news-inner
clock17:42 calendar-gray 08 Aprel 2020 view-gray1569 dəfə oxunub
view-gray1569 dəfə oxunub

Nərgiz Cəlilova: “Bu günlərdə iştaham kəsilib”

“Ümid edirəm ki, pandemiya dövrü keçəndən sonra insanlar təbiətin təmizliyinə qarşı daha həssas olacaqlar”.

Bu sözləri Kulis.az -a açıqlamasında tanınmış teleaparıcı Nərgiz Cəlilova bildirib. Karantin günlərində vaxtını necə dəyərləndirməsindən bəhs edən teleaparıcı bu günlərdə kiçik həcmli esselər yazdığını deyir:

“Hamı kimi bu günləri mən də evdə keçirirəm. Başımı qatmağa çalışıram. Son vaxtlar nədənsə uzun-uzadı ədəbi materiallar oxumağa hövsələm çatmır. Ona görə də üstünlüyü şeir kitablarına verirəm. Şeir oxumaq mənə daha xoş gəlir. Çünki fikir oxuyan kimi tamamlanır və sonra düşünə bilirsən. Mən özüm də yazmağı çox xoşlayıram. Hətta deyərdim ki, bu mənim hobbilərimdən biridir. Kiçik duyğu yazıları yazmağı sevirəm. İndi də fürsət düşüb əlimə yazıram. Bu mənim yaxşı mənada zamanımı məşğul edir. Təbii ki, gün ərzində bir sata qədər vaxtımı idmana sərf edirəm. Eyvanda güllərim var onlarla məşğul oluram. Onlarla danışıram. Mənə ev işlərində kömək edən xanım da artıq neçə vaxtdır gəlib-gedə bilmir. Amma bu mənim üçün çox da çətinlik yaratmır. Əlimdən hər iş gəlir. Yaxşı yeməklər bişirirəm. Hər bir evdar xanım kimi evlərə bir balaca əl gəzidirirəm. Amma açığını deyim bu günlərdə iştaham kəsilib. Heç nə yemək istəmirəm. İndi bütün sənət adamlarının, bəzi həmkarlarımın əsas qayğısı odur ki, evdə qalıb yeyib kilo alacağıq. Amma mən belə görürəm ki, karantin müddətində nəinki kilo almaq hətta bir neçə kilo arıqlayacam. Yaxınlarımla telefonla danışıram. Mənim karantin günlərim belə keçir.”

Nərgiz Cəlilova pandemiya dövrünün bəşəriyətin, insanlığın özünə gəlməsi üçün bir işarə olduğunu düşünür.

“Bildiyiniz kimi bu il verilişə, efirə fasilə vermişəm. Amma Akademiyada dərslərimiz var idi. Gənclərlə məşğul olurduq. Ən çox ona heyfslənirəm ki, o dərslərə ara verməli olmuşam. Bizim işimiz geniş auditoriya ilə olduğu üçün onlayn dərs verə bilmirəm. Amma ümid edirəm ki, bu vəziyyət uzun müddət davam etməyəcək. Yəqin ki, yeni əhval-ruhiyyə ilə qayıdacağıq cəmiyyətə. Ekologiyanın təmizlənməsi baxımından bir az pozitiv yanaşmaq olar vəziyyətə. Ümid edirəm ki, bu pandemiya dövrü keçəndən sonra insanlar təbiətin təmizliyinə qarşı daha həssas olacaqlar. Amma bilmirəm bu nə dərəcədə mümkün olacaq. İnsan öz vərdişlərindən kənar ola biləcəkmi, pandemiyanın ciddiliyinə varıb sonradan öz həyat tərzini davranışını dəyişə biləcəkmi, bax onu bilmirəm... Düşünürəm ki, bu insanlığa bir işarədir. Bu günlər keçəndən sonra bir-birimizin, vaxtımızın, zamanımızın dəyərini daha yaxşı biləcəyimizi zənn edirəm”.

Uzun illərdir tək yaşadığını söyləyən teleaparıcı karantin günlərində təklikdən çox da sıxılmadığını, amma ən çox havada gəzmək üçün darıxdığını deyir:

“Mən ümumiyyətlə yalnız olduğuma görə özümlə tək qalan zamanlarım çox olur. Ona görə də bu mənim üçün bir yenilik deyil. Düşünməyə kifayət qədər vaxtım olur. Amma hava gözəldir, adam darıxır çıxıb gəzmək istəyir. Bu baxımdan hamı üçün bu yaz günlərində evə qapanmaq çətindir. Ancaq qaydalara əməl etməliyik. Yəqin ki, bu günlərin ömrü uzun olmayacaq".

news-inner-user

19451 məqalə

Oxşar xəbərlər

Xəbər lenti

Səndən ayrılanda, dağlar, cavandım - Günün şeiri
14:15 28 İyul 2021
Boşanmadan ikinci qadınla evləndi, ölümündən sonra oğlu meydana çıxdı, müəmmalı qəzada öldü – Səxavət Məmmədovdan 10 maraqlı fakt
13:30 28 İyul 2021
Səməd Səmədovun dəfninə gəlmədilər - Giley
12:40 28 İyul 2021
İşıqları keçirib yazanlar
12:00 28 İyul 2021
Dərnəgülün qansoranları – Vüsal yazır…
11:20 28 İyul 2021
“Fəryad 2” filminə kişi axtarırlar – 15 manata
10:40 28 İyul 2021
Müğənni 56 yaşında öldü
10:05 28 İyul 2021
Votsapda beş roman yazan xanım: “Mənim davam internetdəki əxlaqsız kişilərlədir” - Müsahibə
09:00 28 İyul 2021
Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021
Taleh Yüzbəyovdan yeni film gəlir - Fotolar
16:13 27 İyul 2021
7 il nişanlı qaldı, tələbəsi ona aşiq oldu, rus qızına görə oğlunu evdən qovdu – Xalq yazıçısından 10 maraqlı fakt
15:30 27 İyul 2021
Seyran Səxavət “Nizami Gəncəvi” mükafatına layiq görülüb
15:27 27 İyul 2021
Ermənilər yazıçımızın ailəvi fotosunu oğurladılar – Nadir fakt - Foto
14:45 27 İyul 2021
Əməkdar mədəniyyət işçisi vəfat etdi
13:52 27 İyul 2021
Nərimanovun 5 yaşlı oğluna yazdığı o məktubdan sonra… – Çingiz Hüseynov yazır
13:30 27 İyul 2021
Buker mükafatının uzun siyahısı açıqlanıb
12:29 27 İyul 2021
Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021