writer1

Aqşin Yenisey

Məqalə sayı

91
clock14:16 calendar-gray 24 Sentyabr 2013 view-gray3080 dəfə oxunub
view-gray3080 dəfə oxunub

O şairlərin heç biri yox idi

Aqşin Yenisey yazır

Gecə saat 5. Yuxu ərəblərin ərş, Həmid Herisçinin metafizika dediyi, Freydin psixo”ANA”liz elədiyi bir aləmə çəkilib.

Kitabxanamda eşələnirəm. Ən müasir və ən çox sevdiyim şairlərimizdən birinin kitabını axtarıram ki, götürüb oxuyum, bir az köhnəlim - gecənin bu vaxtı dünyada tək qalmadığıma əmin olmaq üçün. Məsələn, imperiya şairi olsa da, Vaqif Səmədoğlunun bu misrasını axtarıram: ”...nə fərqi var hansı dildə susasan”.

Yoxdu.

Ramiz Rövşənin “Mən sənsiz ölmədim, məni bağışla” misrasını axtarıram, yoxdu.

Vaqif Bayatılının “öldü gözlərimdə bir dəvə kini” misrasını axtarıram, yoxdu.

Yoxdu Əli Kərimin “sən mənim qədrimi biləsən deyə, bu cavan yaşımda ölümmü indi?” misrası.

Yoxdu Salam Sarvanın “başı dik də tutub sürünmək olar” acı həqiqəti.

Yoxdu Səlim Babullaoğlunun yazdığı “Pəncərə önündəki islaq pişik, tanış əzabla ölür” misrası.

Rasim Qaracanın “artıq səsimi susmaqla eşitdirəcək yaşıma gəldim” misrası ilim-ilim itib.

İtkin düşüb Həmid Herisçinin “məni sevənlərin hamısı öldü” misrası.

Murad Köhnəqalanın “niyə döyür dizinə əllərini bu dəniz? Tanrım, geriyə çəkil, əl qaldırar bəndəniz” misrası evdən çıxıb bir daha geri qayıtmayıb.

Yoxdu Əkrəm Əylislinin “Qurd Cəbrayıl” kimi gözlərini qıyıb zalım həyatın sifətinə baxaraq yazdığı amansız cümlələr.

Yoxdu Kamal Abdullanın gənclik illərində yazdığı dəlisov şeirlərin heç biri. Hamısını aparıblar.

Tək qalmışam.

Bu evə kim girirsə, əliboş getmir, mütləq bir kitab vurur qoltuğuna. Hətta o gün Qan Turalı qapı örtülməsin deyə ayaqaltına qoyduğum “Orta əsrlər tarixi” kitabını çırpışdırıb. O, deyəsən, ədəbiyyata uzaqdan, orta əsrlərdən gəlmək istəyir yenidən. Ekonun təsirinə düşüb. Əlli dəfə demişəm, Qan Turalı, bizim indi ədəbiyyata gələn vaxtımız deyil, ədəbiyyatdan gedən vaxtımızdır.

Vaqif Səmədoğlu, səni-məni yaradan Tanrıya and olsun, sevdiyim bir kitabım itəndə elə bilirəm ki, əziz bir adamımı itirmişəm. Bax indi sizin şeirlərinizi oxumaq istəyirdim; o biri var e, bir axşam, taksi, payız... həyatın ən ucqar yerləri... Sizin şeirlərinizdə təkliyin körpəliyi var, deyinmək yoxdu.

Ramiz Rövşən abi şeirlərində, bir növ, təkliyin deyingənliyini edir. Vaqif bayatılı isə “uzun, incə bir yoldadır”, heç özü də bilmir nə yazır. O, müasir poeziyamızın Don KiLotusudur.

Gecənin bu vaxtı yadıma düşdünüz, hamınızı oxumaq istədim yenidən. Heyif ki, hamınızın kitablarını aparıblar, ya da özüm hədiyyə etmişəm. Şairsiz, şeirsiz qaldım bu yağışın altında. Hırsımdan səhərə kimi Əhməd Kayanın “pəncərəsiz qaldım, anne” şarkısına qulaq asmışam.

REKLAM

Yazarın digər yazıları

Xəbər lenti

Eldar Quliyev dəfn olunub - Foto
15:43 18 Aprel 2021
Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021