news-inner
clock16:32 calendar-gray 18 Aprel 2020 view-gray2042 dəfə oxunub
view-gray2042 dəfə oxunub

Salam Sarvan karantindən şeir yazdı – Mətn

Kulis.az tanınmış şair Salam Sarvanın "Bahar karantini" adlı yeni şeirini təqdim edir.

Saat addımlarını yavaşıdır: sakit-kit-kit... tik-tik-tik...
Canı sulu Zəmanənin təbəssümlü yerişində
qar uçqunlarının xəfif səsi,
əllərində o dünyanın coğrafi xəritəsi...

Boğularkən əl-qol atanlar
sanki əl havasına axtarır ömürə gedən yolu.
Günəş Aydan soruşur:
sən bilərsən, gecə burda nə olub,
nədəndir bu adamların üzündəki qaşqabaq?

Ay Günəşə cavab verir:
yəqin hər an yenidən doğulduqlarına görə hər an körpədilər deyə
gülməyi öyrənməyə macalları olmayıb...

Bilmədik Çin səddi uçdumu başımıza,
yoxsa başımız əhlət daşına dəydi...
Amma içimizdə bütün zərbələrin səsini eyni anda eşitdik:
atlara dəyən qamçılarımızn,
milçəklərə dəyən qəzetlərimizin,
budaqlara və döş ətinə dəyən baltalarımızın,
portret mıxlarına dəyən çəkiclərimizin,
zəngli saatlara dəyən qapazlarımızın...

Və bu əzab orkestrinin əks-sədasında
yaşmaq yelkənləri cırılmış gəminin iniltisini eşitdik.
Saat addımlarını yavaşıdır: sakit-kit-kit... tik-tik-tik...

Qorxma, sevdiyim, sevincim...
Birdən-birə çat-çat olub
tale xətlərini fala göstərən asfalt yollardan qorxma.
Şəhərlərin göy üzünə dikələn havalı binalarına bax,
yer altına dikilən qapalı lyuk gözlərinə baxma.

Baxma köpük rəngindəki bənizlərə,
körfəzindən gəmi keçməyən sulara,
boğazından su da keçməyən dənizlərə.

Bax...
Kilsə zənglərinin oyun havasında
Budda məbədləri rəqqasə barmaqları kimi yuxarı qalxır:
Allah haradasa oralardadır.

Dünyadı da...
Küləyi birdən dayanan payız ağacı kimi
yarpağı da titrəməyən dünyadı.
Yaralarındakı sarğılardan ütü getməyən,
protezləri büdrəməyən dünyadı.

Yarıaçıq gözlərin baxışları uzun olur, qızım...
Qorxma, bu, ölüm xırıltısı deyil,
ümidimizin qanadlarının xışıltısıdı.

Bax...
çəmənlər yenə yaşıldı, sünbüllər yenə sarıdı,
göbələklər yenə ağdı, gözlərin yenə qaradı.

Dodaqlarını da qanqırmızı rəngə boya:
arxası üstdə çırpınan sərçə qarnından,
sahildə atılmış tənha qayığın suyu axan burnundan,
boş göyərçin damından,
boş küçələrdən qorxma...

Qorxma, alnımızdakı hərarət deyil,
buğlanan yaz torpağının hənirtisidi.

Qafqazinfo.az

news-inner-user

18670 məqalə

Oxşar xəbərlər

Xəbər lenti

Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021
“Səhnədə” adlı müsabiqə elan olunub
18:35 06 May 2021
Yoldaşı ilə 55 il nikahsız yaşadı, qızının dəfninə getmədi – İslam Rzayev Zeynəblə oxumaqdan niyə imtina etmişdi? - Video
18:10 06 May 2021
“Nizami Gəncəvi obrazı bədii ədəbiyyatda” monoqrafiyası çap olundu
17:21 06 May 2021
Kim bizi görüşdürüb öpüşdürə bilər? - Elzadan yeni şeir
16:36 06 May 2021
“Ata-anamın tanımadığı bir oğlanın qoluna girib getdim, yaxşı da elədim!” – Müsahibə
16:01 06 May 2021
Gənc yazıçının kitabı çap olundu
15:09 06 May 2021
Herman Hessenin povesti Azərbaycan dilində
14:36 06 May 2021
O qızın mənim 20 yaşımdakı barmaqları – Ulucay yazır...
13:50 06 May 2021
“Mənim arvadım sənin nəyinə lazımdır?!” – Ailəsindən qışqıra-qışqıra danışan “bomj” - Reportaj
13:10 06 May 2021
Tanınmış türk yazıçı vəfat etdi
12:25 06 May 2021
Aktrisa teatrların açılması ilə bağlı müraciət etdi: Görün nə cavab aldı?
11:52 06 May 2021
Meyxanaçı Kərim ağır vəziyyətdədir - Həkimlər evə qaytardı
11:21 06 May 2021
Fikrət Qoca getdi, geridə nəyi qaldı?
10:59 06 May 2021
Yazıçılar Birliyindəki balacaboy kişinin zarafatı – İngiltərədən yazırlar...
10:24 06 May 2021
Misirdə Azərbaycan rəssamlarının sərgisi açıldı - Foto
09:35 06 May 2021
Abırsızlıqla azadlığın sərhədi itəndə – Sevda Sultanova "Həmin Zaur"dan yazır...
09:01 06 May 2021
Qızın qohumları onu öldürmək istəyirdilər – Məşhur şairdən maraqlı faktlar
21:00 05 May 2021
“Pişiyin evi” tamaşası nümayiş ediləcək
19:00 05 May 2021