writer1

Şərif Ağayar

Məqalə sayı

540
clock08:15 calendar-gray 02 Aprel 2013 view-gray1607 dəfə oxunub
view-gray1607 dəfə oxunub

Oğlumu ildırım vurdu

Şərif Ağayar

Özünüzə orta şəkərli qəhvə süzüb monitora yaxın əyləşin, sizə qaçqınçılığın daha bir sirrini açacam... Belə baxıram, axırı bir gün məni kulturoloq-qaçqınşünas adlandıracaqlar. Neyləyim eee... aşıq gördüyünü çağırar!

Demək belə, qaçqın düşüb Azərbaycanın dörd bir yanına səpələnən qohum-əqrəbadan vaxtaşırı xəbər tutmaq mümkün deyil. O səbəbdən kimin öldüyünü, kimin qaldığını bilmirsən. Xüsusilə, yazı-pozu, kitab-dəftər adamısansa... Yaxın qohumlar da zəng çalıb adamın qanını qaraltmaq istəmir. Tutaq ki, Zaqatala fındıqlığında sığınacaq tapan uzaq qohumun rəhmətə gedib. Bundan sənə nə! Vaxt və pul-para tapıb ora gedəsi deyilsən. Odur ki, bilməməyin məsləhətdir.

Amma işin başqa tərəfi də var. Tutaq ki, qoca atası rəhmətə gedən uzaq qohumunla hansısa xeyir-şər məclisində rastlaşırsan və səmimi söhbət üçün deyirsən: “Atan necədir?”

Məncə izahata ehtiyac yoxdur...

Bu yaxınlarda başıma belə qəribə bir hadisə gəldi.

Çərxi-gərdişin qəhbəliyindən əsəblərimdə irili-xırdalı problemlər olur. Ona görə, yaxınlarım kəndçilərimizin həyatında baş verən faciəli xəbərləri mənə söyləmirlər. Məsələn, yenicə ailə qurmuş əmim qızının faciəli ölümünü yalnız yas yerinə çatanda bildim. Mənə əmimin arvadının, yəni qızın anasının vəfat etdiyini söyləmişdilər və mən də inanmışdım. Bakıdan rayonacan bibimlə son görüşümü xatırladım, ürəyimdə onunla vidalaşdım.

Bu xəbəri də mənə söyləməmişdilər...

Bakı Dövlət Universitetinin qaçqın şəhərciyində kəndçim, uzaq qohumum və atamın yaxın dostu İdris kişini görəndə ürəyimin telləri titrədi. Başında kepka, ayağında tozlu və əzilmiş ayaqqabı, əynində boynu qartmaq bağlamış plaş... Zalım oğlunun kepkasını alıb başına nimdaş şlyapa qoysan zənn edərsən ki, fırt eləyib Qoqolun hekayələrindən düşüb. Üzü tüklü idi. Uzun burnu və batıq ovurdları doğmalığını daha artırırdı. Əlini sıxdım, ağaran saqqalından öpdüm.

İdrisin oğlu Yusiflə dost idik kənddə... Sonra əlaqəmiz itdi. Onlar Daşkəsən rayonunda məskən saldılar deyə Yusifi bir daha görmədim. Hətta onunla toy qardaşlığı olmaq kimi parlaq bir ideyam da vardı. Bu barədə uşaqlıq andımız da olmuşdu. Hətta əlimizi qanadıb qanını biri-birinə qarışdırmış, həmin qarışıq qanı bloknotun vərəqinə silmişdik. Altına da tarix yazmışdıq. Ailə quranda bu köhnə ənənəyə əməl etməyə ehtiyac duymadım. Toyum olanda artıq o bloknotu itirmiş, Yusifi az qala unutmuşdum.

İdris kişini elə qaçqın şəhərciyindəcə kəklikotulu çaya qonaq etdim.

Həmin şəhərcikdə bizim qohumlar yaşayır. Rayon yerlərindən gələn kasıb tanış-bilişlər gecələmək üçün bura üz tutur.

İdris kişinin Bakıya səfəri təsadüfi olmazdı. Sorğu-suala tutanda öyrəndim ki, səhhətində problemlər var, yoxlanmağa gəlib.

Söhbətin şirin getməsi üçün yenə bir sual verdim:

“Yusif necədir?”

İdris kişi tutuldu, təəccüblə mənə baxıb udqundu. Handan-hana soyuq, təmkinli səsi eşidildi:

“Yusifi ildırım vurdu... Keçən il”

Diksindim. O mənə fikir vermədən davam etdi.

“Daşkəsəndə, Alaxançallının üstündə bir duzdaq var, heyvanı ora aparırdıq, Yusif telefonun şunurlarını qulağına taxıb radioya qulaq asırdı, birdən ildırım çaxdı, onu qaldırıb yerə çırpdı, mən özümü yetirincə ölmüşdü...”

Özümü buz üstünə çıxan dana kimi hiss etdim.

Gözlərim böyüdü, ayaqlarım əsməyə başladı...

İdris kişi isə kəklikotu çayından bir qurtum alıb soyuq səslə davam etdi:

“Dedilər, telefona görə ildırımı özünə çəkib...”

Nə deyəcəyimi bilmədim və hələ də bilmirəm...

REKLAM

Yazarın digər yazıları

Xəbər lenti

"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021
Tanınmış aktyor vəfat etdi
10:20 19 Yanvar 2021
Haaqada “20 Yanvar uşaqların gözü ilə” adlı virtual sərgi açıldı
09:55 19 Yanvar 2021
Müasir monqol hekayəsi: Portret - Orijinaldan tərcümə
09:00 19 Yanvar 2021
Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021