news-inner
clock12:36 calendar-gray 08 İyul 2020 view-gray2888 dəfə oxunub
view-gray2888 dəfə oxunub

Elzanın başındakı qıjıkimilər - Sərdar Amin yazır

Pulu kütlədən çıxanlar üçün populyarlıq çox önəmlidi. Gündəmdə qalmağın müasir üsulları var; əvvəllər aylarla əlləşib mahnı yazmaq, albom çıxarmaq, AzTV-dən dəvət gözləmək lazım idisə, indi heç mahnı yazmağa da ehtiyac yoxdu. Günümüzdə bir incəsənət adamı üçün kütləni özündən danışdırmaq çox rahatdı, amma tempi tutmağı bacarmaq lazımdı. Bu da xüsusi istedad tələb edir. Kütlənin damarını tutmağı ən yaxşı bacaranlardan biri əməkdar artist Elza Seyidcahandır.

Elza özünü bizə tanıtdığı ilk gündən qeyri-adi hərəkətləri ilə diqqət çəkdi. Onun ilk və ən primitiv fərqliliyi təxəllüsü idi – Seyidcahan! Sonra başladı heyvanlara, şamlara konsert verməyə, əndirəbadi şeirlər yazmağa. Bu gün də başında ağac və qıjıkimilər fəsiləsinə aid bitkilərin budağlarını komalayıb. Yenə hamı ondan danışır.

Əksər adamlar elə bilir ki, Elzanın bu əməllərindəki məntiq özünə bəllidir. Yaxud, Elza heyvanlara konserti onlara olan sevgisindən verib. Heyvanları sevdiyinə şübhəm yoxdur, sadəcə o yaxşı bilir ki, bu əmələ imza atsa, ondan danışacaqlar, jurnalistlər yazacaq, sosial şəbəkələr alovlanacaq. Yeri gəlmişkən, Elza heyvanlara konserti 2009-cu ildə vermişdi, 2020-ci ildə İtaliyada karantindən sonra ilk konsert bitkilərə verildi.

Sosial şəbəkədə şəkillərini paylaşıb Elza Seyidcahana şəbədə qoşanlar anlamır ki, Elza onları trollayır. Əslində, Elza şeiri yaxşı bilir. Amma onu da gözəl bilir ki, “tikim ağzınızı qırxayaq kimi” yazanda, aləm bir-birinə dəyəcək. Yaxud, başına şax-şulax taxmaq insana yaraşıq vermir, amma olduqca qeyri-adi mənzərə yaradır, xüsusilə də yay olmasına baxmayaraq, adamların “ev dustaqlığı” yaşadığı bir zamanda. Camaat meşə arzuladığı bir anda o, təpəsində təbiət qurub qarşımıza çıxır.

Çağdaş tendensiyanı bilmək, onun tələblərinə uyğun davranmaq hər sənətkarın bacardığı iş deyil. Bu gün Azərbaycanda bir Kafka doğular, yazar-yaradar, astadan Allahın rəhmətinə qovuşar, heç kəsin də xəbəri olmaz. Amma o bir gün yazdığı əsərinə uyğun böcək libasında “Tarqovı”da kitabına imza günü keçirsə, lazımı yerini tutacaq.

Elza Seyidcahanın bizə təqdim etdiyi obraz yəqin ki, özünün də ürəyincə deyil. O, istərdi ki, potensialını əsl sənət müstəvisində sərgiləsin. Amma belə olduqda biz onu dinləyəcəyikmi?

İndi gələk əsl məsələyə!

Məncə Elza bu gün Azərbaycanda barmaqsayı əsl incəsənət adamlarındandır; mahnısını bəstələyir, oxuyur və yeri gələndə də insanları güldürür, danışdırır, durğun sulara daş atmağı bacarır. Bir sənət adamı bundan əfzəl nə etməlidir? Çıxıb efirdə mental dəyərlərimizdən “mühazirə” deməlidir?

Çox həmkarlarından fərqli Elza görməli olduğu işlə məşğuldur. Artist ideoloq deyil, psixoloq deyil, sosioloq deyil. Şou-biznes əhli efirdən kiminsə qanına zəhər, kiminsə ailəsinə nifaq salmaqdansa, incəsənətlə məşğul olmalıdır. Çalıb çağırmalı, güldürməli, ağlatmalı və pulunu qazanmalıdır. Mənə görə Elza Seyidcahan çağdaş Azərbaycan incəsənətinin ən rəngli halqalarındandır.

Yox, əgər Elzanın belə qeyri-adiliklər etməyini istəmiriksə, o zaman özümüz bu mərhələni keçməliyik, rahatca trollanmalı deyilik. Gizlincə şəklinə gülüb, aşkarda qarasınca yazmalı deyilik. Onda Elza Seyidcahan da daha ciddi performansla çıxacaq qarşımıza. Hələ ki, belədir!

Canım ay Elza, bir qəhqəhə çək: Ha-ha-ha!

Oxşar xəbərlər

Xəbər lenti

Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020
“Qarabağ şikəstəsi”nin şikəst Qarabağıyıq - Qardaşxan Əzizxanlının şeiri
15:09 01 Avqust 2020