writer1

Ramilə Qurbanlı

Məqalə sayı

170
clock08:45 calendar-gray 07 Oktyabr 2013 view-gray1822 dəfə oxunub
view-gray1822 dəfə oxunub

Onun ürəyinin başındakı qara ləkə

Müharibə miniatürləri - XIV

Qarabağda atanın bacısına “mama” deyirlər. Cəbrayılın lap burnun qabağında bir kənd vardı-Həsənqaydı, mamam o kəndə gəlin köçmüşdü. Kənd Cəbrayılın özü kimi dağlıq idi. Evin biri bu dağın ətəyində, o biri iki dağın arasında, digəri onlardan birinin yamacında tikilmişdi. Belə evlər bir-birinə elə də yaxın deyildi, birinin həyətindən o birini görmək olmazdı. Heç bizim kənddəki kimi toyuq-cücələrinin də bir-birinə qarışmaq ehtimalı yox idi. Sıra dağların arasından böyük bir çaylaq uzanıb gedirdi. Yayda qonşular görüşmək üçün həmin çaylaqda çınqıl daşlarının üstündə oturub söhbətləşərdilər. Amma deyirdilər başqa fəsillərdə o çaylağa enmək heç mümkün deyil, çünki yağıntının hamısı o çaylaqla axıb arana tərəf, yəni bizim kəndlərə gedir və ordan da Araza qarışır.

Yayda isə mən orda gur, dərin bulaqlar görmüşdüm ancaq. Xüsusən də həmin çaylağın yuxarısına tərəf gedib dörd dağ arasına çatan yerdə bir dərin bulaq vardı ki, kənd camaatı içməli suyu o bulaqdan səhənglə daşıyırdı. Bulaq o qədər dərin idi ki, içinə girib səhəngi özümüz girdiyimiz yerdən deyil, bulağın baş tərəfindən dimdik tutmaqla, əyməyə ehtiyac yox idi, doldurub çiyinlərimizdə evə gətirirdik.

Bu kəndin camaatı da bax elə bu bulağın suyu qədər saf, təmənnasız, mehriban idilər. Çox da işlək camaat idi. Bütün günü o daş-qayanın içində çalışırdılar, qumsallıqda torpaqdan alınan məhsulu alardılar, təbii ki, öz ehtiyaclarını ödəyəcək qədər. Çünki qumsallıqda hansısa təsərrüfat yetişdirmək mümkün deyildi. Mal-qara saxlayır, bostan-tərəvəz özlərinə yetəcək qədər əkib becərirdilər.

Hamısının yanaqları qıpqırmızı olardı, sarışındılar. O dağlarda həmişə gülüş sədaları əks-səda verərdi, çox şən camaat idilər.

Mamamın qayınatası ilə qayınanası kolxozun toyuq fermasında işləyirdilər. Mamam da düşdüyü ailəyə elə uyğunlaşmışdı ki, həm fermada çalışır, həm ailəyə-uşağa baxır, həm də ev-eşiyin səliqə-səhmanı ilə məşğul olurdu. Bütün günü bir dağın yamacında yerləşən evlərindən o biri dağın ətəyində yerləşən ferma arasında hərəkətdə idi bu ailə. Bu zəhmətdən də çox məmnun görünürdülər.

Nəfəs yollarımda problem olduğundan həkim mənə dağ havası məsləhət görmüşdü və hər yay papam məni aparıb mamamın yanında, o dağlarda qoyardı. O dağlarda mamamla, onun mehriban ailəsi, zəhmətkeş, şən, səmimi Həsənqaydı camaatı ilə çox şirin uşaqlıq xatirələrim var. Nəfəs yollarımdakı problem elə oraların havası, o bulaqların suyu ilə süzülüb getdi.

Bakıda mamamın əvvəlcə qayınatası, bir neçə il sonra qayınatası nəfəs yolları xəstəliyindən dünyalarını dəyişdilər. Mənə hərdən elə gəlir ki, onlar boğuldular Bakıda.

Hərdən düşünürəm ki, indi Həsənqaydı kəndi özü boğulur, havası çatmır, keçmiş günlərinin həsrəti ilə yanmaqdan səhraya çevrilib.

Mamamsa cavan yaşında bir gecə yatdı və oyanmadı, sadəcə oyanmadı. Onu yuyan qadın mamamın ürəyinin tuşundan kürəyində göy-qara qarışıq yumruq boyda bir ləkə olduğunu dedi.

REKLAM

Yazarın digər yazıları

Xəbər lenti

"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021
Pandemiya harınlamışlara dərs oldu – Müğənnilər toy sevincini bölüşür
14:10 22 İyun 2021
Azərbaycanlı rejissor vəfat etdi
14:01 22 İyun 2021
Mədəniyyət Nazirliyində seçkilər keçiriləcək
13:19 22 İyun 2021
Sevdiyi qızın qrup yoldaşını döydü, həbsxanada şəkər xəstəliyi tapdı, oğlunun ölümünə görə gəlinini təbrik etdi - Xəlil Rzadan 10 qeyri-adi fakt
12:37 22 İyun 2021
Vandamın qudası niyə gündəm olur? - Mətbuatın sirri
12:01 22 İyun 2021
Sözümüzün Cahangiri - Müşfiq Şükürlü yazır
11:30 22 İyun 2021
Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021