news-inner
clock11:37 calendar-gray 07 May 2021 view-gray536 dəfə oxunub
view-gray536 dəfə oxunub

Küçədə alça yeyən Arif Quliyev və təbəssümünü itirən uşaqlığımız

Dünən Arif Quliyev öldü. Heç nə edə bilmədik. Onsuz da ölüm qarşısında kim nə edə bilər ki?

Son 1 ildə daha da vəhşiləşmiş ölüm caynaqlarını çıxarıb sağa-sola hücum etməkdədi.

Arif Quliyev öldü.

Düzü mənə həmişə elə gəlirdi ki, Arif Quliyev, Yaşar Nuri, Siyavuş Aslan kimi sənətkarlar heç vaxt ölməyəcək.

Bəlkə də, sadəcə bunun baş verməsini istəmirdim.

Mənə elə gəlirdi, Arif Quliyev bütün filmlərimizdə qəfil ortaya çıxıb bir söz, ya bir jest ilə hamını güldürməlidir.

İndi yadıma düşür, bir dəfə, nə vaxtsa çoxdan, uşaqlıq illərimdə Arif Quliyevi canlı görmək mənə qismət olmuşdu. Küçədə alça satan xalaya yaxınlaşmışdı.

Ona heyrətlə baxırdım. Deyəsən, ilk dəfə elə məşhur və sevdiyim birini canlı görürdüm. Boz kostyumda idi. Hamının diqqətini cəlb eləmişdi.

Taksi sürücüləri, mağazalardakı satıcılar, yoldan keçənlər, hətta itlər, pişiklər, hamı üzündə təbəssüm Arif Quliyevə baxır, ən yaxın adamına salam verirmiş kimi salam verirdi.

O da eyni səmimiyyətlə bu salamları qəbul edirdi.

Elə bir təəssürat yaranmışdı, sanki film çəkilirdi və biz də gizlincə o filmin içinə daxil olmuşduq.

Alça satan xalanın qarşısındakı yeşiklərdən bir alça götürdü və rol canlandırırmış kimi dişlədi.

Bilmirəm, bəlkə yaddaşım məni aldadır, çünki çox balaca idim, amma deyəsən alçanı mənə baxaraq dişlədi və üzünü nümayişkaranə şəkildə turşutdu. Həmin mimikasını, üz cizgilərini ən xırda incəliyinə kimi xatırlayıram. Üzünü turşutdu və mən çox ürəkdən güldüm.

Deyəsən, taksi sürücüləri, mağazalarının qarşısına çıxmış satıcılar, küçədən keçən adamlar, hətta itlər və pişiklər də güldü.

Daha sonra alçadan nə qədərsə alıb hamıyla sağollaşaraq yoluna davam elədi.

Yadıma düşür, onda içimdən onun arxasınca düşmək, onu izləmək keçmişdi. Onun yavaş-yavaş bizdən uzaqlaşdığını görmək məni çox üzmüşdü. İsrarla onu gözdən itənə kimi izləmişdim.

Dünən Arif Quliyevin ölüm xəbərini eşidəndə də eynən belə üzüldüm.

Onun bir döngədə sağa dönüb gözdən itməsi gəldi durdu gözümün qabağında.

news-inner-user
Ulucay Akif

74 məqalə

Oxşar xəbərlər

Xəbər lenti

Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021
Aysel Əlizadə yazarlara çağırış etdi: “Bu təklifimə qoşulun”
11:01 21 İyun 2021
Fulya Öztürkdən film çəkilsinmi?
10:22 21 İyun 2021
“Cəfər Cabbarlı Səməd Vurğuna niyə “Mən yazıçı deyiləm” demişdi?” – Nəvəsi 90 illik sirləri açdı - Müsahibə
09:00 21 İyun 2021
Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021