news-inner
clock08:30 calendar-gray 19 Oktyabr 2013 view-gray1381 dəfə oxunub
view-gray1381 dəfə oxunub

Teatr məşhurları nə oxuyur?

Kulis.az teatr adamları arasında sorğu keçirib: “Oxuduğunuz son kitab hansıdır və ya hazırda hansı kitabı oxuyursunuz?”

Fuad Poladov (Akademik Mili Dram Teatrının aktyoru)

“Rus Dram Teatrında Didronun əsəri hazırland - işimlə bağlı olduğu üçün Didronun məqalələrini, kitablarını oxudum. “Şah Qacar” tamaşasına görə Qacarla bağlı çoxlu tarixi və bədii kitablar oxudum. Teatrdan kənar son oxuduğum kitab Kamal Abdullanın “Unutmağa kimsə yox” kitabıdır”.

İlham Rəhimli (Sənətşünaslıq elmləri doktoru, professor) :

“Qabriel Qarsia Markesin əsərlərini təkrar oxuyuram. Yeni çap olunmuş kitabdır. Tərcümə də yaxşıdır. Bir də, 30 ildən artıqdır ki, hər həftə Mirzə Cəlildən və Əbdürəhim bəy Haqverdiyevdən heç olmasa 3-4 səhifə oxuyuram. Fərq eləməz – pyes, hekayə, felyeton. Amma mütləq oxuyuram”.

Cənnət Səlimova (Gənc Tamaşaçılar Teatrının rejissoru)

“Özümə yeni book-reader almışam. İndi kitabları oradan oxuyuram. Antonen Artonun “Teatr və onun oxşarı” əsərini yükləmişəm, onu oxuyuram. Çox maraqlı nəzəri bir əsərdir”.

Bəxtiyar Xanızadə (Pantomima Teatrının rəhbəri, rejissor):

“Hazırda stolumun üstündə olan kitab Aleksandr Stroqanovun “Psixoterapiya na baze teatralnıx sistem” (“Teatr sistemləri bazasında psixoterapiya”) kitabıdır”.

Şövqi Hüseynov (Gənc Tamaşaçılar Teatrının aktyoru):

“Axırıncı oxuduğum kitab ən çox sevdiyim aktyor-pedoqoqlardan biri olan Sergey Yurskinin "Popıtka dumat" (“Düşünmək cəhdi”) kitabı olub. Kitabda aktyor kimi fikirləşməyin, rol üzərində daha ciddi düşünməyin dəqiq yolları barədə geniş materiallar var. Amma heyf ki, bu kitab hələ Azərbaycan dilinə tərcümə olunmayıb”

Aydın Talıbzadə (teatrşünas, alim):

“Xalid Hüseynin “Çərpələng uçuran” və “Bozun əlli çaları” kitabını oxudum. İkincini yarıdan tulladım, ardını oxumadım. Amma “Çərpələng uçuran”ı bitirdim. Hərçənd o əsərin də sonda melodramatikliyə doğru getməsi məni məyus etdi. Paulo Koelyonun “Zahir” romanını yenicə oxumağa başlamışam. Paralel olaraq Antonen Artonun, Qrotovskinin əsərlərini, məqalələrini oxuyuram. Hərçənd onları vaxtilə hissə-hissə bir dəfə oxumuşam.

Namiq Ağayev (teatr rejissoru):

“Son oxuduğum Paul Koelyonun “Kimyagər” kitabıdı.”

Məleykə Əsədova (Akademik Mili Dram Teatrının aktrisası):

“Patrik Züskindin “Ətriyyatçı” romanını oxuyub bitirmişəm. Şeir oxumaq üzərində məşq edirəm və Bəxtiyar Vahabzadənin şeirlərini oxuyuram”

Bəhram Osmanov (Gənc Tamaşaçılar Teatrının baş rejissoru):

“Valeri Zolotuxinin “Məktublar”ını oxuyuram. Paralel olaraq Servantesin “Don Kixot”unu da yenidən oxuyuram”.

Nargilə Qəribova (Pantomima teatrının aktrisası):

“Erix Bernin “Oyun oynayan insanlar” kitabını və Biçer Stounun “Tom dayının daxması” kitablarını oxumuşam. Əlimə düşəndə aktyor sənətinə aid kitablar və məqalələr oxuyuram”.

Ayşad Məmmədov (Akademik Mili Dram Teatrının aktyoru):

"Elif Şafakın "Eşq" romanını oxuyuram".

news-inner-user
Aliyə

997 məqalə

Oxşar xəbərlər

Xəbər lenti

Respublika Uşaq kitabxanası yeni layihəsinin ilk mövzusunu Milli Musiqi Gününə həsr edib
09:59 19 Sentyabr 2020
Mətbəxdə cazibəsini itirən qadının dramı
09:00 19 Sentyabr 2020
Üzeyir Hacıbəyovun felyetonu: “Cin”
21:01 18 Sentyabr 2020
Açıq havada premyera oldu – İlk dəfə
19:01 18 Sentyabr 2020
Onlar "Ginnesin rekordlar kitabı"na daxil oldular - Fotolar
18:40 18 Sentyabr 2020
"Arşın mal alan" Bolqarıstan teatrında səhnəyə qoyuldu
18:00 18 Sentyabr 2020
Sarı camış - Kamal Abdulladan yeni hekayə
17:22 18 Sentyabr 2020
Azərbaycanın “Avroviziya-2021”də iştirakı təsdiqləndi
16:38 18 Sentyabr 2020
Üzeyir Hacıbəylinin xatirəsi anıldı
15:51 18 Sentyabr 2020
Dostunun qızıl saatını oğurlayan Vüqar, ərindən iyrənən Validə... – Səriyyə xala iş başında
15:10 18 Sentyabr 2020
“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir? – Mütəxəssis rəyi
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020
Pula görə təhsilini yarımçıq qoydu, repressiyadan təsadüfən xilas oldu, xanımı başqa qadınla evlənməsini istədi – Üzeyir bəydən maraqlı faktlar
12:08 18 Sentyabr 2020
Müəlliməni intihara aparan səbəb
11:36 18 Sentyabr 2020
Musiqi Günü ilə bağlı elektron baza hazırlanıb - Link
11:02 18 Sentyabr 2020
Tanınmış yazıçı vəfat etdi
10:33 18 Sentyabr 2020
27 yaşda intihar edən müəlliməyə gecikmiş təsəlli
10:04 18 Sentyabr 2020
Bəy!
09:36 18 Sentyabr 2020