Bu il İtaliyada təşkil olunacaq 77-ci Venesiya Film Festivalında Qızıl Şir mükafatının sahibini təyin edəcək beynəlaxalq Jürinin sədrliyi avsraliyalı aktrisa Keyt Balnçetə həvalə olunub.
Kulis.az xarici mediaya istinadən xəbər verir ki, dünyanın ən qədim film festivalınıa ev sahibliyi edən Venesiya Bienalindən verilən açıqlamada, Paolo Barattanının sədrliyi ilə 10 yanvarda bir araya gələn idarə heyətinin qərarı ilə 77ci Venedik Film Festivalının jüri sədrliyi üçün Keyt Blançet seçilib. Bildirilib ki, böyük istedada malik, bənzərsiz zəkası və kinoya olan səmimi bağlılığı olan Keyt jüri sədri olmaq üçün ideal xüsusiyyətlərə malikdir.
Qeyd edək ki, Venesiya Film Festivalı bu il 2-12 sentyabrda Venesiyanın Lido Yarımadasında baş tutacaq. Qızıl Şir mükafatı isə sentyabr ayının 12 –də öz sahibinə təqdim olunacaq.
Xatırladaq ki, keçən il keçirilən festivalda Qızıl Şir mükafatını amerikalı rejissor Tudd Fillipsin çəkdiyi “Coker” filmi qazanmışdı.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər