news-inner
clock08:15 calendar-gray 04 Aprel 2013 view-gray2211 dəfə oxunub
view-gray2211 dəfə oxunub

Ginnessin rekordlar kitabına necə düşmək olar?

Hər gün eyni saytları açmaqdan, oxumaqdan yorulmamısınız? Xəbərlər, online alış-veriş, əyləncə saytları, sosial şəbəkələr...

Araşdırmalara görə, internet istifadəçiləri gün ərzində orta hesabla 5-7 sayta baxırlar. Üstəlik nəzərə alsaq ki, bu saytlara hər gün daxil oluruq, onda bezməmək mümkünsüzdür. Bəs nə etməli? Maraqlı saytları necə tapmalı?

Kulis.az sizin sayt siyahınıza daxil ola biləcək 10 maraqlı və yeni saytı təqdim edir:

Ginness Rekordu qırın!

www.guinnessworldrecords.com

“Ginnessin Rekordları” saytına daxil olaraq, siz rekordçular siyahısına adınızı yazdıra bilərsiniz. Ana səhifənin yuxarı tərəfində yazılmış “Set a record” (rekordunu yerləşdir) düyməsinə basaraq, bacarığınıza uyğun kateqoriyanı seçin. Rekordu qırmısınızsa, bunu sübut edən video çəkib sayta yerləşdirin. Yeni qırılan rekordlar arasında “ən sürətlə daşınan motosiklet”, “ən qısa vaxtda qutuya girmək” kimi qəribə rekordlar var.

Yerlilərdən ingiliscə öyrənin

www.verbling.com

“Verbling” sayəsində ingilislərlə video söhbətlər edərək ingiliscənizi inkişaf etdirə bilərsiniz. Bu saytda qeydiyyatdan keçəndən sonra görüşü gözləyin və təsadüfi partnyorunuzla beş dəqiqə video-söhbət edin. Görsəniz hər şey yaxşıdır, söhbətə davam edin, yaxud başqa günə saxlayın. Saytda hələ ki ingilis dilinə dəstək verilir, amma yaxın vaxtlarda digər dillər də əlavə ediləcək.

Karikatura çəkməyi öyrənin

www.howtodrawapp.com

Rəsm çəkmə qabiliyyətinizin olduğunu düşünürsünüzsə, Android və iOS sistemlərində “ArtelPlus” firmasının hazırladığı “How to Draw”(Necə rəsm çəkməli) adlı proqramı endirin. Bu proqramla 70-ə yaxın heyvanın, super qəhrəmanların, insanların karikaturasını çəkə biləcəksiniz. Rəsm üçün kağızdan, yaxud sensor ekrandan istifadə edə bilərsiniz.

Qütb ayısının böyüməyinə baxın

www.explore.org/#!/live-cams/player/siku-cam-1

Heyvanların böyüməyinə, Sakit okeanda balıqların üzməyinə kim baxmaq istəməz? “Explore.org” saytı sizə bax bu şansı verir. Məsələn, siz bura daxil olaraq Danimarkadakı Skandinaviya Parkında böyüyən Siku adlı qütb ayısının üzməyi öyrənməyinə, sürüşməyinə baxa bilərsiniz. Bundan başqa saytdan qorillaların necə yaşadığını, balinalar, delfinlərin üzməyini izləmək mümkündür.

Məşhurların yaşadığı evləri görün

www.zoopla.co.uk/purpleplaques/all

“Blue Plaques” siyahısı barədə yəqin ki eşitmisiniz. Burada tarixdə iz qoymuş məşhurların yaşadıqları evlərin ünvanları toplanıb. İndi ona oxşar - “Purple Plaques” adlı bir siyahı da tutulub. Yeni siyahıya bugünkü məşhurların İngiltərədəki evlərinin ünvanları salınıb. Məsələn, müğənni Adelin, yaxud yazıçı J.K.Roulinqin məşhur olmamışdan əvvəl yaşadığı evin yerini məhz buradan öyrənə bilərsiniz.

Günəş sistemini müşahidə edin

www.solarsystem.nasa.gov

“NASA”nın saytında olan müşahidə sistemi sayəsində Günəş sistemində yer alan planetlər, peyklər, ulduzlar və Günəşlə bağlı məlumatlar almaq olar. Özünüzü bir anlıq “Voyager 2” kosmik gəmisində uçan kosmonavt kimi hiss edəcəksiniz. Baxacağınız fotolar, videolar, görüntülər NASA-nın 1950-ci ildən bəri yığdığı məlumatlar bazasındandır. Ona görə də, kosmik gəzintiniz pis alınmayacaq.

Nüvə bombasından sağ çıxardınızmı?

www.wouldisurviveanuke.com

Yaxınlığınızdakı şəhərin mərkəzinə 15 meqaton gücündə nüvə bombası atılsaydı, sağ qalardınızmı? Böyük ehtimalla, bu sualın cavabı “yox” olsa da, “wouldisurviveanuke” vasitəsi ilə sağ qalma faizinizi öyrənə bilərsiniz. Dayandığınız yerin ünvanını yazın, yaxud sistemin sizin yerinizi dəqiqləşdirməyini gözləyin. Bomba növünü seçəndən sonra nə qədər təhlükəsiz yerdə yaşadığınızı öyrənin.

Online musiqili siqnal yaradın

www.onlinemusicalarm.com

Gün ərzində görəcəyiniz vacib bir iş varsa, xatırlatma siqnalı üçün sevimli mahnınızdan istifadə edin. “Online Music Alarm” saytı ilə sevdiyiniz Youtube videosunu istənilən vaxtda veb skanerinizdə eşidin və görəcəyiniz işi xatırlayın. Saytın xidmətindən daha rahat istifadə etmək üçün “Google Chrome” əlavəsini yükləyin.

Səssiz film hazırlayın

www.theartistifier.com

Dəfələrlə mükafatlarla layiq görülən “The Artist” filminin uğurunu təkrarlamaq istəyirsinizsə, “Artistifier” saytına girib YouTube videolarına aid linki qoyaraq işə başlaya bilərsiniz. Səssiz film hazırlanarkən YouTube videosu analiz ediləcək və problem olmasa, növbəti mərhələyə keçəcək. İlk mərhələdə videonuz ağ-qara olacaq. Arxa plana qoyulan musiqidən başqa fərqli effektlər, bulanıq çərçivələr əlavə ediləcək.

Geyimləri vebkamera ilə yoxlayın

www.loverococo.com/products-4.php

Online moda saytı “Love Rococo” almaq istədiyiniz paltarı geyinmək üçün virtual bir otaq hazırlayıb. Sayt vebkameranızı güzgüyə çevirir, siz də ayaq üstə durub paltarı üzərinizə tuta, rənglərini dəyişə, şəklini çəkə bilərsiniz. Hələlik saytın virtual paltardəyişmə otağından ancaq qadınlar istifadə edə bilir.

news-inner-user
Rəna Nevzat

297 məqalə

Oxşar xəbərlər

Xəbər lenti

Zəngilanlı aktyor: "Ordan çıxan gün 11 yaşım tamam olurdu" - Video-söhbət
16:30 24 Oktyabr 2020
Türkiyəli yazar vəfat etdi
15:26 24 Oktyabr 2020
Azərbaycanlı rəssamın sərgisi İstanbulda
14:19 24 Oktyabr 2020
Tolstoy hansı şairin qızını sevmişdi? - Elçin yazır...
13:30 24 Oktyabr 2020
Ömürlə peşmanlıq oyunları - Cavanşir Yusifli Kulisdə gedən hekayədən yazır
12:21 24 Oktyabr 2020
Ajda Pekkan: “Azərbaycanlı qardaşlarımıza sevgi göndərirəm”
11:12 24 Oktyabr 2020
Şəhid olan Milli Qəhrəman haqqında film - Video
10:06 24 Oktyabr 2020
Vətənim adamlar - Sevda Sultanova yazır...
09:00 24 Oktyabr 2020
“Pişiyin evi” onlayn göstəriləcək
18:49 23 Oktyabr 2020
Nazirlik Zəngilanda dağılan məscidlə bağlı bəyanat yaydı
18:15 23 Oktyabr 2020
Azərbaycan əsgərinə heyrətlənən erməni hərbçi
17:31 23 Oktyabr 2020
Bütün zamanların ən gözəl aktrisasının həyatı film olur
16:53 23 Oktyabr 2020
Kino tarixinin ən qorxulu filmləri açıqlandı
16:11 23 Oktyabr 2020
Yapon caz ifaçısı Azərbaycan ordusuna pul köçürdü
15:29 23 Oktyabr 2020
Beynəlxalq Türk Mədəniyyəti və İrsi bəyanat yaydı
14:52 23 Oktyabr 2020
Allahı danan müəlliminin başına stul çırpdı, ömür boyu övladı olmadı, qızlığını xalası oğluna qısqandı - Xalq artistindən maraqlı faktlar
14:15 23 Oktyabr 2020
Facebookda yayılan təhlükəli döyüş videoları
13:34 23 Oktyabr 2020
Köçkünlük statusu – Sevinc Elsevər yazır...
12:47 23 Oktyabr 2020
Dağıdılan, dəyişdirilən, yer üzündən silinən abidələrimiz
12:04 23 Oktyabr 2020
“Bitls” qrupunun keçmiş üzvündən yeni albom
11:18 23 Oktyabr 2020