Xalq artisti Amaliya Pənahovanın yaşadığı evin qarşısında aktrisanın barelyefinin açılış mərasimi keçirilib.
Kulis.az APA-ya istinadən xəbər verir ki, açılış mərasimində mədəniyyət naziri Anar Kərimov, Yazıçılar Birliyinin sədri Anar, Teatr Xadimləri İttifaqının İdarə Heyətinin sədri Azərpaşa Nemətov, xalq artistləri Həmidə Ömərova, Hacı İsmayılov, Nurəddin Mehdixanlı, Rasim Balayev və aktrisanın digər həmkarları iştirak edib.
Təqdimat mərasimində çıxış edən Anar Kərimov Amaliya Pənahovanın Azərbaycan teatr sənətində tutduğu yerdən danışıb. Nazir bildirib ki, Amaliya Pənahovanın teatr sənətiimizdə özünəməxsus rolu var: “Amaliya xanım Sovet dövründə əməkdar artist , xalq artisti adlarına layiq görülüb. Müstəqillik dövründə də xidmətləri yüksək dəyərləndirilərək Azərbaycan Respublikası Prezidentinin fəxri diplomu” ilə təltif edilib. Bizim teatr sənətimizdə onun böyük rolu var. Bu gün bu barelyefin açılışı ilə Amaliya xanımın adının əbədiləşdirilməsi ona dövlətimizin diqqətinin nümunəsidir. Dövlətimiz mədəniyyətimizə xidmət edən sənətkarların əməyini daim yüksək qiymətləndirib. Arzu edək ki, bundan sonra da bizim teatr sənətimizdə Amaliya xanım kimi sənətkarlar olacaq”.
Sonra mərasim iştirakçıları Amaliya xanım haqqında xatirələrindən danışaraq Allahdan ona rəhmət diləyiblər.
Qeyd edək ki, barelyefin müəllifi Xalq rəssamı, heykəltəraş Natiq Əliyevdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər