news-inner
clock08:30 calendar-gray 07 Noyabr 2012 view-gray1751 dəfə oxunub
view-gray1751 dəfə oxunub

Yarıçılpaq qadınlar

Ara-sıra “Youtube”da fransız müğənnisi Dalidanın ifasında “Je Suis Malade” kompozisiyasını dinləyirəm.

Uzun, ciddi bir əlbisədə mikrofon qarşısında hərəkətsiz dayanıb, gözlərini hansısa məchulluğa zilləyib mahnı oxuyur. Sanki zalda nəfəsini içinə çəkib onu heyranlıqla dinləyən publika heç yoxmuş. Dalida o zaldan uzaqlarda, özündən başqa kimsənin bilmədiyi kosmosun tamamilə ayrı qatlarında dolaşır. O, reallıq hissini tərk etmiş kimi görünür.

Çiyninə dağılmış, dalğalı, pərişan saçları, zərif duruşu, gözlərindəki öldürücü qüssə və gözlərinin sonsuz dərinliyində sayrışan çılğınlıq qarışıq xiffət, üzünün son dərəcə hissiyyatlı ifadəsi, səsindəki ağrı mahnının kövrək qammaları ilə bütünləşir və göz önündə onun dolğun, cazibəli, sirli qadın obrazı yaranır. Və bu anda məndən “qadın” sözünün tərifini necə vermək olar?” soruşsalar, düşünmədən “Qadın Dalidadır” deyərəm.

Publikanı ram etmək üçün Dalidanın nə açıq-saçıq geyimə, nə “ekssentrik” hərəkətlərə, nə də şəhvani pozalara ehtiyacı var. Bir qadın bu qədər sadə, bu qədər iddiasız və eyni zamanda ahənrüba kimi çəkici, əlçatmaz olmaqla da adamı məhvərindən çıxara bilirmiş.

****

Dalidanı niyə xatırladım?

Srağagün kanalları dəyişəndə istər-istəməz “Lider”də bir neçə dəqiqəlik saxladım. Diqqətimi “Bir könüldən” proqramını aparan Könül Kərimovanın qiyafəti çəkmişdi.

Səhnəyə çıxdığı ilk illərdə mühafizəkar geyinən, hətta puritan təəssüratı buraxan müğənninin sinəsi o qədər açıq idi ki, istər-istəməz diqqət ora yönəlirdi.

Təəccüblənməli nəsə yoxdur, təbii. Onsuz da indi bütün bəşəriyyət yarımçılpaqdır. Qadınların çoxu yarımçılpaq əlbisələr geyinir-efirdə, tədbirlərdə, məclislərdə, gündəlik həyatda, hər yerdə.

Hərçənd, məsələnin əxlaq (xüsusən də, cəmiyyətin qavradığı “əxlaq” anlamını nəzərdə tuturam) tərəfi mənə qətiyyən maraqlı deyil.

Əslində açıq-saçıq geyinənlərə münasibətim çox normaldır. Fəqət, açıq-saçıqlıq, hətta çılpaqlıq belə əhəmiyyətli məzmun, ciddi nəsə ifadə etməlidir, özünü təqdimetmənin, obrazın sadəcə bir elementi olmalıdır. Məsələn, Qoyyanın “Çılpaq maxa”sı, Robert Oltmenin şou-biznesi araşdıran “Yüksək moda” komediyasının finalında podiuma çıxan lüt modellər kimi. Onlar tamaşaçıda şəhvət hissi doğurmur, əksinə, fikri nəzərdə tutulan ideyaya, həqiqi mahiyyətə yönəldir.

Əksər qadınlar üçün yarımçılpaq əlbisə özünü sırf ifadə formasıdır. Özünü ifadənin yeganə aksentini geyimə etmək başqalarının marağını satın almağa hesablanır. İntellektinə, şəxsiyyətinə, cazibəsinə arxayın olmamağı ifadə edir. Maraqlı ola bilməmək, diqqətdən kənar qalmaq qorxusu onları vücudlarının hansısa hissələrini sərgiləməyə məcbur edir. Kürəyi, sinəsi açıq, qısa ətəklərlə, donlarla alt mesajlar ötürülür: “Məni satın alın, mənə diqqət göstərin, mən daha gözələm, daha seksualam” və s.

Və onda yarıaçıq qiyafətlərin altından o qadınların ruhu yox, müxtəlif ət parçaları önə çıxır: bir parça sinə, bir parça ayaq, bir parça çiyin, bir parça bud...

Beləliklə, günümüzün traktovkasında müasir qadın daha çox ət parçası anlamına gəlir.

J.L.Qodar hələ 60-ci illərdə gələcəyə dəqiq diaqnoz qoymuşdu. Onun filmlərindən birində ekrana - müasir yarımçılpaq qadın fotoları gəlir və şərh verilir: “Qədim yunan, intibah epoxası vardı. İndi isə bizdə g.... epoxasıdır”. Etik qaydaları nəzərə alaraq sözü tam yazmırıq. Özünüz tamamlayın.

Oxşar xəbərlər

Xəbər lenti

İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021
Qazilərimizdən bəhs edən film çəkildi
14:29 18 Yanvar 2021
50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021
Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021