Kulis.az qəzəlxan, meyxana ustası Pünhan Əzimlinin yeni qəzəlini təqdim edir.
Aciz degiləm, istəsən, ey qüvvəli şahim,
Xakı yıxar, əflakı yaxar naləvü ahim.
Bəxt olsa, qalardı şəbi-hicran ilə həmrəng
Gün keçdi səfid oldu bütün muyi-siyahim.
Zəhmət çəkib etsəm də könül xanəmi təmir
Hər dəfə zərər vurdu, evim yıxdı təmahim.
Mən əhvinə, ikramına, dərgahına talib
Yoxsa nə ümidim, nə gümanim, nə pənahim.
Eşqin mənə əl verməsə, durmazdım ayaqda
Tərkimdə həyatın yükü, çiynimdə günahim.
Ay doğmadı, gün çıxmadı yar ayrılığında
Zülmət gecəmin eynisidir nurlu səbahim.
Bir tövbəni yüz dəfə pozub bəlkə də Pünhan
Əfv eylə, İlahim, yenə əfv eylə, İlahim.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər