news-inner
clock17:25 calendar-gray 29 Noyabr 2020 view-gray1015 dəfə oxunub
view-gray1015 dəfə oxunub

Ölmək sənəti – Ağalar Qut yazır...

Hər peşənin öz xəstəliyi olan kimi, öz uçurumu, məğlubiyyəti, ölümü də var. Görkəmli böyüklərimizdən biri olan Cabbar Qaryağdıoğlu yaşlı çağlarında bir məclisdə oxuyurmuş, lap zilə qalxanda birdən nəfəsi qaralır, huşunu itirir. Ayılıb özünə gələndən sonra üzünü tarzənə tutub deyir: “Oranı bir də çal!” Bir xanəndə üçün muğamın zilində nəfəsi qaralıb huşunu itirməkdən uca yüksəklik nə ola bilər?! Bu, yıxılmağın, gücü çatmamağın estetikasıdır.

Qədim Şərqdə gözəl ölməkdən danışardılar, ölümə hazırlaşardılar, misal üçün, borclarını qaytarardılar, halallıq istəyərdilər, vəsiyyətlərini edərdilər, son sözlərini deyərdilər, ölümlərdən ölüm seçərdilər. Latın dilində “ars moriendi” deyirlər, yəni, ölmək sənəti. Son dəfə yıxılmağın yaraşığı, gözəl ölmək bacarığı.

Misal üçün, filosof necə ölməlidir? Məşhur azərbaycanlı filosof Şəhabəddin Söhrəverdi kimi dar ağacında, Nitsşe kimi dəli yatağında, Qazzali kimi bütün şan-şöhrətini atıb gedib dərvişlərə qoşularaq, Sokrat kimi ölümə məhkum edilərək, Spinoza kimi tənhalıqda...

Mömin necə ölməlidir? İsa kimi çarmıxa gərilərək, Həzrət Əli kimi namaz qıldığı yerdə qılınclanaraq, Nəsimi kimi dərisi soyularaq, azərbaycanlı Mani peyğəmbər kimi həbsə salınıb acından öldürülərək…

Bəs qəhrəmanlar necə ölməlidir? Qəhrəmanlar döyüşdə, vuruşmada, hərb meydanında, alınlarından, kökslərindən vurularaq, qanla, qanlı ölməlidirlər. Qəhrəman – öz xoşuyla ölə bilməz, o, öldürülməlidir! Qəhrəmancasına ölüm budur. Bizim ordumuz bu dərin həqiqəti bilir. Döyüş meydanında öldürülmək hər hərbçiyə nəsib olmayan qismətdir.

Qarabağda canını qoymuş qəhrəmanların ölümləri bizi indi elə yandırır ki, bəzilərimiz bədbinliyə qapılır, gör kimlərimizi itirdik, ən yaxşılarımız getdi, onların yeri necə doldurulacaq, buna dəyərdimi, belə ömürlük kədərlə biz indən belə hansı can rahatlığıyla sevinə biləcəyik, hansı məclisdə ürəkdən qol qaldırıb oynaya biləcəyik və s. Amma… ovunmağa da yer var.

Qəhrəmanlarımız gözəl öldülər, çünki döyüşdə öldülər, bu, onlara nəsib oldu, iraq olsun, fərari kimi həbsdə intihar etmədilər, məşuqələrinin xəyanəti nəticəsində öldürülmədilər, oğurluq üstə öldürülmədilər, Birinci Qarabağ Müharibəsində əsir götürülmüş azərbaycanlıları evində zəncirli qul kimi işlədən erməni generalı Manvel Qriqoryan kimi kürəyindən vurularaq öldürülmədilər və s. Yəni, rəzil-rüsvay ölümlə ölmədilər, hər biri hekayəli bir ölümlə öldülər, qəhrəmancasına ölmək sənətinin estetləri, virtuozları, ustadları kimi irs qoyub gedərək.

news-inner-user
Ağalar Qut

13 məqalə

Oxşar xəbərlər

Xəbər lenti

Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021
Qaldırdı ürəyim ağ bayrağını – Yeni şeirlər
17:01 26 İyul 2021
Şeirlərimiz ispandilli saytda
16:15 26 İyul 2021
Türkiyədə Nizamiyə həsr olunmuş beynəlxalq konfrans işə başlayıb
15:25 26 İyul 2021
Simran Qədimdən yeni hekayə: Labirint
14:55 26 İyul 2021
Ağrının yaddaş ömrü
14:00 26 İyul 2021
Gənc şair Tərcümə Mərkəzini sərt tənqid etdi: “Bunun bircə adı var...”
13:21 26 İyul 2021
Əkrəm Əylisli: “Anar və Elçinlə birlikdə ona ağlayardım ki...” – Müsahibə
12:57 26 İyul 2021
“Oyaq gözəl” yenidən səhnədə
12:06 26 İyul 2021
Rasim Qaracadan qeyri-adi roman onluğu: Anar, Mirələmov...
11:30 26 İyul 2021