writer1

Sərdar Amin

Məqalə sayı

67
clock12:50 calendar-gray 06 May 2020 view-gray3126 dəfə oxunub
view-gray3126 dəfə oxunub

Vilyam Şekspirdən Vilyam Hacıyevə: İnadkarın ram edilməsi

Adlar həyatımızı az-çox şəkilləndirir. Bəzən yön verir, bəzən qarşımızı kəsir, bəzən də nələrsə qazandırır.

Müqəddəslərin adı qoyulan şəxslərin sırf adlarına görə pis əməllərdən çəkindiyini görəndə, bizmi adlarımızın sahibiyik, adlarmı bizim sahibimizdir, deyə düşünürəm.

Məsələn, “Qaryağdı”... Ad feildir. Çox güman ki, adın ilk daşıyıcısı doğulduğu gün qar yağıb. Bu adı qoyan o gözəl qəlbli müəllif də təbiətin bəyaz anını övladının adında əbədiləşdirib. Məncə ilk Qaryağdı aranda yaşayıbsa belə, onun ətrafında bir ömür sərin, təmiz halə dolaşıb.

Vilyam! İlk dəfə bu adı bir azərbaycanlıda eşidəndə üzüm gülmüşdü, düşünmüşdüm ki, belə bir adamın vəzifədə olması, xoş reallıqdır. Azından onun valideynləri ziyalı adamdır. Hər halda övladlarına bu adı dahi Vilyam Şekspirə olan sevgidən qoyublar. Belə işıqlı ailədə tərbiyə alan şəxs çalışsa belə, betər adam ola bilməz.

Şekspirin dilimizə yatmayan adını övladına qoyan ailənin ictimai cəsarəti, işığı övladından yan keçməz.

Bir insan 62 ilə Vilyam Şekspirin haləsini başından tamamilə qovacaq qədər kirlənə bilərmi?

Rəzil şəkildə vəzifəsindən alınan İmişli rayonunun sabiq icra başçısı bu taleyi yaşayan nə ilk, nə də son adamdı! Hələ İcra Hakimiyyəti başçılarının səmasında hərlənən qara bulud çəkilməyib. Ona görə, biz deyə bilmərik ki, ədaləti fərdi mənafeyinə qurban verən, xalqı barmağına dolamaq istəyən son məmur Vilyam Hacıyevdir və yerdə qalanların hər biri süddən çıxmış ağ qaşıqdır.

Dünya dramaturgiyasının nəhənginin adını Aran lıqqasına buladığına görə Vilyam Hacıyevin haqq-hesabı daha çox diqqətçəkəndir. Məncə Hacıyevin ruhunda qalan son Şekspir zərrəciyi də məşhur kirayə yalanında ərşə çəkildi. Çünki, belə yalan danışmaq olmazdı. Hörmətli adam yalan danışmaq zərurətini duyduqda belə reallıq hissini unutmur.

Yalanın dramaturgiyası, emosiyası, inandırıcılıq səviyyəsi onu danışdığın ünvana olan hörmətinlə düz mütənasibdir. Adam gərək yalanının da üzərində tər tökə, əziyyət çəkə, insafını itirməyə! Yox bir, Azərbaycanda İcra Başçısı yataqxanada kirayədə qalırmış. Mən, kasıb şair belə yataqxanada kirayədə qalmıram, “Xruşovka” binada aylıq 250 manat ödəyirəm.

20 ildən çox vəzifədə olmuş şəxsin toplumu, cəmiyyəti tanımaması bağışlanmır. Milyonlarla dollarlıq mülk siyahısı olduğu deyilən şəxsin nəinki özü, ailəsi - adı belə kirayədə qala bilməz!

Bu tip bağlılıqlarda şair Həmid Herisçinin ad uyğunlaşdırmaları, simvolik yozumları barədə düşünürəm. İlk baxışdan fantastik görünən bu yozumlara səbrlə diqqət etdikdə vaqiənin içində tükürpədən bir uyğunluq boy verir.

Vilyam Hacıyevin 8 illik kreslosundan alınmasının adaşı Vilyam Şekspirin ölüm gününə təsadüf etdiyi kimi...

Bir də dəxilsiz yerə Şekspirin “İnadkarın ram edilməsi” əsərini xatırladım. O əsərdə də hadisələr belə xoş yaz günlərində baş verir.

REKLAM

Yazarın digər yazıları

Xəbər lenti

Məcnunun “aşiqi-sadiqliyi” şübhə altındadır? - Elçin yazır
16:30 26 Sentyabr 2020
Karantin – kütlənin tənhalığı – Aqşin Yeniseydən yeni şeirlər
15:18 26 Sentyabr 2020
Bəyin atası, nisyə kitab istəyən oxucu, həbsxanadan çıxmış gənc yazar – İmza günündən reportaj
14:57 26 Sentyabr 2020
Məşhur rejissor festivaldan qovuldu
13:21 26 Sentyabr 2020
Ağlını itirib, dəlidi payız - Qazaxda bir ömür...
11:14 26 Sentyabr 2020
Vaşinqtonda Üzeyir Hacıbəyovun anadan olması münasibətilə tədbir keçirildi
10:02 26 Sentyabr 2020
Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020
Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020