writer1

Kənan Hacı

Məqalə sayı

193
clock12:06 calendar-gray 25 Aprel 2013 view-gray1179 dəfə oxunub
view-gray1179 dəfə oxunub

Ağabəyovun iki nəfərlik təsbehi

Murad Köhnəqalanın “Bulud pinəçisi” povesti haqqında vaxtilə yazı yazmışam. Özüylə də yalançılar sözü, “bir ton” araq içmişəm, arada sözümüzün çəp gələn vaxtı da olub. Amma işim çətinə düşəndə hayıma yetən adamlardan biri də Murad olub.

Telefonuma Muradın zəngi gələndə açığı, bir qədər təəccübləndim. Çünki Murad mənə çox nadir hallarda zəng edir. Sonuncu dəfə nə vaxt zəng edib, xatırlamıram. Dedi ki, təcili Gəncəyə getmək lazımdır, bir məhkəmə işi var, bu gün axşam çıxıb sabah qayıdacağıq. Dərhal razılaşdım. Çünki Muradla səfərə çıxmaq ayrı aləmdir.

Axşam Dəmir Yol Vağzalından kupeyə bilet alıb yaxınlıqdakı mağazaya yollandıq ki, kupedə toqqamızın altını bərkitmək üçün ayın-oyun alaq. Yolda bizi qəfil yağış tutdu. Murad özünə yarım litrlik “Stoliçnoya” arağı aldı, yeməyə də kolbasa-çörək götürdük. Perrona çıxıb Bakı-Gəncə qatarının 10-cu vaqonunda yerimizi tutduq. Süfrəmizi hazırlayıb siqaret çəkmək üçün tambura çıxdıq. Qayıdanda gördük ki, içəridə kök bir kişi oturub, qapını tıqqıldadıb zarafatla: - gəlmək olar? – dedim. Bu kök kişi də kim olsa yaxşıdır? Əməkdar artist Telman Əliyev.

Aktyorun əlindəki uzun təsbeh Muradın diqqətini çəkdi, təsbeh o qədər uzun idi ki, ucu az qala yerə dəyirdi. Murad dedi ki, “məllim, təsbehin deyəsən iki nəfərlikdi”. Gülüşdük. Tanışlıq versəm də aktyor mən cəhənnəm, Muradı da tanımadı. Murad dedi ki, bu artistlər kitab-zad oxumurlar, bunlara nə ssenari verilir, onu da oxuyurlar. Əməkdar artistimiz Muradın bu fikrinə nə hə, nə də yox dedi. Əvəzində Gəncədə yaşayan yazıçıların adlarını sadaladı: Qərib Mehdi, Əhməd İsayev, Məmməd Alim, Altay Məmmədov(rəhmətə gedib).

Telman Əliyev uzun illər Gəncə teatrında çalışıb. 2000-ci ildən Akademik Milli Dram Teatrında çalışır. Son vaxtlar teleseriallarda çəkilir. Növbəylə əməkdar artistlə şəkil də çəkdirdik. Murad plastik stəkanda beş-beş vurur, arada baməzə replikalar atırdı. Tez-tez də aktyora təsbeh çevirməyini irad tuturdu. Telman müəllim dedi ki, bu təsbehi mənə bağışlayıblar, bununla da sanki özünə bəraət qazandırmaq istədi. Biləcərini yenicə keçmişdik ki, Murada Gəncədən zəng gəldi. Məlum oldu ki, məhkəmə təxirə salınır. Murad dedi ki, geri qayıtmaq lazımdır, daha gedəsi olmadıq. Bələdçidən öyrəndim ki, qatar bir də Qaradağda dayanacaq. Murad dedi ki, bəlkə Ucara gedək?

Ucara getməyimizin nə mənası vardı? Yalandan Murada dedim ki, qatar Ucardan keçmir axı. Dedi, doğrudan? Dedim, hə. Dedi, onda Qaradağda düşək. Murad yarısından çoxunu içdiyi araq şüşəsini çantasına qoydu. Qatar bələdçisinə xəbər verdim ki, qayıdırıq və xahiş etdim ki, növbəti stansiyada düşməyimiz üçün şərait yaratsın. Əməkdar artistimizlə sağollaşıb gecənin qaranlığında Qaradağ stansiyasında qatardan endik. Yəqin o da bizdən canını qurtardığı üçün əməlli-başlı sevindi. Çünki Murad arada əyri-əyri onun əlindəki təsbehə baxırdı.

Muradla stansiyada dayanmış qatarların altından keçə-keçə birtəhər özümüzü asfalt yola çatdırdıq. Ələt səmtindən ancaq yük maşınları gəlib keçirdi. Murad kiməsə zəng vurdu, “küçə fahişəsi kimi yol qırağında durmuşuq, heç bizə maşın saxlayan da yoxdu” dedi. Mən dedim fahişə olsaydıq, indi çoxdan maşın saxlayıb bizi aparmışdılar.

Qarşımızda bir avtobus dayandı, sürücü dedi mən Şəkiyə gedirəm, halbuki şəhər istiqamətində gedirdi. Murad dedi ayə, bə bizsizmi gedirsən?

Axır ki, bir insaflı avtobus sürücüsü bizi 20-ci sahəyə qədər gətirdi. Ordan da taksi sürücüsü bizi Memar Əcəmi” metrostansiyasına aparmaq üçün on manat pul istədi. Cibimdə cəmi dörd manat pul vardı. Hər dəfə də Murad kənara çəkilib cibinin pulunu sayırdı: Ayə, qoy görüm nə qədər pulum var...

Axır ki yeddi manata razılaşdıq. Yasamal bazarının qarşısında Muraddan ayrıldım. Gecə saat 2-yə işləyirdi...

REKLAM

Yazarın digər yazıları

Xəbər lenti

Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021