writer1

Oğuz Ayvaz

Məqalə sayı

210
clock11:03 calendar-gray 02 May 2020 view-gray14944 dəfə oxunub
view-gray14944 dəfə oxunub

Xalq şairini niyə ələ salırlar?

Xalq şairi Fikrət Qoca Facebookun gündəminə çevrilib. Onun son illər yazdığı şeirlər sosial şəbəkə istifadəçilərini əməlli-başlı əyləndirir.

Bəzən düşünürsən, 85 yaşına çatan, ədəbiyyatda xeyli iş görən, yaxşı şeirlər yazan şair niyə birdən-birə bu cür söz yığını çap etdirir?

Bəlkə, unudulmaqdan qorxur?

Yaxud, onu tənqid edən gənc nəslə göstərmək istəyir ki, baxın, bu yaşda da yaradıcılıqdan qalmıram.

Bəlkə, düşünür ki, yazıb-yaratmasa, onu Azərbaycan Yazıçılar Birliyinin katibliyindən çıxaracaqlar?

Adamın ağlına yüz fikir gəlir.

Bir tərəfdən baxanda karantin günlərində insanlara təbəssüm bəxş edir. Ancaq o, həm də Xalq şairidir axı. Üstəlik ədəbiyyatımızın simalarından biridir. Kimliyindən asılı olmayaraq, söz adamının yaradıcılığının bu şəkildə lağlağıya çevrilməsi adama toxunur.

Adamlar paylaşırlar, müzakirə edirlər:

Gecənin işıqlı vaxtı
Pəncərədən göyə baxdım.
Ay oxşadı qayğanağa,
Gördüm ağzımın suyu axdı...

Bir zamanlar “Babalar qaçaq olub mərd olub” misrası ilə başlayan məşhur şeirini yazan şairin yaradıcı yorğunluğunu bəlkə də anlayışla qarşılamalıyıq. Amma oxucu qəddardır. O, güzəştə getmir. Bəlkə, bütün bunlar yeni dövrün texniki imkanları ilə reallaşan ilahi ədalətdir? Hər kəs öz həqiqi qiymətini bu yolla alır?

Bu yerdə, 45 yaşında dünyasını dəyişən Eldar Baxşın oxşar təsvirlər yaradan “Gecənin bir aləmi” şeiri yadıma düşür. Necə deyirdi:

Gecə çırpınırdı, gecə əsirdi,
Gecə titrəyirdi, nə titrəyirdi,
Sinəmiz gecəni, bu xoş gecəni
Bir daş ütü kimi ütüləyirdi...

O da gecə, bu da gecə.

Yeni nəsildən olan şairlərdən Elvin Bakiroğlnun da gecə ilə bağlı bir təsviri var:

Göydə Ay varıydı, yerdə bir yeşik,
Sonra Ay yerindən laxladı getdi.
Küçənin tinindən burulan pişik,
Zibil yeşiyini yoxladı getdi
Mən tək qaldım.

Fərqi hiss edirsiniz? Yaş məsələsini təsadüfi qabartmadım. Fikrət Qocanın da Elvin yaşda, Eldar yaşda gözəl şeirləri, gözəl mahnı mətnləri vardı. Ona nəsə öyrətmək artıqdandır, təbii. Amma doğrudanmı ustad şair

Nə vaxt arvadı istədim
Gördüm ki, namaz üstədi.
Barı zəhmətim itməsin
Cənnətə mənsiz getməsin.

misralarının nə qədər bayağı olduğunu hiss eləmir?

Bəlkə, özü belə istəyir?

Bəlkə, qəsdən çap edib yayırlar bunları?

Bəlkə, onun gülüş, hədəfinə çevrilməsi kimlər üçünsə maraqlıdır?

Bəlkə, elə gülüb keçməliyik bu köhnəliyə?

Bəlkə, nə vaxtsa, Fikrət Qoca da kimlərəsə bu şəkildə gülüb, lağ edib?

Fikrət Qoca Əli Kərimlə eyni nəsildəndir. Ədəbiyyata çox havalı gəlib və modern bir dalğa yaradıb. Bu, danılmazdır. Yüzlərlə mahnıya yazdığı sözlər də yaxşıdır, rəvan və yaddaqalandır.

Bəs elə isə...

Yenə eyni suallar....

Bəlkə, bu arzuolunmaz hal heç nəyin yox, ədəbiyyatda məmurlaşmağın, səmimiyyəti itirməyin nəticəsidir? Axı dünyada, misal üçün, Adonis kimi yaşlı şairlər indi də çox gözəl şeirlər yazırlar.

Şərq şairləri qocala bilmir deyəcəkdim, Adonisin ərəb əsilli olduğunu xatırladım. Bəs Attila İlhan? Ölən günəcən gənclik şövqü ilə yaza bildi.

Məncə, alınmırsa, elə Fikrət Qocanın öz yerlisi Habil Əliyev kimi vaxtında səhnədən getmək ən yaxşısıdır.

Bir gün tez, iki gün gec, əvvəl-axır hamımız səhnəni tərk edirik. Vaxtında getməyi bacaranda yaddaşlarda yaxşı qalırsan və ironiya hədəfinə çevrilmirsən.

REKLAM

Yazarın digər yazıları

Xəbər lenti

Fransız rəssamın əsəri 30 milyon dollara satıldı
19:00 19 Aprel 2021
Nazirliyin film layihələri müsabiqəsinin seçim mərhələsi başa çatıb - Siyahı
18:07 19 Aprel 2021
Evli ola-ola sevdiyi nişanlı qız kim idi? – Məşhur şairin bacısı qəbiristanlıqda onun ən böyük sirrini açdı - Reportaj
17:16 19 Aprel 2021
Mədəniyyət Nazirliyində yeni komissiya yaradılıb
16:35 19 Aprel 2021
Aşıq Ələsgər yaradıcılığı Belarus portalında
15:54 19 Aprel 2021
Hara baxır axı bu polislər? – Amildən yeni minimalist şeirlər
15:12 19 Aprel 2021
Özünü tanımaqda çətinlik çəkən Seymur – Sevda Sultanova yazır...
14:32 19 Aprel 2021
Xanım, 100 manat və huşsuz kişi - Yeni hekayə
13:44 19 Aprel 2021
Yazıçılar Birliyinə üzv olanda atası dəvə kəsdi: Məşhur şairin maraqlı həyat hekayəti
13:01 19 Aprel 2021
Flora Kərimovanı Allahsız edənlər
12:09 19 Aprel 2021
Ay gecikən məhəbbətim – Günün şeiri
11:25 19 Aprel 2021
Hosteldə ölən qızları söyənlər
10:39 19 Aprel 2021
Tanınmış aktyor vəfat etdi
09:29 19 Aprel 2021
Şövkət Ələkbərovanın gəlini: “KQB” ərinin intiharından danışmağı ona qadağan eləmişdi” - Müsahibə
08:58 19 Aprel 2021
Eldar Quliyev dəfn olunub - Foto
15:43 18 Aprel 2021
Müharibədən əvvəl fotoqraf işləmiş Milli Qəhrəman: Film kimi həyat və filmin özü
10:30 18 Aprel 2021
Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021