Dənizi dəlitək sevənlər - Yeni şeirlər

Dənizi dəlitək sevənlər - Yeni şeirlər
14 aprel 2020
# 13:55

Kulis.az Furqanın yeni şeirlərini təqdim edir.

ulduz falı

ilk dəfə inandı

bürclərin doğruluğuna -

xərçəng bürcü olan

qardaşı

xərçəngə tutulanda...

söyüş

avtobusun

arxa qapısından

pul verməmiş qaçan

uşaq kimi

gizlənirəm həyatdan...

gülümsədiyimi görsə əgər,

arxamca söyər...

qan qardaşı

qazarkən

tərimin axdığı səngərdə

qanı axan şəhidlə

qan qardaşı

sayılırammı mən?!

qazi

müharibə bitəndə

dostunun qanı tökülmüş

torpağı

evə aparan

qazi

heyif ki,

onu çərçivələyib

evin divarından

asa bilməz

şəkil əvəzi...

limon

hər axşam

işdən gələrkən

"axşamınız xeyir" dediyim

limon satan qocanın

üzünə hopur

sata bilmədiyi

limonların rəngi...

"kədərin xeyir, bala,

kədərin xeyir"

kimi eşidilir

bütün dedikləri...

həsrət

dənizi

dəlitək sevənlər üçün

gəmidə olmaq da

həsrətdi elə...

şəhid anası

oğlunun ölümündən

daha çox

bilirsinizmi

nə yandırır onu?!

bilsəydi ki,

oğluyla son dəfə danışır

heç söndürərdimi

telefonu?!

babama

əsasını

həzrəti Musa kimi

atdı babam...

əsa

ilana yox,

məzara dönüb

uddu babamı...

reankarnasiya

sənin yerində

olsaydım

öz yerimə keçərdim...

kölgələr

mən

bəlkə də günəşi

ona görə çox sevirəm ki,

günəş batandan sonra kölgələr

ağacların üstünə çıxır!

kölgələr yerlə sürünəndə

gözəl olurlar axı...

Görüntünün olası içeriği: 1 kişi

# 4455 dəfə oxunub

Oxşar xəbərlər

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

Vyetnam Prezidenti: "Azərbaycan həm Avropanın, həm də Asiyanın mədəni irsini daşıyan inci hesab olunur"

15:26 21 noyabr 2026
Azərbaycan dünyanın ən böyük nağıl festivalında

Azərbaycan dünyanın ən böyük nağıl festivalında

15:10 21 noyabr 2026
"Ulduz"un  Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

"Ulduz"un Xaqani Şirvaninin 900 illiyinə həsr olunmuş xüsusi buraxılışının təqdimatı keçirildi

12:41 21 noyabr 2026
"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

"Həqiqət zərrəsi tapılmayanda yalanı böyük tikələrlə udurlar..." - İsaak Başevis-Zinger

12:30 21 noyabr 2026
Emir Kusturitsa: "Putinlə söhbət  mənim üçün böyük yaradıcılıq ilhamı oldu"

Emir Kusturitsa: "Putinlə söhbət mənim üçün böyük yaradıcılıq ilhamı oldu"

11:57 21 noyabr 2026
Xalq rəssamının oğlu vəfat etdi

Xalq rəssamının oğlu vəfat etdi

11:27 21 noyabr 2026
#
#
Ana səhifə Reels Yazarlar Xəbərlər