news-inner
clock15:10 calendar-gray 05 İyul 2013 view-gray1323 dəfə oxunub
view-gray1323 dəfə oxunub

Yaradıcılıq fakültəsi tələbələrinin məzun günü keçirildi - FOTOLENT

Bakı Slavyan Universitetinin Yaradıcılıq fakültəsində məzun günü keçirilib. Kulis.az ıən məlumatına görə tədbirdə tələbə və məzunlarla yanaşı, ziyalılar, mətbuat nümayəndələri də iştirak ediblər.

Tədbiri giriş sözü ilə açan BSU-nun rektoru, yazıçı Kamal Abdulla Yaradıcılıq fakültəsi ideyasının reallığa çevrilməsi üçün atdığı addımlardan danışıb və universitetin kollektivinə bu işə göstərdikləri dəstəyə görə təşəkkür edib: “Altı il bundan əvvəl bu fakültəni virtual olaraq yaratma ideyasını irəli sürəndə kollektiv nəinki bu fikri dəstəklədi, həm də öz təklifləri ilə genişləndirdi və müəllimlər, ziyalılar fakültənin araya-ərsəyə gəlməsində öz töhfələrini əsirgəmədilər. İstəyimiz bir ədəbi mühit formalaşdırmaq, gənclərin öz istedadlarını göstərməsi üçün meydan yaratmaq idi. İndi fəxrlə deyə bilərik ki, bizim məzunlarımızdan bir çoxu artıq cəmiyyətdə kifayət qədər tanınır. Doğrudur, mənim ədəbi müsabiqələrdən sidqim sıyrılıb, buna baxmayaraq tələbələrimizin müxtəlif müsabiqələrdə qalib olması faktını da yüksək qiymətləndirirəm. Beləliklə, hazırda müasir ədəbi prosesi bizim məzun və tələbələrimiz olmadan təsəvvür etmək mümkün deyil. Ancaq əmin ola bilərsiniz ki, bir neçə ildən sonra bu fakültənin məzunları ədəbi prosesin təkcə aktiv iştirakçıları yox, həm də yaradıcıları olacaqlar”.

Fakültə tələbələrinin ədəbi ictimaiyyətə təqdimatında səmimi-qəlbdən iştirak edən mətbuat orqanlarını xüsusi vurğulayan K.Abdulla onlara ayrı-ayrılıqda təşəkkür etdi: “525-ci qəzet”, “Kulis”, “Kultaz”, “Qafqazinfo”, “Oxu zalı” və s. adını çəkə bilmədiym, sözün, ədəbiyyatın yanında olan hər bir quruma, onların rəhbərlərinə də minnətdarlığımızı çatdırıram. Onların sayəsində yaradıcılığa yenicə qədəm qoyan, ilk addımlarını Yaradıcılıq fakültəsində atan gənclər özlərini ifadə edə və tanıda bilirlər”.

BSU prorektoru professor Asif Hacılı, tədris-hissə müdiri Məmmədtağı Rzayev və dekan Elnarə Tofiq qızı bu “virtual fakültənin” “reallığa” çevrilməsində K.Abdullanın xidmətlərini xüsusi vurğulayıblar. “Kamal müəllim vaxtının azlığına, məşğul olmasına baxmayaraq, Yaradıcılıq fakültəsi ilə hər gün maraqlanır və onun bütün qayğılarını dərhal həll edir. Bu, bir fakültədən daha çox, Kamal Abdullanın yaradıcı gəncliyə olan qayğısının nəticəsidir. İstərdim ki, bizim məzunlar da gələcəkdə bu qayğını özlərindən sonrakı nəsilə ötürsünlər” – deyə Asif Hacılı bildirdi.

Tədbirə qonaq qismində dəvət alan xalq şairi, millət vəkili Sabir Rüstəmxanlı keçmiş Sovetlər Birliyinin Ədəbiyyat İnstitutu modelində bir fakültənin yaranmasını alqışladığını söylədi. Xalq şairi qeyd etdi ki, minlərlə kitab oxumaq yaradıcı mühitin insana verdiyi ədəbi təsəvvürləri əvəz edə bilmir: “Biz gəncliyimizdə yalnız ədəbi birliklərə qoşulandan, ordakı müzakirələrin iştirakçısı olandan sonra ədəbiyyatın, sözün nə olduğunu dərk etməyə başladıq. Bu baxımdan Yaradıcılıq fakültəsinin bir ədəbi mühit kimi formalaşması, Azərbaycanın tanınmış ziyalılarının, tənqidçilərinin, söz adamlarının ustad dərslərinin təşkili gənclərin yetişməsində əvəzsiz rol oynayır”.

S.Rüstəmxanlı söz adamlarının heç vaxt bir-birinə mane olmadığını, meydanını dar etmədiyini vurğuladı: “Hər söz adamının öz dünyası var və ona kimsə mane ola bilməz. Əksinə, fikir bölüşmək, müzakirələrdə iştirak etmək bu dünyaların rəngarəngliyini artırır və ədəbi mühiti zənginləşdirir. Digər tərəfdən, dünyanın ən məşhur pedaqoqları, sənət adamları çox vaxt yaza bilmədiklərini yaradıcı mühitdə, canlı danışıqda deyirlər. Ədəbiyyat İnstitutunun tanınmış müəllimlərinin ən məşhur kitabları o audutoriyalarda etdikləri çıxışlardır ki, sonradan onları toplayıb dərc ediblər və ədəbiyyata misilsiz xəzinə bəxş ediblər. Yəni yaradıcı mühitlərin öz aurası söz adamlarına ayrıca imkanlar verir. Bu baxımdan belə bir fakültənin imkanları çox genişdir və tələbələr bu fürsətdən maksimum bəhrələnməlidirlər”.

Daha sonra iki il ərzində məzunlara müxtəlif fənlərdən dərslər deyən, ustad siniflər aparan, müzakirələrini təşkil edən ədəbiyyat və elm xadimləri – Niyazi Mehdi, Rəhim Əliyev, Tehran Əlişanoğlu, Rüstəm Kamal, Salam Sarvan, Etimad Başkeçid, Cavanşir Yusifli tələbələrə uğurlar arzulayıblar.

Keçmiş məzunlardan Qismət, Rəbiqə, Günel Eyvazlı, Feyziyyə çıxış edərək, Yaradıcılıq fakültəsinin onların həyatındakı rolundan danışdılar və bu gün də özlərinə mənəvi ocaq saydıqları BSU-nun müəllimlərinə təşəkkürlərini çatdırıblar.

Tədbir fakültənin keçirdiyi görüşlərdən, tələbələrin müxtəlif televerilişlərdə səsləndirdikləri şeirlərdən, mükafatlandırılma mərasimlərindən hazırlanan videoçarxlarla müşayiət olunub.

Sonda Yaradıcılıq fakültəsinin bu il təhsilini tamamlayan 23 məzununa rektor Kamal Abdulla diplom və hədiyyələr təqdim elədi.

news-inner-user

19111 məqalə

Oxşar xəbərlər

Xəbər lenti

Ukraynanın yumor şousunda Bakı komandası da yer aldı
15:47 23 İyun 2021
Rəngkarlıq Muzeyində gənclər üçün ustad dərsləri davam edir
15:01 23 İyun 2021
Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021