bilmirdi. Bildiyi o idi ki, ərinin ona ən yaxın rəfiqəsi ilə xəyanətindən sonra ruhu içində ölmüşdü. Qəzanın baş verdiyi o anı belə xatırlamırdı...

Əri ölmüş qadınlara bənzəyirmiş ruhsuz insan. Hər kəs yaddan çıxarır. Zəruri olmasa yada salan olmur. Əslində özü də daha çox zərurətə inanırdı. Təsadüfün özünü belə zərurət sayırdı. Öz zəruri təsadüfünü gözləyirdi. O zəruri təsadüf əyyaş ərinin onu bircə dəfə olsun yad eləməsi idi bəlkə də. Ona sevgi, diqqət, hörmətdən başqa hər şey vermişdi. "Heç nə verməmişdi " deməyə yox, düşünməyə belə utanırdı. Gözləyə-gözləyə diri ölüyə çevrilmişdi. Adamlar var diridir, amma ölüb. Həmin adam bu qadın idi bəlkə də. Bir iynənin ucu qədər ümidi qalmışdı. O ümid də olmasaydı intihar edəcəkdi yəqin. Ümidinin yaxasından asacaqdı özünü. Ya da ümidini kəsib, intihar edəcəkdi. Fərqli intihar kimi düşünmüşdü bunu. Fərqli xəyanət də düşünmüşdü. Ölümünə qoşulub qaçacaqdı. Ölümcül ağrıları başlayanda ölümü əlini yaman bərk sıxırdı. O isə "səbirli ol, gəlsin, danışaq, sonra gedəcəyik" deyirdi.

Bir gün illərdir durduğu qaranlıq küncə, bir işıq düşdü. Sonra kölgə göründü. Gözləri qamaşdı, yerində qurcalandı. Səsə çaşdı, qorxdu da deyəsən adam. Uzandığı çarpayıya əyilib üzünə diqqətlə baxdı. Diksinib geri çəkildi. Əl işini tanıdı, ya tanımadı demək çətindir, amma bəyənmədiyi dəqiq idi. Dönüb getmək istədi. "Getmə!" dedi, içində. Adam durdu. Qadın gözlərinə inanmadı. Məni eşitdimi? Geri çevriləndə üzündəki dəhşətdən qorxdu qadın. Hirslə geriyə döndü. Qadın qaranlığa qısıldı, hətta görünməz olmaq istədi. Aldığı ilk sillədən anladığı bu oldu ki, adam onu tanıyıb. Üzündəki qaysaq bağlamış yaralarından qan axırdı aldığı zərbədən sonra. Qadın ağrısını unudub, hətta bu cür olsa da yada düşməsinə sevindi elə bil. Sonra qolundan tutub ayağa qaldırdı onu. Qarşı-qarşıya dayandılar. Günahını etirafa bənzətdi üzündə gördüyü ifadəni.

Aldığı sillə isə əfv olunmamasına üsyanı idi bəlkə. "Daha çirkin olduq" demək istədi elə bil hər ikisi. Susub danışırdılar. Əyilib çirkli əski parçası götürdü döşəmədən adam. Üzündəki yaraları, axan qanı ləkə bildi deyə silməyə çalışırdı. Bəyənmədiyi, üstü toz basmış bir əsəri, tablonu səliqəyə salmaq cəhdi idi bu bir az da. İllərdir umduğu, amma görmədiyi bir şey idi bu qadının: Diqqət! Sevindi. Bir az da gülümsədi. Ağrısını heçə saydı. Gözlərini yumdu. Susaraq "sənin əl işinəm. Uğurlu ya uğursuz, hamı öz işini sevir, sən də sevsəydin" dedi. Bir damla dəydi yanağına. Göz yaşı da bezmişdi illərdir içinə axmaqdan. O da heç olmasa bir damlasını dünyaya gətirdi. Əlinə toxunan nəmdən diksindi adam! Bir az köksünə sıxdı qadını. Davasız, qovğasız, ilk dəfə danışdılar. Həm də susaraq.

Bu adam onun əri idi. Üst başından həmişəki kimi siqaret, içki qoxusu gəlmirdi artıq. Hər şey dəyişmişdi. "Əsl xəyanət anıdır" deyə düşünürdü qadın. Gözlərini yumdu. "Gedək" dedi ölümünə. Üzü ərinin sinəsində, əli ölümündə. İlk dəfə dərindən nəfəs aldı yanında. Sonun əvvəli kimi idi bu. Həm də ərinə ilk xəyanəti oldu ölümünə qoşulub qaçması... Ən azı ona belə düşünüb, ölümü qəbullanmaq daha rahat idi...

REKLAM

Yazarın digər yazıları

Xəbər lenti

Xalça şərqisi – Rafiq Tağının hekayəsi
21:01 05 Avqust 2021
Mirzə Cəlilin nəvəsi Fransadakı səfirliyimizdə olub
18:54 05 Avqust 2021
Qəbələ Musiqi Festivalı başa çatdı
18:14 05 Avqust 2021
Yaxınları Rafiq Tağını ziyarət etdi - Foto
18:07 05 Avqust 2021
Tanınmış yazıçı ilə görüş keçiriləcək
17:30 05 Avqust 2021
Axına qarşı üzmədən nəyəsə nail olmaq qeyri-mümkündür
17:01 05 Avqust 2021
Azərbaycanda etdiyi bu rəqsə görə Rafet El Romanı topa tutdular - Video
16:14 05 Avqust 2021
Rafiq Tağının qardaşı: “Anam qətlə yetirildiyini bilmirdi, ona qurban demişdi” – Müsahibə
15:21 05 Avqust 2021
Yaponiyada alovlanan olimpiya məşəli və Türkiyədəki meşə yanğınları
14:43 05 Avqust 2021
Nobelli şair məhkəməni uddu
14:01 05 Avqust 2021
"Çocuklar duymasın"ın Havuçu yanğınsöndürənlərə qoşuldu - Fotolar
13:12 05 Avqust 2021
Başı kəsilən Sevinci necə xilas edə bilərdik?
12:26 05 Avqust 2021
Əri evə başqa qadın gətirdi, efirə çıxarmaq üçün ona əxlaqsız təkliflər etdilər, iki uşağıyla ac-susuz qaldı – Səfil həyatı yaşayan xanəndəmiz
12:02 05 Avqust 2021
Flora Kərimovanı hədəfə alanların əsl siması – Sevda yazır...
11:01 05 Avqust 2021
Azərbaycanda yeni musiqi aləti yaradıldı - Foto
10:31 05 Avqust 2021
44 müəllifdən 44 ən yaxşı hekayə - Yeni layihə
10:01 05 Avqust 2021
Kosmik raketlərdən bəhs edən peyğəmbər hədisi – Zamin yazır...
09:00 05 Avqust 2021
Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021