writer1

Oğuz Ayvaz

Məqalə sayı

210
clock10:52 calendar-gray 19 Mart 2020 view-gray3414 dəfə oxunub
view-gray3414 dəfə oxunub

Epidemiyanın gətirdiyi öpüş azadlığı

Bakının küçələrini, prospektlərini, metrolarını, avtobuslarını, meydançalarını boş, kimsəsiz görəndə qəribə hisslər keçirirəm. Bu mənzərə qarşısında vərdişli olmadığımdan köhnə şəhərimizi qəribsəyirəm. Virusun gətirdiyi süstlük həyatlarımıza da sirayət edir. Dostlarla görüşmək olmur, kafeyə gedə bilmirsən, internet klublar da onun kimi...

Həmişə basabasdan, adamların çoxluğundan donquldanır, deyinirdik. İndi isə əksini yaşayırıq. Adamlar üçün darıxırıq. Virusun gətirdiyi həzin, kədərli bir mənzərə yaranıb Bakıda.

Ötən günlərdə çoxdandı görüşmədiyim dostumla bulvarda görüşdük. Əl uzatdım, əlim havada qaldı. İstədim qucaqlayam, kənara çəkildi. Virusa görə tədbir aldığını, hətta aramızda 2 metr məsafə saxlayacağını dedi. Darıxdığım dostumu nə öpə bildim, nə də qucaqlaya. Şəhərdə gəzdiyimiz müddətdə məsafəli danışır, tez-tez susurduq. Dostumun halına acıdım. Ölümdən qorxmağı, yaşamağa bərk-bərk sarılmağı da kədərli gəldi mənə. Mərkəzi küçələrdə tək-tük adam görünürdü. Axşam 9-dan sonra isə hər yer boş səhra təəssüratı yaradırdı. Adamsız şəhərlər necə darıxdırıcı, lazımsız görünür.

Avtobusda tünlükdən ayaqlarımın əsdiyi o günlər üçün darıxmağa başlamışam. Cəmiyyət olaraq beynimiz çətinliklərə, problemlərə proqramlaşıb. Hər gün metroda, dayanacaqlarda dalaşan, didişən insanlar indi yağlı əppək olub göyə çəkiliblər. Əslində, həmişə basabaslardan, nizam-intizamsızlıqdan şikayət etmişik. Virusun sayəsində bu problem də aradan qalxıb. Səbəb? Ölüm qorxusu. Can şirin şeydir.

Gəlin, həyat eşqimizi diri saxlayaq. Elə təsəvvür edək ki, virus, infeksiya-zad yoxdur. İstədiyimiz tərəqqinin başlanğıcına keçid almışıq. İctimai nəqliyyatdakı qayda-qanunla etika mədəniyyətini öyrənməyə başlamışıq. Bundan sonra da yaxşı şeylər olacaq. İnsanlar rahat şəkildə iş yerlərinə, mənzillərinə çatacaq. Parkların boş olmağı uşaqlara daha da sərf edəcək, küçələrdə sevgililər doyunca öpüşə biləcək, yollarda şütüyən maşınların sayı azalacaq, hava təmizlənəcək.

Daha nə istəyək?

Metroda kitab oxuyanda başımızın üstünü gonbul xalalar kəsdirməyəcək, qızlar tünlükdə “yanıq” oğlanlardan xilas olacaq, platformada ürəyi gedən adamlar yox dərəcəsinə çatacaq?

Məncə, hələlik bu qədər kifayətdir.

Nə olur-olsun, inanıram ki, narahatlıq tezliklə bitəcək. Bizi qarşıda günəşli günlər gözləyir. Nikbin olaq, işıqlı düşünək. Necə deyirlər, gün doğmadan nələr doğar!

REKLAM

Yazarın digər yazıları

Xəbər lenti

Dinini dəyişdi, dəlixanaya düşdü, milyonçu ola-ola acından öldü - "Təbrizim" mahnısının müəllfinin dəhşətli həyatı
14:20 30 Oktyabr 2020
Məşhur tarixi əsərin komiksi hazırlanır
13:30 30 Oktyabr 2020
"Yazıq" ermənilərlə necə davranaq? - Sərdar Amin yazır...
12:49 30 Oktyabr 2020
Qadınlar paltarlı yatır ki, ölsələr ayıb olmasın - Gəncəli jurnalist yazır...
12:10 30 Oktyabr 2020
İstanbulda əxlaqsız erməni yuvası - Aqşin yazır...
11:36 30 Oktyabr 2020
Günün şeiri: Salam, Şuşam!
11:01 30 Oktyabr 2020
Nəzakət Teymurova: "Pandemiya ilə mübarizə də müharibədir"
10:27 30 Oktyabr 2020
Misirli rejissor Kann festivalının qalibi oldu
09:59 30 Oktyabr 2020
Qışqırıb-bağırmağa başladım... - Bircənin romanı
09:00 30 Oktyabr 2020
“Ulduz”un oktyabr nömrəsi nəşr olundu
19:28 29 Oktyabr 2020
“Ayrı-seçkiliksiz gələcəyim” adlı foto-müsabiqə keçirilir
18:50 29 Oktyabr 2020
Nikol Kidman yeni seriala çəkilir
18:21 29 Oktyabr 2020
"Şeron"dan yeni cəngi - Video
17:43 29 Oktyabr 2020
Milli Dram Teatrı Silahlı Qüvvələrə Yardım Fonduna ianə edib
17:11 29 Oktyabr 2020
Bir əsgərin qeydləri: Ölümlə döyüşürəm - Yeni Şeirlər
16:30 29 Oktyabr 2020
Kann kinofestivalının rəmzi açılış mərasimi keçirildi
15:43 29 Oktyabr 2020
Xalq artistinə həsr olunan kitab çapdan çıxdı
15:00 29 Oktyabr 2020
Qızının cəsədinə sarılan atanın fəryadı
14:15 29 Oktyabr 2020
Jerar Depardye Fransa prezidentini homoseksual adlandırdı
13:36 29 Oktyabr 2020
Dünya yazıçıları Gəncə və Bərdə terroru ilə bağlı bəyanat yaydı
12:45 29 Oktyabr 2020