Bizim üçün ölümə gülə-gülə gedən 2783 adam

Bizim üçün ölümə gülə-gülə gedən 2783 adam
4 dekabr 2020
# 15:03

Bizim çox qara bayramlarımız, faciələrimiz olub, amma bu gün onların hamısından fərqlənir. Çünki biz bu dəfə qalib gəlmişik və şəhidlərimizi başımız dik, alnımız açıq yad edəcəyik.

Bu dəfə kədərli olduğumuz qədər də qürurlu və məğruruq.
Dünən şəhid sayı açıqlandı: 2783!
Himnimizin sözləri yadıma düşdü

Minlərlə can qurban oldu,
Sinən hərbə meydan oldu,
Hüququndan keçən əsgər,
Hərə bir qəhraman oldu!

Hüququndan keçən əsgər... Bu hüquq yaşamaq hüququdur. Hər kəsin yaşamaq hüququ var, amma Vətən uğrunda bu hüququndan keçən əsgərlər bizim qəhramanlarımıza çevrildilər.

2783 gözəl adam!

Artıq göy üzündə ruhu daim bizimlə olacaq 2783 əsgərimiz var.
Artıq bu torpaqlara Vətən deyə bilməyimiz üçün 2783 istinad nöqtəmiz var.

Onlar bizim üçün, bu Vətən üçün ölümə gülə-gülə, oynaya-oynaya, oxuya-oxuya getdilər.
Biz bu gün Xocalını yad edəcəyik, “20 yanvar”ı yad edəcəyik.
Biz bu gün Bərdəni yad edəcəyik, Gəncəni yad edəcəyik.
Biz bu gün Mübariz İbrahimovu, Polad Həşimovu,
Allahverdi Bağırovu, Xudayarı yad edəcəyik.
Biz bu gün Çingiz Mustafayevi, Salatın Əsgərovanı yad edəcəyik.

Bundan sonra 2783 qat daha məsuliyyətli olmalıyıq Vətən qarşısında. 2783 dəfə daha çox sevməliyik Onu.

Ey bu Vətən uğrunda canından keçmiş şəhidlərimiz. Biz sizi özümüzdən də çox sevirik. Biz sizin ruhlarınız qarşısında baş əyirik. Biz həmişə sizə borclu qalacağıq.

Azad etdiyiniz məmləkəti göz bəbəyimiz kimi qoruyacağıq!

Ruhunuz şad olsun!

# 9238 dəfə oxunub

Oxşar xəbərlər

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

11:50 8 iyul 2025
Məni dostlarım öldürdü - Akif Səmədin şeirləri

Məni dostlarım öldürdü - Akif Səmədin şeirləri

12:00 6 iyul 2025
"Səni öldürərlər, uff da deməzlər" - Əsəd Qaraqaplanın yeni şeirləri

"Səni öldürərlər, uff da deməzlər" - Əsəd Qaraqaplanın yeni şeirləri

12:00 5 iyul 2025
"O oxuyanda yekə kişilər göz yaşı tökürdü" - Xan Şuşinskinin ən layiqli varisi

"O oxuyanda yekə kişilər göz yaşı tökürdü" - Xan Şuşinskinin ən layiqli varisi

10:00 5 iyul 2025
Xalq yazıçısı Elçin:  "Səməd Vurğunu "yaltaq" adlandırıb..." - Müsahibə

Xalq yazıçısı Elçin: "Səməd Vurğunu "yaltaq" adlandırıb..." - Müsahibə

09:00 4 iyul 2025
Ona görə Mirzə Cəlil xəstəliyə tutuldu, Mikayıl Müşfiq güllələndi, Hüseyn Cavid sürgün olundu - Erməni müstəntiqin ölümə göndərdiyi ilk qadın nazirimiz

Ona görə Mirzə Cəlil xəstəliyə tutuldu, Mikayıl Müşfiq güllələndi, Hüseyn Cavid sürgün olundu - Erməni müstəntiqin ölümə göndərdiyi ilk qadın nazirimiz

12:08 3 iyul 2025
# # #