writer1

Mirmehdi Ağaoğlu

Məqalə sayı

574
clock11:02 calendar-gray 16 May 2011 view-gray1424 dəfə oxunub
view-gray1424 dəfə oxunub

Buzları sındıran qız

“Avrovisiya” yarışmasında qalib olduq.

Evlərində televizya qarşısında sevinənlərdən savayı şəhərə çıxanlar oldu. Onlar ilk dəfə bir qızın köynəyini soyunaraq sevincini biruzə verməsinin də gördük. Bu mənzərə qələbənin şokuna daha bir şok əlavə elədi.

“Əli və Nino”nun birinci səhifəsindən gələn bir dilemma yenidən aktuallaşdı.

Əcəba biz Avropalıyıqmı? Ya Asiyalı?

Birini seçməliyik. İkisi olmaq mümkün deyil.

Qərbli olmağımızı istəyənlərimiz azdı.

İkinci qismi bildik əlbəttə.

Üçüncü qism isə qərbdən yaxşını götürək pisini saxlayaq janrında danışır. Bu lap yeməyin ətini yeyib suyunu saxlamağa bənzəyir.
Əsrin əvvəllərində Bakının neft mərkəzi olması onu daha çox avropalaşdırdı. Milyonçularımız Avropa dəyərlərinə biganə deyildilər. “Opera və Balet teatrı” bir müğənninin sifarişi ilə bir ilə tikildi.

Sovet dövründə “şərqli-qərbli” məsələsi tartışılmasa da açıqca Avropa olduğumuz hiss olunurdu, ən azı Moskavanın təsiri vardı.
Müstəqillik dövründə bu mənzərə bir xeyli dəyişdi. Yetmiş ildə qadağan olunmuş və bir çoxları üçün hətta əlçatmaz olan dini ayinlər və bilgilərin artıq hər kəsin məşğul olacağı bir iş oldu.

Məktəbdə kitab üzünü açmağa nifrət edənlər Quran oxuyan oldular. Belədə dindardan çox mövhümatçı olmaq mümkün. Təhsilin səviyyəsinin aşağı düşməsi də digər tərəfdən kütləvi savadsızlığa və nəticədə bu savadsızlığın boğularkən yapışacağı saman çöpünün “mentalitet” olmasına rəvac verdi.

Bütün bunların nəticəsində Azərbaycan bir xeyli mühafizəkarlaşdı. Azərbaycanın İran olmasını istəyənlərin sayı xeyli artdı.
“Parni iz Baku”nun on il əvvəlki tamaşalarına təkrar baxanda cəmiyyətimizin bu dövrdə keçdiyi mərhələni apaydın sezmək mümkün. Bu tamaşalara bir daha baxanda bir şeyi deməyə bilmirsən. On il əvvəl nə əcəb belə demək, açıq-saçıq, vulqar danışmaq min nəfərin qarşısında “gələ” işarəsini gösrətmək mümkün idi?

Qısası, son illərdə biz əsl Şərq ölkəsinə çevrilmə yolunda addımlayarkən birdən Bakının ortasında bir qız sevincini qeyd etmək üçün soyunur. Heç bir kompleks keçirmədən. Eyforiya qapılmış kütlə də sevinc içində ilahə bütü ətrafına yığışar kimi onun başına yığışıb şənlənir. Sevincinə qatılıb soyunanlar belə olur.

O qızın soyunması dəyərləri sındırdı. Baxın, o cəmiyyətin adətən “müğənnidir də” deyib keçdiyi bir adam deyil. Bu siravi bir adamdır. Cəmiyyətin içindən çıxmış biri.

Onun soyunmağı, üstsüz görünməsi bir müğənninin soyunmasından daha təsirlidir. O qızın soyunması mentalitet, milli dəyərlər buzlaqları içində donub qalmış bir gəmini işə saldı.

Soyunmaq bir Avropa dəyəri deyil. Demokratiya, insan azadlığıdır Avropa dəyəri. O qızın da sevincini bu cür ifadə etməsinə imkan verən bir dəyərdir.

Bizim də qismətimiz beləymiş. Avropa dəyərləri bizə bu formada gələsi oldu. Bir Avropa yarışmasında qalib olmağımız da hələ avropalı olma şansımızın qalması deməkdir.


P.S. Əksini fərz edənlər nədən o qızın bu qədər diqqət çəkməsini də bir düşünsünlər.
REKLAM

Yazarın digər yazıları

Xəbər lenti

Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021
Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
14:00 20 Yanvar 2021
“Harri Potter” filminin ulduzu kinodan getdi
12:45 20 Yanvar 2021
Tanıdığım ilk şəhid
11:30 20 Yanvar 2021
Məşhur serialın aktyoru vəfat etdi
10:20 20 Yanvar 2021
Müstəqillik tarixinin ən möhtəşəm 20 Yanvarı - Şərif Ağayar yazır...
09:01 20 Yanvar 2021
"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021