news-inner
clock10:35 calendar-gray 15 İyun 2021 view-gray727 dəfə oxunub
view-gray727 dəfə oxunub

Heç utanırsan, Ayxan?

Kulis.az Ayxan Ayvazın “Anlaqsız gənc şairlər – Onlar kimlərdir?” yazısını təqdim edir.

Keçənlərdə bizim Hikmət Nazimlə - ünlü Nazim Hikmətlə qarışdırmayın, bu bizim qazaxlımızdır – gənc şairlər haqda danışırdıq. Mənə dedi ki, bir gənc şair var, şeirlərini kitab eləyəcəkdi, göndərdi baxdım...

- Sonra nə oldu?

- Bir şeiri var idi, yazdım ki, bu anlaqsız vəziyyətdə yazılıb.

- Necə?

- Yəni, heç nə başa düşmürsən.

Yəqin, özünüz bilirsiniz, anlaqsız vəziyyət nə deməkdir. Daha çox cinayət işlərində cinayətkarın törətdiyi cinayəti yüngülləşdirmək üçün deyilir.

Yəni, o adam bu işi anlaqsız vəziyyətdə törədib, bilə-bilə, qəsdən eləməyib. Hikmətin bu diaqnozu xoşuma gəldi və əlbəttə, onun da könlünü xoş etmək üçün qəhqəhə çəkdim.

Qədim vaxtlarda gənc şairlər haqda bir yazı yazmışdım. Yazıda gənc şairlərin uğursuzluğundan, yersiz eqoistliklərindən danışmışdım. Qəribə olan odur ki, yazı çıxan kimi, gənc şairlərin əksəriyyəti mənim haqlı olduğumu dedilər. Qaqaların təbirincə desək, heç kim tənqidi “özünə aid eləmədi”.

Üstündən birmi, ikimi ay keçdi, gördüm, umu-küsülər başlayıb. Bəs deməzsənmi, hamı mənim yazımı qərəzli hesab edirmiş.

Vay dədəm, vay!

Keçənlərdə Şərif Ağayarın statusunu gördüm. Yazmışdı ki, bəs Əsəd Cahangirə dedim, sənətkar, bu yazıda qərəzlisiniz. Əsəd Cahangir də özünəməxsus bir cavab verib: obyektiv qərəzdir!

İndi onun sözü olmasın, mənim o yazım qərəzli olsa da, obyektiv qərəz idi. Ancaq ən qəribəsi o idi ki, əvvəl yazını bəyənənlər sonradan mısmırığını sallamışdılar.

Olmaya, Hikmət demiş, ilk oxunuşda anlaqsız vəziyyətdə olublarmış?

Hər şey ola bilər.

Ümumiyyətlə, son dövrlər yaxşı şeir görmürəm. Bəlkə rastıma çıxmır.

Bəlkə, şeir artıq məni tərpətmir. Bilmirəm. Yaxşı şeirlərin hamısı elə bil çoxdan yazılıb. İndilərdə yaxşı şeir tapmaq çox çətin işə çevrilib.

Yadıma düşür, bir dəfə Aqşin Yeniseylə söhbət edirdik, mənə dedi ki, heç vaxt bir hislə şeir yazmamışam. Bəlkə də gənc şairlərimizin ən böyük səhvi budur. Bir qızdan ayrılırlar, o dəqiqə, kədərin acısı qurumamış şeir quraşdırırlar.

Bəli, bu, məhz şeir quraşdırmaqdır.

Şeir yazmaq ayrı şeydir. Çox adam bunu qarışdırır. Şeir yazmaqla şeir quraşdırmaq arasındakı fərqi görməyənlər naşı adamlardı. Bizdə, əslində, çox şeir yazılmır, çox şeir quraşdırılır. Çox şair yoxdur, çoxlu şeir quraşdıran var. Şairlər çox azdı. Həmişə olduğu kimi. İndi bir də görürsən, o şeir quraşdıranların da içində kiminsə yaxşı bir şeiri çıxır. Daha o sayılmır.

Hamının bu həyatda bir yaxşı şeiri var yüz faiz. Hətta, özünə şair deməyənlərin belə, bir də görürsən, elə gözəl şeiri ortaya çıxır ki...

Tutaq ki, xərçəngdən ölən müəllimənin yazdığı şeir mənim son illər oxuduğum ən yaxşı və qüssəli şeir idi.

Ümumiyyətlə, bu yazı gənc şairlərin hamısına şamil olunmur. Onsuz əsl şair olanlar bu yazını oxuyub, təbəssüm qonduracaqlar üzlərinə. Çünki söhbət onlardan getmir.

Yəni içiniz rahat olsun, hamınıza aid eləmirəm.

Gənc şairlərdən bir neçəsində Hikmətin dediyi anlaqsızlığı hiss eləmişəm. Şeir başlayır, söhbət ayrı söhbətdir, bir azdan gənc şair “priboyla”yır, nədən yazdığı özünə də məlum olmur.

Yaxşı misra ortaya çıxartmaq üçün, az qala, yarım metr sicilləmə qaralayır, ortada da nə şeir qalır, nə söz. Sən də baxırsan şeirə, deyirsən, vay, dədə, vay, bəlkə bu nəsə bir hikmətli fikir söyləyir, biz tuta bilmirik.

Ola bilər, hər şey ola bilər.

Mən elə də ağıllı adam deyiləm. Hərdən başım qaçır, düz-əməlli başa düşmürəm qarşımdakını. Olur, hə, məndə çox olur belə şeylər. Bilmirəm, müalicəsi var, ya yox.

Ola bilsin, yazıda gənc şairlərin adlarını da çəkmək lazım idi. Ancaq daha özümə gənc şairlərin adını çəkməyə qadağa qoymuşam. Çünki gənc şairlərin adını çəkəndən heç yarım saat keçmir, biri artıq başına çıxıb, bir də görürsən, hələ ayaqlarını da sallayıb, üstəlik damağında da siqaret tüstülədir. Ona görə, bu ad çəkmək məsələsini özlüyümdə yerli-dibli yığışdırmışam.

Tanış ifadədə deyildiyi kimi, istəmirəm ad çəkib, o şəxsi məşhurlaşdırım. Onsuz da aşağı-yuxarı əksəriyyət mənim dediyim vəziyyətdədir. Düzü, kimsə bunu tənqidi yazı da hesab etməyə bilər. Olsun. O şəxslə də razıyam. Çünki doğrudan da tənqidi yazı deyil bu. Tənqidi yazı belə olar? Heç utanırsan, Ayxan? Adam da belə dəxilsiz, səviyyəsiz, mənasız yazı yazar? Guya sən zorsan, bombasan da...

Sürüş burdan, gözüm səni görməsin.

news-inner-user
Ayxan Ayvaz

540 məqalə

Oxşar xəbərlər

Xəbər lenti

“O videoda Səfurə xanımın kürəyi qan içindədir” – Məlahət Abbasova dəhşətli faktlar açıqladı – Geniş müsahibə
09:01 26 İyul 2021
Rəsulzadə haqda kitabın təqdimatı olub
15:28 25 İyul 2021
Üzeyir Hacıbəylini tanımayan Xalq artisti: Onu kim “Toylar kralı” etdi?
12:53 25 İyul 2021
Şukşinin hekayəsi: "Barmaqsız" – Dilimizdə ilk dəfə
10:30 25 İyul 2021
Xalq artisti vəfat edib
18:42 24 İyul 2021
Istanbulda Beynəlxalq Qısametrajlı Film Festivalı keçiriləcək
17:18 24 İyul 2021
Göy üzü ərşə qalxan əzablarla doludu – Salam Sarvandan şeirlər
16:30 24 İyul 2021
Mədəniyyət naziri Reza Deqati ilə görüşüb
15:27 24 İyul 2021
Həmid Piriyevin yeni kitabı çıxdı
14:45 24 İyul 2021
Mədəniyyət Nazirliyi Televiziya kanalları ilə iclas keçirib
13:41 24 İyul 2021
Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
12:30 24 İyul 2021
Azərbaycanlı gənc müğənni qəflətən öldü - Foto
11:32 24 İyul 2021
Dünyanın ən gözəl yarımçığı - Nihat Pir yazır...
10:31 24 İyul 2021
100 dilə tərcümə olundu, bəstəkarı həbs edildi, adına muzey açıldı – “Cücələrim”in qeyri-adi taleyi
09:00 24 İyul 2021
Azyaşlı qızla evlənən, toyda adam vuran, səsini qorumayan “urus balası” - Sabir Mirzəyevdən maraqlı faktlar
21:00 23 İyul 2021
“Cırtdan” tamaşası onlayn göstəriləcək
19:00 23 İyul 2021
Milli Mətbuat Günü viktorinasının qalibi bilindi
18:30 23 İyul 2021
Aktrisa “Sənətkar” medalına layiq görüldü
17:30 23 İyul 2021
Köhnə məhəbbətin qız tanışları...
16:40 23 İyul 2021
Burda ölə bilməyənlər basdırılıb – Orxan Yaşarın şeirləri
16:01 23 İyul 2021