Toylarda, həftə sonları vaxtımız və pul olanda dostlarla içirik. İçki məclislərini burnumuzdan gətirən bəzi dostlar da tapılır. Elə dostlarla bir daha oturmuruq. Ümumiyyətlə, dilinə araq dəyən insanlar özlərini müxtəlif cür aparır. Bu dəfə həmin tiplərdən yazacağıq.
Yaman içmişəm. Belə adamlar adətən 4 nəfərə 500 qram araq içib, səhər işdə çox içdiyindən gileylənir. Soruşanda ki, nə qədər içmisən, aldığın cavabdan məyus olursan.
İçib ağlayanlar. Bu cür insanlar məclisin sonuna az qalmış dostunu qucaqlayıb ağlayır. Sonra məlum olur ki, köhnə sevgilisi, vəfat etmiş dostu yadına düşüb. Belə şeylərin insanın yadına düşməsi normaldır. Ancaq bu kimi şeylər içki içəndə adamın yadına düşürsə, bu, xoşagəlməz haldır.
İçib ürəyindəki sirləri bölüşənlər. Belə insanlar adətən məclisin sonuna yaxın coşmağa başlayır. Qarşısındakının yaxşı insan olmadığını, nə vaxtsa onu incitdiyini deyir. Səhər isə zəng vurub, ondan bağışlanmağını istəyir. Həmin dostu bağışlamayın. Çünki o içindəki sözü deyir. Sadəcə ayıq olanda sözünü deməyə cəsarəti çatmır.
İçib Facebooka girənlər. Oturub içirsən, səhər Facebooku açanda görürsən ki, dostun gecə 30-a yaxın mənasız status yazıb. Bir dost içib, evə gedən kimi yazır ki, dostlar mən sizi tərk edirəm. Həmin dostun statusunu gecə görsəniz qorxmayın. İntihar eləyən deyil. Sadəcə təkdir.
Məclisdəkilərlə savaşan. Adətən, belə davalar, məclisdə yad bir adam olan zaman baş verir. Birinin sözü o birisinin boğazından keçmir. Bu cür qonaqlıq polis bölmələrində bitir. Belə insanlarla ünsiyyət məsləhət deyil.
İçib ofisiantla savaşan. Xoşbəxtlikdən belə dostlar barmaqla sayılacaq qədərdir. Cüzi problemi şişirdən və bütün günahı da ofisiantın üstünə atan bu cür dost, adamın yeyib-içdiyini burnundan gətirir.
Arağı iştaha görə içənlər. Bəzi insanlar var ki, arağı sırf iştahalarını artırmaq üçün içir. Ay qardaş, iştahanı artırmaq üçün sarımsaq ye. Arağı niyə gözdən salırsan?!
Mənfi enerji verənlər. Bəzi dostlar var ki, onlarla araq içəndə adama mənfi enerji verirlər. Kədərli baxışıyla, səssiz dayanmağı ilə, çəkdiyi siqareti ilə, poza verməsiylə adamı yorur. Bu cür dostlarla içmək ürəkaçan deyil. Bu cür məclislərdə tez sərxoş oluruq.
Araği insan kimi içənlər. Xoşbəxtlikdən belə insanlar çoxdur. Bu insanlar olmasa, içkini atmaq məcburiyyətində qalarıq. Nə yaxşı ki varsınız dostlar.
Fuad CƏFƏROV
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Qrafikaya romantik ruh bəxş edən rəssam - Cəmil Müfidzadə yaradıcılığının estetikası
15:30
24 fevral 2026
Lənkəran səhnəsində "daxili mən"lə üzləşmə - "Gəlinlik paltarı" tamaşasının premyerasından təəssüratlar
14:30
21 fevral 2026
Amerikada sensasiya yaradan azərbaycanlı - O, KQB-nin təqibindən necə xilas olmuşdu?
12:00
20 fevral 2026
Yalanlar, maskalar və çılpaq həqiqət - "Ruh" tamaşası haqqında
10:00
20 fevral 2026
"Folklordakı Cırtdan avtoritetinin məhv edilməsi..." - Necə oldu ki, Qırmızıpapaq Canavarın sevgilisinə çevrildi?
15:00
19 fevral 2026
Öz şah əsərinə nifrət edən dahi - Naşirlər onun hansı kitabını çap etməyə qorxmuşdular?
12:00
19 fevral 2026
