writer1

Sərdar Amin

Məqalə sayı

49
clock12:17 calendar-gray 13 Mart 2020 view-gray11025 dəfə oxunub
view-gray11025 dəfə oxunub

Özünü feminist sayan Aysel Əlizadənin seksist fikirləri

Son aksiyadan sonra qadın hüquqları, seksizm, feminizm mövzuları bir daha gündəmə gəldi. Televiziyalar, saytlar mövzuya uyğun ekspert axtarışında üstünlük verdiyi şəxs isə Aysel Əlizadə oldu.

Görmək istədiyi cəmiyyət, bu cəmiyyətin sinəsinə mıxlanmış kitab rəfi, onun yumşaq ürəyi yazımın mövzusu deyil, mövzum seksizm və feminizm fonunda Aysel Əlizadədir. O Aysel Əlizadə ki, bu gün feminizm deyiləndə, cinsi ayrı-seçkilikdən danışılanda efir prodüserlərinin ilk əl atacağı adamdır.

"Kişini əldə saxlamaq"dan mühazirə deyən, 3 statusundan birini "sexy ledy" janrında yazan, uzun illərdir ədəbi mühitin cazibədar xanımı olmaqdan altdan-altdan zövq alan Aysel hansı ara cinsi ayrı-seçkiliyə liberal müstəvidə qarşı çıxan bir ekspert oldu?

O, tez-tez feminizm ilə bağlı materiallar paylaşır, insanları bu cərəyanla yaxından tanışlığa çağırır. Maraqlıdır, bəs Aysel özü bu materialları niyə oxumur, oxuyursa, niyə başa düşmür, başa düşürsə, niyə camaatla məzələnməyə çalışır?

Mən Ayselin yadımda qalan bir neçə seksist, insanları cinsinə görə fərqləndirdiyi fikirləri qeyd edirəm, amma siz də məsələyə eyni kontekstdən yanaşsanız, yazarın bütün postlarında seksist detallar tapacaqsınız. Düzdür, o, bu fikirləri bilərəkdən tirajlamır, sadəcə məsələyə birtərəfli baxdığına görə, birmənalı olaraq qadın cinsinin nümayəndələrini “süddən çıxan ağ qaşıq” kimi təqdim etdiyinə görə seksist duruma düşür. Bu fikirlərin üstündən efirdə feminizmdən danışmaq, cinsi fərqliliyi qabartmağı pisləmək anormal görüntü yaradır.

“Kişiyə ilk andan şikar kimi yanaşmaq çox yanlışdır. Kişi bunu hiss edən kimi qaçır. Necə ki, bütün şikarlar ovlanacağını duyan kimi aradan çıxır. Sadəcə, ona sizinlə elə rahat olsun ki, sizi evi bilsin. Sizdə dincəlsin”.

Birincisi, belə çıxır ki, kişi şikardır, amma ona durumunu “ilk andan” hiss etdirməməlisən.

İkincisi, özünü feminist sayan bir qadın niyə kişiyə ev olmalıdır? Feministlər belə düşünürsə, “Qadın kişinin nemətidir” deyən İslama qarşı niyə çıxır?

Düzdür, mənə görə hər ikisi maraqlı fikirdir, amma özünü feminist sayan şəxs üçün bu biabırçı açıqlamadır, təpədən-dırnağa seksizmdir.

Bütün problemlərin səbəbkarı kişilərdirmi? Qadın qatil, qadın qaçaqmalçı, qadın narkoman, qadın uşaq oğrusu yoxdurmu? Bütün bu kimi situasiyalarda qadınların cinsinə görə müdafiəsi feminizm deyil, qadınbazlıqdır.

Seksizm feminizmə xidmət etmir, əksinə onun təməlini sarsıdır. Cinsi fərqinə görə aşağılananların müdafiəsinə qalxdığı an, özü cinsi müstəvidə bir tərəfi qaldırıb, digərini aşağılayır. Ələlxüsus da liberal feminizm bu plastda çox həssas davranmalıdır. Hərçənd Aysel də özünü liberal feminist sayır. Ona görə daha diqqətli olmaq zorundadır.

Bir neçə gün öncə Aysel seçkilərdə videoya düşən qadınlara qarşı yazanların tənqidinə hesablanan bir status paylaşmışdı. Paylaşımda yazar dolayısı ilə bu qadınlara haqq qazandırmağa çalışırdı. Guya onların bu hala düşmələrində səbəbkar kişilərdir. Eyni məntiqlə baxsaq, görəsən kişiləri kim bu hala salıb? Yəqin, bu da qadınların işidir.

Aysel Əlizadə və Aysel kimi düşünən “feministlər” qadın uğur qazananda bu nailiyyəti qadının ayağına yazır, uğursuzluğa düçar olanda səbəb kimi kişiləri göstərir.

Qonaq olduğu son verilişdə - “3D”də hər nə qədər nəzəri informasiyalar verməyə çalışsa da, yazar yenə də ənənəsinə sadiq qalaraq bizdən cinsi ayrı-seçkilik sərgiləyən fikirlərini “əsirgəmədi”.

“Tanrı olsaydım, Adəmi ikinci yaradardım”...

Yəqin, Aysel elə düşünür ki, feminizm qadın hüquqlarını kişilərinkindən daha üstün tutmaqdır. Əks halda, niyə əks cinsin hüquqlarını qaldırmaq üçün kişilərdən tramplin kimi istifadə olunsun?

Avropada bəzi feministlər doğmaq özəlliyindən də imtina etmək istədikləri halda Aysel efirdə Allahı da “doğmaq” istəyir.

Təəssüf ki, qonaq olduğu "3 D" verilişində də Dadaşlinski hər nə qədər həqiqətə vaqif, Ayselin seksist ifadələrindən xəbərdar idisə də, onun həlim siması qarşısında tab gətirə bilmədi, keçəlini qarşıya-qaşıya "əsl Azərbaycan kişisi"nə çevrildi.

Aysel Əlizadə bu gün dəyərlər sisteminin bizimkindən min işıq ili uzaqda qərar tutan hansısa ölkədəki "seksizm" anlayışını həssaslıqları, detalları ilə Azərbaycana gətirməyə çalışırsa, o zaman çox diqqətli olmalıdır, islahatlara öz nitqindən, davranışından başlamalıdır. Özünə lazım olanda seksizmin bütün detallarına qarşı olduğunu sərgiləyəcək, lazım olmayanda şipşirin bir qadın olacaqsa, işimizi bilək.

Yox əgər söhbət Şərq kişisinin qadına münasibətindəki çoxsaylı aşağılayıcı elementlərdən gedirsə, buna bütün aydınlar qarşıdır, bunun üçün Aysel Aydın Əlizadə olmağa gərək yoxdur.

REKLAM

Yazarın digər yazıları

Xəbər lenti

Bizim üçün qızılgül – Cavanşir Yusifli yazır...
17:30 07 İyul 2020
Bred Pitt yeni filmə çəkilir
16:48 07 İyul 2020
Filmdəki "Kəndimiz" mahnısının ifaçısı dünyasını dəyişdi
16:06 07 İyul 2020
Seymur Baycanın yazısı məşhur türk saytında yayımlandı
15:24 07 İyul 2020
"İmkanlı adamların milli qeyrəti olmalıdır" - Yazıçılar ermənilərin festivala gedən filmindən danışdı
14:45 07 İyul 2020
Tbilisidə Azərbaycan muzeyləri açıldı
14:02 07 İyul 2020
“Qəhrəmanım sənsən” - Natiq Məmmədlinin yeni kitabı çap olundu
13:19 07 İyul 2020
Bakıya yayılan üfunət nəyin mesajıdır?
12:28 07 İyul 2020
Atasını vuranı bağışladı, ölümünə dostu bais oldu, öləcəyini internetdən öyrəndi - Ələkbər əminin kədərli həyatı
11:42 07 İyul 2020
Kür çayını kim xilas edəcək?
11:06 07 İyul 2020
Dindarlar bu şeirə görə gənc şairi hədələyirlər
10:30 07 İyul 2020
Amerikalı aktyor koronavirusdan öldü
10:04 07 İyul 2020
Müslüm Maqomayev adına müsabiqə gələn ilə qaldı
09:51 07 İyul 2020
Pararlel dünyaya səyahət edən xərçəng ata – Etqar Keretdən yeni hekayə
08:58 07 İyul 2020
Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020
Azərbaycanda pandemiyadan film çəkildi – Video
17:15 06 İyul 2020
Yaşından otuz il qoca görünən, qurultayda bircə səs qazanan, AYB-nin qarşısında dünyasını dəyişən məşhur şairimiz – Maraqlı faktlar
16:33 06 İyul 2020