news-inner
clock14:01 calendar-gray 14 May 2021 view-gray537 dəfə oxunub
view-gray537 dəfə oxunub

Həsrət nəğməsi bitdi - "Qarabağ bülbülləri" Şuşada...

Azərbaycan Respublikasının Prezidenti İlham Əliyevin təşəbbüsü ilə mayın 12-13-də “Xarıbülbül” musiqi festivalı ölkəmizin mədəniyyət paytaxtı Şuşanın əsrarəngiz Cıdır düzündə yenidən təşkil olundu.

Bununla da Azərbaycan xalqının Qarabağdakı mədəni kimliyi illər sonra yenidən dirçəldi. Ölkədə hər kəs böyük coşqu ilə bu tarixi anın şahidi oldu.

Bəlkə də gənclərin bəziləri Şuşa, Qarabağ mədəniyyətində önəmli rolu olan bir ansamblın fəaliyyəti ilə yaxından tanış deyil.

49 il öncə Azərbaycanın musiqi beşiyi olan Qarabağda bir ansambl yarandı. "Qarabağ bülbülləri" adı ilə ölkəyə səs salan bu ansambl nəinki Azərbaycanda, bütün SSRİ-də tanındı və sevildi. İndi "Qarabağ bülbülləri"nin 45, onun yaradıcısı və bədii rəhbəri Murad Rzayevin isə 74 yaşı tamam olur. M.Rzayev 49 il əvvəl yaratdığı "Qarabağ bülbülləri"ni indi də yaşadır. Kollektivin yetirmələri indi Azərbaycanın əməkdar və xalq artistləri, ölkənin nüfuzlu sənət adamlarıdır.

Rzayev Murad Yunis oğlu 1947-ci il dekabrın 7-də Ağdam rayonunda ziyalı ailəsində anadan olub. 1954-cü ildə 3 №-li orta məktəbə daxil olub, 1964-cü ildə həmin məktəbi bitirib. Hələ orta məktəbdə oxuyarkən Güllücə kəndində kino qurğusunda motorçu, yəni fəhlə işləyib, həmçinin kiçik yaşlarından Ağdam rayon Xalq Teatrında bir çox tamaşalarda rollar oynayıb, respublika Teatr Cəmiyyətinin fəxri fərmanına və diplomlarına layiq görülüb. Həmin ildə Üzeyir Hacıbəyov adına Ağdam Musiqi Texnikumunun xor-dirijorluq fakültəsinə qəbul olub, 1968-ci ildə həmin məktəbin tam kursunu bitirib. Həmin ilin noyabrında hərbi xidmətə çağırılıb. Hərbi xidmətdən qayıtdıqdan sonra 1970-ci ildən 1971-ci ilin may ayına kimi Ağdam rayon Mədəniyyət Evində bədii rəhbər vəzifəsində çalışıb, tamaşalara musiqi tərtibatı verib və eyni zamanda bir çox tamaşalara musiqi yazıb. Həmin ildən də rayon Komsomol Komitəsi bürosunun qərarına əsasən Ağdam rayon Pioner və Məktəblilər Evinə (hazırda Uşaq Yaradıcılıq Mərkəzi) direktor təyin olunub və həmin vəzifədə 2016-cı ilin aprel ayına qədər çalışıb. Rayonda ilk dəfə müəllim və şagirdlərdən ibarət xor qrupu və estrada orkestri yaradıb. Mərkəz rəhbəri olması ilə yanaşı, məktəbin nəzdində "Qarabağ bülbülləri" ansamblını yaradıb.

Respublika Komsomol Komitəsinin təqdimatına əsasən 1977-ci ildə Zaqafqaziya Komsomol məktəbinə qiyabi qəbul olub, 1979-cu ildə oranı əla qiymətlərlə bitirib. Həmin ildə də Mədəniyyət və İncəsənət Universitetinin Mədəni-maarif fakültəsinə qəbul olub, 1984-cü ildə universiteti bitirib. 1971-ci ildən M.Rzayevin bədii rəhbəri olduğu "Qarabağ bülbülləri" ansamblı dünyanın əksər ölkələrində respublikamızı mahnı festivallarında təmsil edərək medallar və yüzlərlə diplom, fəxri-fərmanlar alaraq, 12 sənədli və bədii filmlərə çəkilib. Kollektiv Ümumittifaq Zaqafqaziya və Beynəlxalq Festivallar Laureatı adına layiq görülüb. Həmin illərdə qabaqcıl iş təcrübəsi respublika miqyasında yayıldığına, mədəniyyət və incəsənət sahəsində istedadlı şagirdlər yetişdirdirib.

İşlədiyi müddətdə rəhbərlik etdiyi "Qarabağ bülbülləri" ansamblı respublikanın mədəni kütləvi tədbirlərində, o cümlədən bir sıra xarici ölkələrdə çıxış edib.

Müəllifi olduğu onlarla mahnılar, rənglər respublikamızın görkəmli xanəndələrinin, eyni zamanda respublikanın xalq artistləri Mirzə Babayev, Qədir Rüstəmov, Flora Kərimova, Oqtay Ağayev, əməkdar artistlər Zöhrə Abdullayeva, Teymur Əmrah və tanınmış digər müğənnilərin ifasında səslənib. Həmçinin, M.Rzayevin vaxtilə Tacir Şahmalıoğlunun ifasında səslənən "Bayatı-Şiraz" muğamına etdiyi improvizə bu gün də Azərbaycanın bir çox dövlət tədbirlərində, keçirilən muğam müsabiqələrində, Avropa və İslam oyunlarında, Prezident haqqında çəkilən filmdə, efirlərdə vətənlə bağlı gedən verilişlərdə səslənir.

Bunlardan əlavə, M.Rzayev bütün dövlət televiziya kanallarında çıxış edib. Özünün və rəhbərlik etdiyi ansambl haqqında onlarla kitablar nəşr olunub. Pedaqoji fəaliyyətə başladığı illərdən etibarən və "Qarabağ bülbülləri" ansamblı yarandığı gündən M.Rzayevin həyat və pedaqoji fəaliyyətini, eyni zamanda ansamblın işini özündə əks etdirən yüzlərcə video kasetlər, disklər işıq üzü görüb və davam etməkdədir.

Şuşada keçirilən "Xarı bülbül" festivalı Qarabağın mədəniyyət simasının yenidən bərqərar olmasında, bu torpaqlarda incəsənət sahəsinin dirçəlməsində mühüm rol oynayacaq. Bu festivalın coşqu ilə qarşılanması Qarabağda yeni teatrların, ansamblların mədəniyyət ocaqlarının yaranması üçün mayak olacaq.

news-inner-user

19089 məqalə

Oxşar xəbərlər

Xəbər lenti

Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021
Aysel Əlizadə yazarlara çağırış etdi: “Bu təklifimə qoşulun”
11:01 21 İyun 2021
Fulya Öztürkdən film çəkilsinmi?
10:22 21 İyun 2021
“Cəfər Cabbarlı Səməd Vurğuna niyə “Mən yazıçı deyiləm” demişdi?” – Nəvəsi 90 illik sirləri açdı - Müsahibə
09:00 21 İyun 2021
Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021