news-inner
clock14:36 calendar-gray 28 Yanvar 2021 view-gray559 dəfə oxunub
view-gray559 dəfə oxunub

Eyvaz Əlləzoğlunun 65 yaşı tamam olur – Onu yaxından tanıyaq

Bu gün yazıçı Eyvaz Əlləzoğlunun doğum günüdür. Onun 65 yaşı tamam olur.

Eyvaz Əlləzoğlu Azərbaycan ədəbiyyatında 80-ci illər nəslinin ən parlaq nümayəndələrindən biridir.

O, 1956-cı ildə Gürcüstan Respublikasının Qardabani (tarixi adı Qarayazı) rayonunun Muğanlı kəndində anadan olub. Tbilisi Pedaqoji İnstitutunun filoloji fakültəsini bitirib. Ali təhsilini başa vurduqdan sonra Kosalı kənd orta məktəbində gürcü dili müəllimi, "Samqor" qəzetində korrektor kimi fəaliyyət göstərib, "Gürcüstan", "Borçalının səsi", "Ekspress" və "Xəzər" mətbu orqanlarında əməkdaşlıq edib. Publisistik fəaliyyəti dönəmində "Olaylar", "Borçalının səsi", "Ekspress" və digər qəzetlərlə Gürcüstanın siyasi həyatı ilə bağlı analtik yazılar yazıb.

1993-1996-cı illər ərzində Prezident Aparatının Milli Siyasət şöbəsində məsləhətçi, 1996-1998-ci illərdə Azərbaycan Respublikasının Gürcüstandakı Səfirliyində ikinci katib kimi fəaliyyət göstərib.

Mərhum yazıçının sağlığında üç kitabı çap olunub: "Ölü yay", "Yatan dinozavrlar", "Odunçu geri qayıdır".

"Ölü yay" yazıçının ilk kitabıdır. Kitabda onun daha çox kənd həyatını əks etdirən hekayələri yer alıb. "Yatan dinozavrlar" hekayələr kitabında isə şəhərə gələn əyalət adamlarının nəhayətsiz tənhalığı təsvir olunur.

"Odunçu geri qayıdır" romanı "Əli və Nino" nəşriyyatının və kitab mağazası şəbəkələrinin təşkil etdiyi Milli Kitab Mükafatında xüsusi mükafatla təltif olunmuşdu. Bu kitab yazıçının sağlığında çap olunan son kitabı oldu.

Yazıçı bundan əlavə tərcümə fəaliyyəti ilə də məşğul olub. Gürcü dilindən Qoderzi Çoxelinin, Revaz İnanişvilinin, Naira Gelaşvilinin və digər müasir gürcü yazıçılarının əsərlərini dilimizə çevirib. Eyni zamanda, ssenarisi əsasında "Ov" cizgi filmi ekranlaşdırılıb.

Eyvaz Əlləzoğlu 2011-ci ildə insultdan dünyasını dəyişdi. Ölümündən sonra iki kitabı çap olundu: "Qaraçöllü Qəzənfər" və "Hekayələr". "Qaraçöllü Qəzənfər" romanıyla Azərbaycanın və Gürcüstanın ictimai-siyasi hadisələrini bir sürücünün gözüylə təqdim etdi. "Hekayələr" kitabında müasir insanın zamanla uyuşa bilməməsi, daim keçmişi arzulaması problemini ortaya qoydu.

E.Əlləzoğlu Azərbaycan hekayəçiliyində yeni nəfəs gətirdi. Onun hekayələrində yad mühitə düşmüş insanın ekzistensial sıxıntıları qabarıq hiss olunur.

80-ci illərdə Azərbaycan ədəbiyyatına gəlmiş ən gözəl yazıçılardan biridir Eyvaz Əlləzoğlu. Onun “Bığlı Kərəm”, “Doğum”, Quyu”, “Atcıl Sədrəddin”, “Balıq günü”, “Sonuncu seans”, “Uralanmış gün” və s. hekayələri nəsrimiz üçün gözəl töhfələrdir.

Eyvaz Əlləzoğlu həm də Azərbaycan dilinə qatdığı zənginlik və həzinliklə diqqət çəkir.

Təəssüf ki, E.Əlləzoğlu yetərincə tanınmır. Əslində bunu bir az da özü istəmirdi
Müsahibələrinin birində demişdi: "Mən içimdəki sıxıntını kürüyüb atmaq üçün yazıram. Dünya ədəbiyyatına düşmək iddiam yoxdur."

O, Tiflis mühitində böyüyüb, rəssamlığı, kinonu dərindən öyrənib. Əsərlərindəki yadlıq hissi, ögeylik də yaşadığı bu mühitin təsirindən yaranıb. Hazırda yazıçının çap olunmayan bir xeyli əsəri var.

Kulis.az mərhum yazıçı Eyvaz Əlləzoğlunun yeni nəslə tanış olmayan hekayələrini hər həftənin şənbə günü, saat 13.30-da yayımlayır. Hekayələr yazıçının birinci və ikinci kitabları olan "Ölü yay" və "Yatan dinozavrlar"dan götürülüb.

Hekayələrin internet resurslarında ilk dəfə yaylımlanmasında məqsəd onu çağdaş ədəbi mühitə təqdim etməkdir.

news-inner-user

19003 məqalə

Oxşar xəbərlər

Xəbər lenti

Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021
Qızını məcbur aborta göndərdi, 17 yaş kiçik aktyorla eşq yaşadı, övladı ilə eyni xəstəxanada can verdi – Xalq artistindən 10 inanılmaz fakt
12:17 11 İyun 2021