news-inner
clock08:00 calendar-gray 23 Fevral 2013 view-gray2153 dəfə oxunub
view-gray2153 dəfə oxunub

Rol üçün hər şeyə hazır idi... AKTRİSA TALEYİ

Mən aktrisa, aktyorlar haqda yazmağı o qədər də sevmirəm. Və filmləri də hansısa aktyora görə izləmirəm. Çünki kinoda mənim üçün önəmli adam həmişə rejissor olub.

Amma avstriyalı aktrisa Mariya Hofstetterdən yazmaya bilmədim. Onun adı insanların çoxuna heç nə demir. Dünyada o qədər də tanınmayan Hofstetter, mənim üçün qeyri-adi istedadına, savadına görə ən məşhur aktrisalardan bir neçə pillə yuxarıda dayanır.

İlk dəfə bu aktrisanı həmvətəni Ulrix Seidlın “İt günləri” filmində görmüşdüm. Psixi problemləri olan qadını ifa edən Hofstetterin oyununa valeh olmuşdum. Onu tanımayan peşəkar kinematoqrafçı belə bu obrazın gerçək olduğunu və ya onu aktrisanın oynadığını ayırd etməkdə çətinlik çəkər. Bədiiliklə sənədlilik arasında sərhədin itdiyi bu filmdə aktrisa rolunu maksimal dərəcədə təbii oynayır.

Keçən il Venesiya kinofestivalında jürinin xüsusi prizini alan, dindarların “kafir” adlandırdığı Seidlın “Cənnət” trilogiyasının “İnam” hissəsində aktrisa Anna Mariya adlı fanatik katolik qadının obrazını yaradıb.

Bu yaxınlarda M.Hofstetter ilə müsahibəni oxudum. Aktrisa müsahibəsində bu rola hazırlıq prosesini, təcrübəsini bölüşüb.

Aktrisa deyir: “Rasional səviyyədə Anna Mariyanın mahiyyətini dərhal anladım. Onun öz inamına sonsuz sədaqəti məni cəlb etdi. Amma sonra bütün bunları emosional səviyyədə qəbul etmək mənə çox çətin gəldi. Kifayət qədər inandırıcı obraz yarada biləcəyimə daim şübhə ilə yanaşırdım. Ona görə diqqətlə müxtəlif dini qrupların fəaliyyətini araşdırdım. Dindarlarla uzun-uzadı söhbətləşdim, onlarla birlikdə ibadət etdim, missioner fəaliyyəti ilə məşğul oldum, aborta etiraz edən nümayişlərə qatıldım. Eyni zamanda eksperimentlər apararaq roluma hazırlaşdım. Piyada Mariazellə (Avstriyanın bu şəhərində ölkənin nəhəng zəvvar katolik kilsəsi yerləşir – S.S.) ziyarətə getdim, monastırda rahibələrlə yaşadım, meşədə bir həftə ac qaldım. Eksperimentlərin əsas məqsədi bu dini mistik təcrübəni yaşamağa mənə kömək etməsi, öz yükünü çəkməyin, ağrıya, tənhalığa, aclığa dözməyin nə demək oluğunu anlamaq idi”.

Aktrisa hətta özünü qamçılamaq üçün günlərlə məşq edib və filmdə də həqiqətən özünü qamçılayıb.

Bundan əvvəl M. Hofstetter “İmport-Export” filmində tibb bacısı rolunu ifa edib. Rolunu oynamazdan əvvəl aylarla qocalar evində çalışıb.

“İt günləri” filmindəki psixi qadın obrazına hazırlıqları zamanı isə bir ildən artıq ruhi xəstələrin davranışlarını öyrənib.

Bu filmdə o, yoldan keçən maşınları saxlayır, sürücülərdən onu aparmağı xahiş edir. Yolboyu onlara “on ən populyar supermarketin, on ən yaxşı avtomobil markanın, on ən populyar heyvanın hansı olması” haqda zəhlətökən ya da qadın sürücülərə “aybaşı hələ olursan”, “neçə yaşın var”, “hələ yatırsan” kimi birbaşa ədəbsiz suallar verir.

Aktrisa son dərəcə məharətlə psixi insanı bütün vücud diliylə, davranışlarında, üz cizgilərində, baxışlarında canlandırır.

Hətta Hofstetter rola o qədər diqqət cəmləşdirib ki, film bitəndən sonra obrazdan çətinliklə çıxıb.

Oxşar xəbərlər

Xəbər lenti

Sən ey taclı eybəcər – Elza koronavirusa şeir yazdı
18:58 29 Mart 2020
Milli Kitabxanadan 30 min manatlıq jest
17:40 29 Mart 2020
Filmlərin yayımı və nümayişi qaydalarına dəyişiklik edilib
17:01 29 Mart 2020
Şəfiqə Məmmədova ordenlə təltif edilib
15:45 29 Mart 2020
Komada olanda Alim Qasımovu onun yanına niyə çağırdılar? - Müğənni Şəfa haqqında maraqlı faktlar
15:00 29 Mart 2020
Mədəniyyət Nazirliyi yeni layihəyə start verib
14:15 29 Mart 2020
Spirtlə dəstəmaz almaq zamanı
13:31 29 Mart 2020
Mərhum Xalq artistinin qonşusu: "Binamızın problemini bircə təbəssümlə həll etdi"
12:30 29 Mart 2020
Dünyanın ən qədim şeiri - 4 min yaşlı mətn
11:41 29 Mart 2020
AzTV-dən evdə darıxanlara sürpriz
11:03 29 Mart 2020
Şərif Ağayarın hekayəsi: “Şeqlov üsulu”
09:30 29 Mart 2020
Xalq şairi vəfat etdi
08:05 29 Mart 2020
Bob Dilan 8 il sonra sükutu pozdu
18:07 28 Mart 2020
Pandemiya günlərinin Təpəgözü
17:33 28 Mart 2020
Gənc şair karantindən şeir yazdı: Mənə kölgəni göndər
16:41 28 Mart 2020
Özünə gizli toy eləyən, içkiyə qurşanıb ailəsini atan, yataqdan videosu yayılan reper – Maraqlı faktlar
15:40 28 Mart 2020
Anar Nağılbazın ən çox istifadə etdiyi söyüş
15:04 28 Mart 2020
Tanınmış müğənnidən cəsarətli addım: "Bir-birimizə dəstək olaq"
14:50 28 Mart 2020
Şahbaz Xuduoğlu: "Kitab sifariş edən daha çox yaşlılardır"
13:17 28 Mart 2020
Seymur Baycandan yeni yazı - Bu əcinnə gərək mənim qarşıma çıxaydı?
12:23 28 Mart 2020