writer1

Qismət

Məqalə sayı

186
clock11:25 calendar-gray 19 Sentyabr 2013 view-gray2318 dəfə oxunub
view-gray2318 dəfə oxunub

Çıldağı tanıdım, Fuko kimdir?

Qismət yazır

Həmin gün hava “budilnik”in səsinə oyanıb, vaxtı on dəqiqə də uzadan tələbə kimi idi – gah tutulur, gah da açılırdı. Metronun qabağında siqaret tüstülədirdim. Gözləri ürək döyüntüsü kimi artıb-azalan bir oğlan sual dolu gözlərlə ətrafı süzürdü, axırı mənə yaxınlaşdı.

“Qardaş, Qorki küçəsi hardadı, bilmirsən ?”

“Elmlər Akademiyası”nda bu adda küçə tanımıram, ona görə uzatmıram: ”Yalan deyərəm.”

Oğlan gözlərini yerə zillədi, fikirləşdiyini göstərmək üçün başını qaşımağa başladı, sonra öz sualını təkrar elədi : “Qorki küçəsi?... Qorki küçəsi?...”

Getmədi. Gözlərini yerdən, əlini başından çəkdi, yenə mənə üz tutdu : “Deyirlər Tolstoy küçəsilə kəsişir...”

Mən yenə eyni valı fırlatdım : “Yalan deyərəm.”

Və nə oldusa, o an oldu. Oğlan Sokratdan bu yana heç bir fikir adamının ağlıma gəlməyən, Bekketi qısqandıracaq, İoneskunu dəli edəcək, onurğamı titrədən ağlasığmaz bir sual verdi : “Qardaş, özün burda qalansan ?”

***

“Red sofa” kafesində bir “Moonstone” sifariş etdim, vaxtilə həvəslə topladığım, sonra usanıb davam etdirmədiyim absurd dialoqları düşünməyə başladım. Bizi növbətçi cümlələr qurmağa, şahmat gedişləri kimi əzbərlənmiş suallar verməyə məcbur edən nədi görən? Dilimizdəki başqa cümlələri minalanmış sahəyə çevirən sirrin səbəbi nədi – yaşantımızmı?

Çoxdan görmədiyimiz bir tanışla rastlaşanda verdiyimiz cüt-cüt suallar məsələn :

“Nə var, nə yox ?”

“Salamatçılıq”

“Ev-eşik ?”

“Normal.”

“Arvad-uşaq ?”

“Yaxşılıqdı.”

“İş-güc ?”

“Həmin yerdəyəm.”

“Bişey-mişey çıxır?”

“Belə də...”

“Papa-mama yaxşıdır ?”

“Şükür.”

Qarşı tərəfin sualları bitən kimi xala xətrin qalmasın, sən də candərdi onun suallarını təkrarlamalı, sonra isə axırda gözləməlisən ki, illərdi görmədiyin və açığı heç yadına da düşməyən həmin adam səndən soruşsun :

“Mənim nömrəm səndə var da ?”

Həmişə “hə” deməlisən, sağollaşanda xüsusi şəkildə vurğulamalısan :”Vaxt eləyib görüşək.”

Bunca ömrün harasında, necə tanış olduğunuzu unutduğun, üstəlik guya nömrəsi səndə olan həmin adamla bir-birinizə “vaxt eləyib görüşək” deyirsiniz və ikiniz də bilirsiniz ki, bu olası iş deyil.

Kokteylim gəlib çıxmadı, siqaret yandırdım. Xatırladım ki, mən nə vaxt bu yalançı “mehriban uzaq tanış” rolunu oynamışamsa, səhv edib nömrəmi kimə vermişəmsə, həmişə həmin uzaq tanış uzağı bir həftə sonra zəng vurub görüşmək istəyib. Amma dərdləşmək üçün yox...

Ya borc istəmək üçün,

Ya hansısa qohumunu illeqal yollarla universitetə düzəltməyin mümkün olub-olmadığını öyrənmək üçün,

Ya nə vaxtsa TV-də yan-yana oturduğumuz millət vəkili ilə əlaqəmin olub-olmadığını, əlaqəm varsa, ona ağız açıb-açmayacağımı soruşmaq üçün,

Ya da yazı-pozu adamıyam deyə, lazım gəlsə hörmətimi də eləmək şərtilə, gələn ay olacaq toyuna ssenari yazmağımı rica etmək üçün.

Hələ ki, “toyumda aşı sən gətir” – deyən olmayıb. Buna da şükür!

Kokteylim gəlib çıxdl, dəftərçəmi açıb beynimdəki yazıdan nəsə qaralamaq istədim, bu dəm telefonuma sms gəldi : “Qismət bəy, meyxana yazınızı oxudum. Ağasəlim Çıldağı tanıdım, amma Mişel Fukonu yox. Kimdir ki ?”

Cavablandırdım: “Ağır seyid olub.”

REKLAM

Yazarın digər yazıları

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021