writer1

Mirmehdi Ağaoğlu

Məqalə sayı

560
clock10:40 calendar-gray 31 May 2011 view-gray1194 dəfə oxunub
view-gray1194 dəfə oxunub

Atamın məni döyməsi

Bütün şərqli atalar kimi mənim atam da həmişə özünü bir balaca şahlara bənzədib. Övlad tərbiyəsi ehtiyatında daima bir –iki şilləsi olub. Uşaqların döyülməklə cəzalandırılması islamdan gələn bir ənənə olduğuna görə atalar ürəklənib bu qaydadan ən sonda deyil, çox vaxt elə ilk andaca istifadə edirlər. Bəzən bir- iki cümləlik tərbiyəvi söhbəti bir şillə rahatca əvəz edir. Belədə onlar özlərini hökmdar kimi hiss edirlər.

11-ci sinifdə oxuyurdum. Beşinci saat idman idi, ondan sonra ədəbiyyat dərsi. Çoxumuz abituriyent idik deyə qərara aldıq ki, idmanda məktəb həyətində boş-boş veyillənməkdənsə evə gedib hazırlaşaq. Sözləşib hamılıqla dərsdən qaçdıq.

On bir il əvvvəl dərsdən qaçmaq indiki kimi asan deyildi. Və onbirincilərin də dərsə getməmək kimi vərdişləri yox idi. Məktəbdə dərsdən qaçan şagirdin dərisinə saman təpirdilər.

Evin qapısını açıb içəri girdim. Aylardır işsiz olan atam bekarçılıqdan divanda oturub “Nəsimi” filminə baxırdı. Son vaxtlar daha da əsəbi olmuşdu, əhəmiyyətsiz bir şeydən hirslənib evi bir-birinə vurudu.

Hara əlini atırdısa boşa çıxırdı, iş tapa bilmirdi. Bir yandan da ailənin dolanışığı üçün etdiyi borcun həcmi artırdı. Filmə baxmasına baxmayaraq xəyalı başqa yerdəydi, onsuz atam o filmi əzbər bilirdi. Bəlkə yüzüncü dəfə baxırdı bu filmə. Sifəti gərgin idi.

Dərsdən niyə tez gəldiyimi soruşanda yalan deməyə cəsarətim çatmadı. Cavab verdim; “qaçmışıq dərsdən”. Ədəbiyyat dərsinə girmədiyimizi biləndə lap özündən çıxdı. Ona əsəbini boşaltmağa xammal lazım idi.Telefonu götürüb məktəbin nömrəsini yığdı, direktoru telefona çağırtdırıb ağzına gələni döşədi direktora. Təşvişə düşən direktor da dərhal məsələni araşdıracağına söz verdi.
Sonra üzünü mənə tutub xeyli danladı, söydü və məktəbə qayıtmağımı əmr elədi. Dərsdən qaçmağımın cəzasını isə mən gələndən sonra verəcəyini söylədi.

Yolu ağlaya-ağlaya, arada özümü hasar-divara vura-vura gedirdim. Pis vəziyyətdəydim, həm sevimli ədəbiyyat müəlliməm zərbə altında qoymuşdum, həm də sinif yoldaşlarım arasında adım yaxşıya hallanmayacaqdı.

Mənə əzab verən bunlar idi. Amma cəzalanmaq da gözümə durmuşdu. Atamın çox pis döyməyi vardı.

Məktəbə çatdım. Davranışıma bir az da artislik qataraq hirsimdən ağlaya-ağlaya konsert çıxarırdım. Məqsədim həm özümü, həm də ədəbiyyat müəlliməmi sudan quru çıxartmaq idi. İnsafən direktorla müavini də çox üstümə gəlmədilər.

Məsələni qarşılıqlı razılaşma yolu ilə qaydasına saldıq. Təbii ki, dərs də olmadı. Evə qayıdanda məni yalnızca atamın hansı cəza üsulunu tətbiq edərək cəzalandıracağı düşündürürdü. Menyuda şillədən tutmuş, boks kisəsi kimi yumruqlanmağa qədər nə desən vardı.
Qapını açıb evə girdim. Sakitçilik idi. Evdə hamı qorxusundan bir küncə çəkilib atamın gözündən qeyb olmuş, məsələnin nəylə nəticələnəcəyini gözləyirdi. Heç kəs ara yerdə güdaza getmək istəmirdi.

Qapını örtəndə arxasına söykənmiş yun çubuğunu gördüm. Məsələ aydın idi, yun çubuğu məni gözləyirdi.

Pis vaxtda girmişdim içəri. “Nəsimi” kinosunda düz Teymurləngin “ yüz çubuq” dediyi yeri idi. Bir çubuğa baxdım, bir də o kadra-cəzalanan keşikçinin ölməsi səhnəsinə. Öz-özümə düşündüm; işim tamamdır, bu səhnədən ruhlanan atam məni daha böyük qəddarlıqla cəzalandıracaq.

Amma atam mənə heç bir reaksiya vermədi. Ödümü qopardan kadr da bitdi, yalnızca atamda bir tərpəniş yox idi.

Nəsimin dərisi soyulanadək qapı ağzında, çubuğun yanında müntəzir vəziyyətdə dayandım. Cəzamı gözləyə-gözləyə filmə baxmağa başlamışdım.

Film bitdi. Atam ayağa durub məni cəzalandırmaq yerinə kanalı dəyişdi. Mən artıq intizardan bezmişdim, tezcənə hər şeyin bitməsini istəyirdim, nə olacaqsa olsun.

Ata, bə məni döyməyəcəksən?! - dedim.

Atam astadan bir kəlmə dedi: - “Get, dərsini oxu”.

O gün atam məni cəzalandırmadı. Səbəbini sonra öyrəndim. Sən demə atam Teymurləngin cəzalandırdığı o bədbəxtin öldüyünü görəndə əlindən bir xəta çıxacağından qorxaraq məni döyməkdən vaz keçib.
REKLAM

Yazarın digər yazıları

Xəbər lenti

Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Qadına görə başına bəla gələn məşhurlar: onların arasında Müşfiq də var
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020