Lokarno kinofestivalının qalibləri açıqlandı

Lokarno kinofestivalının qalibləri açıqlandı
19 avqust 2013
# 13:26

İsveçrənin Lokarno şəhərində təşkil olunmuş beynəlxalq kinofestivalının qalibləri məlum olub. Kulis.Az-ın verdiyi xəbərə görə əsas priz - "Qızıl leopard"ı ispaniyalı rejissor Alberto Serranın "Historia de la meva mort" (“Mənim ölümümün tarixi”) filmi qazanıb.

Filmdə Kazanova və Drakulanın görüşündən bəhs olunur. Alberto Serranın sözlərinə görə, filmdə "dəhşətin gözəlliyi və gözəlliyin dəhşətlərindən" danışılır.

Münsiflər heyətinin xüsusi mükafatını portuqaliyalı rejissor Xoakim Pintonun (Joaquim Pinto) "E Agora? Lembra-me" ("Bəs indi? Məni yadda saxla") filmi alıb.

"Bizim Sunxi" filminə görə Cənubi Koreyadan olan Xon San Su ən yaxşı rejissor nominasiyasında qalib olub.

Aktyor ustalığı nominasiyasında mükafatları münsiflər tərəfindən xüsusi qeyd olunmuş "Short Term 12" və “El Mudo” filmindəki rollarına görə müvafiq olaraq amerikalı aktrisa Bri Larson və perulu aktyor Fernando Baziliyo alıb.

Lokarno kinofestivalında rejissoru və ssenari müəllifləri Elvin Adigözəl və Rüfət Həsənov olan “Buqələmun” filmi festivalın əsas müsabiqəsində yarışırdı.

Avqustun 7-dən 17-ə kimi keçirilən kinofestivalın əsas prizlərinə 20 film təqdim edilmişdi. Festivalın münsiflər heyətinə filippinli rejissor Lav Diaz rəhbərlik edirdi.

2013-cü ildə dünyanın ən prestijli festivalları siyahısına daxil olan Lokarno kinofestivalı 66-cı dəfə keçirilir. 2012-ci ildə "Qızıl leopard"ı fransalı rejissor Jan-Klod Brissonun filmi almışdı.

# 2834 dəfə oxunub

Oxşar xəbərlər

Ağrıdan qurtulmaq mümkündürmü? – “Kədər tərbiyəçiləri” niyə təsəlli vəd etmir?

Ağrıdan qurtulmaq mümkündürmü? – “Kədər tərbiyəçiləri” niyə təsəlli vəd etmir?

12:00 20 noyabr 2026
Pattinsonun Ceyms Bond seçilməsində Ceff Bezosun da rolu olub

Pattinsonun Ceyms Bond seçilməsində Ceff Bezosun da rolu olub

11:12 20 noyabr 2026
Qəzza müharibəsi haqqında sənədli film 47 ölkədə nümayiş etdirildi

Qəzza müharibəsi haqqında sənədli film 47 ölkədə nümayiş etdirildi

14:26 18 noyabr 2026
Aktyorlar süni intellektə qarşı birləşdi – Rəqəmsal surətlərin istifadəsinə məhdudiyyət

Aktyorlar süni intellektə qarşı birləşdi – Rəqəmsal surətlərin istifadəsinə məhdudiyyət

12:47 18 noyabr 2026
FTX qalmaqalı haqqında serial - 8 milyard dollarlıq çöküş "Netflix"də

FTX qalmaqalı haqqında serial - 8 milyard dollarlıq çöküş "Netflix"də

12:14 17 noyabr 2026
Yeni Ceyms Bond bəlli oldu - 007 roluna gözlənilməz aktyor

Yeni Ceyms Bond bəlli oldu - 007 roluna gözlənilməz aktyor

10:14 17 noyabr 2026
Ana səhifə Reels Yazarlar Xəbərlər