“Ana ürəyi”. Yazıçı Seymur Baycanın noyabrın 11-də təqdim etdiyi yeni kitab belə adlanır. Yazıçı “Bakitab” mağazasında keçirilən təqdimatda bildirdi ki, kitab öz adını Azərbaycan folklorundakı ana və gəlin münasibətlərindən bəhs edən “Ana ürəyi” segahından götürüb.
Kitabda yer alan “Ana ürəyi” romanında xeyli sayda romantik sevgi səhnələri olsa da, bütövlükdə əsər postmodernist üslubda yazılıb, bir gəncin nakam sevgisindən bəhs edir.
Kitabda həmçinin ilk dəfə çap olunan “Naməlum qapıçı” hekayəsi də yer alıb ki, müəllifin təbirincə “sevdikləri ilə ailə qura bilməyənlərə ithaf olunur”.
Bundan əlavə kitaba əvvəllər mətbu nəşrlərdə yayımlanmış “Dörd romantik hekayə” də daxil edilib.
Müəllif bildirdi ki, kitabın təxminən səksən faizi dünya ədəbiyyatından seçilmiş yaddaqalan səhnələrdən ibarətdir ki, onları mətndə tapıb aşkarlamaq çətindir.
Kitabda yer almış illüstrasiyaların müəllifi rəssam Gündüz Ağayevdir.
Bundan əvvəl Seymur Baycanın Qarabağ münaqişəsindən bəhs edən “Quqark” romanı nəşr edilmişdi. /Oxuzalı.az
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər