writer1

Sevinc Elsevər

Məqalə sayı

114
clock12:00 calendar-gray 23 Aprel 2021 view-gray1529 dəfə oxunub
view-gray1529 dəfə oxunub

Gizli videolarla bədbəxt etdiyimiz qadınlar

Göydən bir daş gəlsə, yenə mütləq Azərbaycan qadınının başına düşür.

Yazıq Azərbaycan qadını!

Sosial şəbəkələrdə, küçədə-bazarda hamı keçmiş millət vəkilinin məlum hərəkətlərindən danışır.

O videodakı qadını qınayan kim, söyən kim, daşlayan kim!

Hələ neçə-neçə statusda yazırlar ki, kafedralarda, institutlarda o qadın kimi qadınlar çoxdur, əksəriyyəti evlidir və o cür əmilər onlara qarşı da eyni hərəkətləri edirlər. Qadınlar isə işlərini itirəcəkləri, ərlərinin başına iş açacaqları qorxusuyla susur, boyun əyirlər.

Dostlar, yoldaşlar, siz niyə belə fikirlər yayırsınız, artıb-çoxaldırsınız?

Həm də bu fikirləri yazanların çoxu elə qadınlardır. Siz başa düşürsünüzmü ki, o qadınlara özünüzə nə boyda zərbə vurursunuz?

Nə qədər qısqanc ərin, kişinin əlinin bəhanə verirsiniz?

Onsuz da Azərbaycan qadınının adı vayqanlıdır. O, hər addımını yüz dəfə ölçüb-biçməyə məhkumdur. Adını təmiz saxlamaq üçün nələrlə, kimlərlə, nə qədər mücadilə aparır?

Əziz qadınlar, lütfən, barı siz bu məsələdə Azərbaycan qadınının ziyanına işləməyin. Nə hansısa əmiyə bir şey olacaq, nə də başqa kişilərə, olan bizə olur.

İndi iş yerlərində namusuyla, zəhmətiylə çalışan bütün xanımlarımız özünü pərt hiss edir. Onlara bunu yaşatmağa nə haqqımız var? Əksəriyyətiylə bu cür rəftar edirlər deyə səs-səsə vermisiniz.

Eyibdir, vallah, eyibdir!

Birincisi, insanların öz şəxsi işləridir. Kim kiminlə nə edir, harda görüşür, nə işlər görür, niyə bu bizi bu qədər maraqlandırmalıdır? Hərə özünə cavabdehdir.

İkincisi, “hamısı belədir, hamısı özünü belə aparırmış, vay xəbərimiz yoxmuş!”- deyə şərh vermək insanlara haqsızlıqdır.

Bəlkə də son 30 ildə bu kiçik video qədər heç nə Azərbaycan qadınına ziyan vurmadı.

Yüzlərlə qadın təhsildən uzaqlaşdırılır bu ölkədə.

Yüzlərlə qadın arzularını reallaşdıra, karyerasını qura bilmir. Qadının işləməsinə, cəmiyyətdə, sosial həyatda aktiv fəaliyyətdə olmasına qarşı çıxan o qaba və kobud adamların əlinə necə bir bəhanə verildiyini görüb yanıb-yaxılıram.

O videonu qadınlar paylaşmamlıdır.

İlk başda qadınlarımız o videonun paylaşılmasına qarşı çıxmalıdır.

Məsələ bir qadının şəxsi həyatının, karyerasının, adının korlanmasından getmir. Bu daş ümumən Azərbaycan qadınının bostanına gəlib düşür. Videodakı əmiyə bir şey olan deyil. Bizim cəmiyyətimizdə elə əmilərin özlərini bu cür aparması onsuz da normal qəbul olunur. Üzdə onu qınayan kişilərin əksəriyyəti ürəyində haqq qazandırır. Hətta, çoxu onun yerində olsa, eyni cür davranar.

Təklif edirəm ki, biz bu bədnam hadisəni həmişəlik unudaq və bu hadisədən Azərbaycan qadınının ziyan görməsinin qarşısını alaq.

Çanaq yenə qadınlarımızın başında çatlamasın.

REKLAM

Yazarın digər yazıları

Xəbər lenti

Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021
Qaldırdı ürəyim ağ bayrağını – Yeni şeirlər
17:01 26 İyul 2021
Şeirlərimiz ispandilli saytda
16:15 26 İyul 2021
Türkiyədə Nizamiyə həsr olunmuş beynəlxalq konfrans işə başlayıb
15:25 26 İyul 2021
Simran Qədimdən yeni hekayə: Labirint
14:55 26 İyul 2021
Ağrının yaddaş ömrü
14:00 26 İyul 2021
Gənc şair Tərcümə Mərkəzini sərt tənqid etdi: “Bunun bircə adı var...”
13:21 26 İyul 2021
Əkrəm Əylisli: “Anar və Elçinlə birlikdə ona ağlayardım ki...” – Müsahibə
12:57 26 İyul 2021
“Oyaq gözəl” yenidən səhnədə
12:06 26 İyul 2021
Rasim Qaracadan qeyri-adi roman onluğu: Anar, Mirələmov...
11:30 26 İyul 2021
Filmimiz Sarayevo festivalının rəsmi proqramında
10:44 26 İyul 2021
Ramiz Rövşəndən təzə xəbər var - Foto
09:55 26 İyul 2021