news-inner
clock08:30 calendar-gray 06 Fevral 2013 view-gray8117 dəfə oxunub
view-gray8117 dəfə oxunub

Yeni dövrün seks inqilabçısı...

Rihanna… 16 yaşında Barbadosda TV qarşısında, əlində daraqla mahnı oxuyub Madonna kimi rəqs eməyə çalışan, Bob Marley kimi danışan bu ədalı qız Nyu-Yorka gələn bütün yeniyetmələr kimi nə istədiyini bilirdi.

R&B dünyasının divası Beyonsun sevgilisi, hip-hop bazarının kralı Jay-Z səsyazma studiyasında təşkil etdiyi seçimlərdə bu qızda fərqlilik sezdi. “Onu saat 13.00-da dinlədik. Müqaviləni isə gecə saat 03.00-da imzaladıq. Rihannanı əlimizdən qaçıra bilməzdik” – Jay-Z o günü belə xatırlayır.

17 yaşında çıxartdığı albomun ilk mahnısı “Pon De Replay” milyonlarla pop mahnısından fərqlənmirdi. Mahnıda yenilik yox idi. Rihanna klipdə buruq saçları və belindən düşən şalvarı ilə arxasını yellədirdi. Britni Spirsin depressiyası olmasaydı, yəqin bu mahnı da, Rihanna da 2000-lər nostalgiyası kimi tarixdə qalacaqdı.

Pop dünyası onun çətiri altında

2007-ci ildə hamı “Ela ela ela ey ey ey ey” deyə gəzməyə başladı. Rihannanın, balaca karibli qızdan “badgirlriri”yə keçidinin xəbərçisi olan “Good Girl Gone Bad” albomundakı “Umbrella” adlı mahnısı hər şeyi dəyişdi.

Mahnının müəllifləri əvvəlcə Britni Spirsə üz tutmuş, ancaq depresiyyasına başı qarışan müğənnidən rədd cavabı almışdılar. Beləliklə, xoş təsadüf nəticəsində mahnı dönüb-dolaşıb Rihannanı tapdı və onu dünya ulduzu çevirdi.

“Umbrella” ilə birlikdə şirin qız obrazı getdi, əvəzinə isə dumanlı gözləri ilə yaramazlıq etməyə hazır olan bir qız gəldi.

Onu döyən adamı sevən Rihanna

Rihanna nə Lady Gaga kimi teatral, nə Beyons kimi diva, nə də Kim Kardaşyan kimi “Gucci” geyinən bahalı qız idi. Hiss olunurdu ki, bu qızın içində partlayacaq nəsə var. Və oldu da. Rihanna aşiq oldu. Özü kimi gənc Kris Brauna. Ancaq bu sevgi çox uzun çəkmədi.

2009-cu ildə Braun tərəfindən döyüldükdən sonra aqressiyası artdı. Aqressiya ilə yanaşı “Twitter”də “pis qız” fotoları çoxaldı. Partilərdə daha çox vaxt keçirməyə, içkiyə, əyləncəyə baş qoşdu. Görünürdü ki, Rihanna onu amansızca döyən kişini unuda bilmir. Aparıcı Oprah Winfreyin “Səni döydükdən sonra nə hiss etdin?” sualına belə cavab vermişdi:

“Hamı mənə kömək etmək istəyir. Ancaq ona kim kömək edəcək? Onun vəhşi olduğunu düşünürlər. Amma onun köməyə ehtiyacı var. Mən olmasam, ona kim kömək edəcək?”

Bu çarəsizlikdir, yoxsa həqiqətən də sevginin gözü kordur? Rihanna doğrudan da axmaqdır? Yaxud mazoxistdir?! – Bəlkə də bunların hamısıdır.

Rihanna nə qədər parçalansa da, bu sevgi ona daha çox fanat kütləsi, piar, milyonlarla Twitter izləyicisi gətirdi. Hər albomla, hətta 2-3 ayda bir imicini yenilədi. 12-13 yaşında onu nümunə seçən qızları üçün narahatlıq keçirən analara: “Mən model deyiləm. Mükəmməliyə deyil, fərdiyyətçiliyə inanıram” - dedi.

26 milyon Twitter izləyicisi...

26 milyon “Twitter” istifadəçisi ilə arxasının şəklini paylaşmaqdan çəkinmir. Küçəyə cırıq paltarla çıxır, səhnədə sado-mazoxist porno səhnəsi canlandırır, erotik çağırışlı mahnılar oxuyur.

O, Madonnanın sosial mediyadakı, amma daha güclü və sərt forması oldu. Madonnanın şıltaqlıqlarına utanmazlıq qatdı. Göyərmiş üzünün şəklini boynuna döydürdü, onu döyən sevgilisi ilə barışıb duet (Nobody’s Busines) yazdırdı. Hamıya: “Mənim həyatımdır, istədiyim kimi də yaşayacam” - dedi.

Yeni rok ulduzunuz

Rihanna keçən ay arxasına vurdurduğu marixuana döyməsini “İnstagram”a qoyub: “Mən Hollivud dəbdəbəsinin, qırmızı xalça keçidlərinin, mikrofon divalarının öldüyü yerdə doğulmuşam. Bar tualetlərində sevişməyi, qeyri-ənənəvi münasibətləri, sərxoş olmağı, ağılsız gənc qız kimi düşüb-qalxmağı, gözəl ətəklərdən çox arxası cırıq cinslərimi sevirəm. Yeni rok ulduzunuz mənəm. Xoşunuza gəlsə də, gəlməsə də” - mesajını verdi.

Sosial mediya kraliçası

“Badgirlriri” adı ilə “Twitter” və “Instagram”da aktiv olan Rihannanın “Twitter”də 26 milyon izləyicisi var. Halbuki, eyni sosial şəbəkədə Barak Obamanın izləyicilərinin sayı 6 milyondur. ““Facebook”un 1 nömrəli insanı” elan edilən müğənninin səhifəsi 62 milyon dəfə “bəyənilib”. 6 Qremmi mükafatlı Rihanna “Youtube”da 2,9 milyarddan çox baxıldığına görə “Forbes” tərəfindən “1 nömrəli Sosial Mediya Ulduzu” seçilib.

news-inner-user
Rəna Nevzat

297 məqalə

Oxşar xəbərlər

Xəbər lenti

“Pişiyin evi” onlayn göstəriləcək
18:49 23 Oktyabr 2020
Nazirlik Zəngilanda dağılan məscidlə bağlı bəyanat yaydı
18:15 23 Oktyabr 2020
Azərbaycan əsgərinə heyrətlənən erməni hərbçi
17:31 23 Oktyabr 2020
Bütün zamanların ən gözəl aktrisasının həyatı film olur
16:53 23 Oktyabr 2020
Kino tarixinin ən qorxulu filmləri açıqlandı
16:11 23 Oktyabr 2020
Yapon caz ifaçısı Azərbaycan ordusuna pul köçürdü
15:29 23 Oktyabr 2020
Beynəlxalq Türk Mədəniyyəti və İrsi bəyanat yaydı
14:52 23 Oktyabr 2020
Allahı danan müəlliminin başına stul çırpdı, ömür boyu övladı olmadı, qızlığını xalası oğluna qısqandı - Xalq artistindən maraqlı faktlar
14:15 23 Oktyabr 2020
Facebookda yayılan təhlükəli döyüş videoları
13:34 23 Oktyabr 2020
Köçkünlük statusu – Sevinc Elsevər yazır...
12:47 23 Oktyabr 2020
Dağıdılan, dəyişdirilən, yer üzündən silinən abidələrimiz
12:04 23 Oktyabr 2020
“Bitls” qrupunun keçmiş üzvündən yeni albom
11:18 23 Oktyabr 2020
Qanın alın yazısı yox idi - Aqşindən yeni şeir
10:41 23 Oktyabr 2020
Fərid Hüseynin yeni kitabı çıxdı
10:15 23 Oktyabr 2020
"Qurban olum Azərbaycan" mahnısının söz yazarı vəfat etdi
09:40 23 Oktyabr 2020
Gərək o sirrin üstünü açmayaydım - Bircənin romanı
09:00 23 Oktyabr 2020
Azərbaycan beynəlxalq musiqi festivalında təmsil olunacaq
18:41 22 Oktyabr 2020
Məşhur muzeylərin eksponatlarını dağıtdılar
18:04 22 Oktyabr 2020
Kuklada uşaqlar üçün tamaşa
17:23 22 Oktyabr 2020
Arvadına kölə kimi baxan varlı ər – Hekayə
16:44 22 Oktyabr 2020