writer1

Sevinc Elsevər

Məqalə sayı

104
clock11:10 calendar-gray 27 Fevral 2020 view-gray9398 dəfə oxunub
view-gray9398 dəfə oxunub

Qadınlarımızın Vatsap biabırçılığı

Sevinc Elsevər

Məşhur “Yalançı çobanın nağılı”nı hamınız bilirsiniz. Qoyunların arasında özünü tək hiss eləyib darıxan çoban bir gün yalandan qışqır-bağır salır ki, ay camaat, qoymayın, canavar gəldi, sürünü basdı. Kənd camaatı tökülüşüb gəlir, məlum olur, canavar-zad yoxmuş.

Bu, bir neçə dəfə beləcə təkrarlanır. Sonuncu dəfə çoban həqiqəti car çəkir. Sürüyə doğrudan da canavar girir, ancaq çoban bu dəfə özünü assa da, kəssə də, ona heç kim inanmır. Çobanın başına əməlli-başlı kül olur. Bu nağılın altında kəsərli bir ata sözü də vardı: “Yalançının evi yandı, heç kim inanmadı!”

Bilmirəm neçənci dəfə baş verir, ancaq dəfələrlə vatsap qruplarında müxtəlif mövzularda müxtəlif xəbərlər yayılır, camaat təşvişə düşür, stressdən əziyyət çəkən kütlə yaman günə qalır. Sonra məlum olur ki, hamısı yalanmış, kiminsə kefi qalxıbmış. Eynən həmin o yalançı çobanın kefi qalxdığı kimi...

Gah birinin şəklini çəkib yayırlar ki, qoymayın, uşaq oğrusudu, balalarınızdan muğayat olun. Gah deyirlər, ölkəni tufan aparacaq, meteorit düşəcək, nə bilim yer kürəsini su basacaq. Nə desən uydururlar.

Sonuncu belə panika yaradan səs yazısı da dünən axşam yayıldı. Səsli mesajda koronovirusun artıq Azərbaycanda da yayıldığı, guya iyirmidən çox adamın Mərkəzi Klinik Xəstəxanaya yerləşdirildiyi xəbər verilirdi.

Uç övladım məktəblidi. Hər uşağın da sinfinin ayrı-ayrı vatsap qrupu. Üstəlik bu qruplardan törəmə qruplar var. Məsələn, “Yeni il şənliyinə qatılanlar qrupu”, “Atıcılığa gedənlər”, “Dəryada üzənlər”, “Odda yanmaz, suda batmazlar” və s ağla gələn, gəlməyənlər... Birindən çıxırsan, səni o birinə daxil edirlər. Özü də o qruplarda heç vaxt görməzsən ki, ciddi bir məsələ müzakirə olunsun, məktəbə, kitaba, dərsin keyfiyyətinə, təhsildəki problemlərə aid fikirlər səsləndirilsin...

Hərdən-birdən kimsə dərsin yerini soruşar, bundan başqa heç bir əhəmiyyətli işə yaramaz. Əslində, bu da uşaqları məsuliyyətsiz öyrədir, dərsin yerini məktəbdə gündəliyinə qeyd eləməyən şagird arxayındır ki, axşam anası vatsap qrupundan öyrənəcək.

Qonşularımızın açdığı “Süd-qatıq” qrupunun adı gülməli olsa da, inandırım sizi, müəllimlərin, valideynlərin açdığı qruplardan daha praktikdir, daha çox işə yarayır. Bir yaşlı ər-arvad köhnə “Jiquli”lərinin arxasında həftədə iki dəfə məhəlləyə süd gətirirlər. Kim nə qədər süd istəyir, qatıq istəyir, əvvəlcədən qrupda yazır, maşın həyətə girən kimi qrupa səs düşür, hərə əlində banka, balon axışır həyətə. Daha qışqırıb heç kimi narahat eləmirlər. Məzəli odur ki, həmin qrupda belə o məşhur səs yazısı, video yayılmışdı.

O qrupdan götürüb bu qrupa atırlar, bu qrupdan götürüb o qrupa atırlar, panika içində qohum-əqrəbanı xəbərdar edirlər.

Dünənki səsin sahibinin kimliyi məlum olub. Saytlardan oxuyanda ki, bu, doğrudan da həkimdir, ağzım açıla qaldı. Bu yalançı çoban səviyyəsində olan həkim hansı ağılla camaatı bu cür panikaya salır?

Bu ağılda adam necə həkim olur? Əgər doğrudan da necəsə həkim olubsa, vay halımıza.

Qorxursan, bir gün axırımız yalançı çobanın axırı kimi ola! Bir gün o vatsap qruplarında hansısa başıdaşlı həqiqəti car çəkəcək, heç kim inanmayacaq. Evimiz-eşiyimiz, kəndimiz-şəhərimiz od tutub yanacaq!

REKLAM

Yazarın digər yazıları

Xəbər lenti

Tanrının İtaliyaya bəxş etdiyi böyük sərvət: Ennio Morrikone
21:01 06 İyul 2020
Xalq artisti oğlundan yazanları hədələdi
20:40 06 İyul 2020
Kukla Teatrında uşaqlar üçün onlayn tamaşa
18:39 06 İyul 2020
Cənubi Koreya musiqi qrupu dünya rekordu qırdı
18:00 06 İyul 2020
Azərbaycanda pandemiyadan film çəkildi – Video
17:15 06 İyul 2020
Yaşından otuz il qoca görünən, qurultayda bircə səs qazanan, AYB-nin qarşısında dünyasını dəyişən məşhur şairimiz – Maraqlı faktlar
16:33 06 İyul 2020
Luvr muzeyi açıldı
15:49 06 İyul 2020
Hamilə qalmaq üçün daş oyuğuna salınan gəlin – Güneydən hekayə
15:11 06 İyul 2020
İlin ən yaxşı internet serialı - "Şəxsiyyət"
14:28 06 İyul 2020
İsa Məshinin lezbiyan obrazına dindarlardan etiraz
13:45 06 İyul 2020
Əlini iki dəfə tərpətdi... - Mahmudun dəfnindən gecikmiş reportaj
13:02 06 İyul 2020
Mirşahin Ağayev koronavirusa yoluxdu
12:33 06 İyul 2020
Azərbaycanın Prustu – Şərif Ağayar yazır...
12:01 06 İyul 2020
Bəhram Bağırzadədən xoş xəbər
11:56 06 İyul 2020
Villalara sığmayan karantin ərköyünləri
11:30 06 İyul 2020
Dünya şöhrətli bəstəkar vəfat etdi
11:07 06 İyul 2020
Karantin qaydalarını pozan azərbaycanlı aktrisa işdən çıxarıldı
10:58 06 İyul 2020
Məşhur aktyor vəfat etdi
10:25 06 İyul 2020
Röya "Altın kelebek"in qalibi oldu
09:56 06 İyul 2020
Ərinin başını qırxan kim, ad günü keçirən kim, rayonları gəzən kim... - Şou əhli karantində - Fotolar
08:58 06 İyul 2020