news-inner
clock12:05 calendar-gray 13 Noyabr 2019 view-gray3162 dəfə oxunub
view-gray3162 dəfə oxunub

Mən indi heç kiminəm, de görüm, sən kiminsən?... - Elnaz Eyvazdan Şeirlər

Kulis.az şairə Elnaz Eyvazın yeni şeirlərini təqdim edir.

Tanrım,
sən xoşbəxtlik ver,
gizlətmək
mənim boynuma...

***

Taledir də...nə çox bundan betəri,
kim dəyişər Tanrı yazan qədəri?!
Gözlərimdə it gözünün kədəri
bir ömürdür sevə-sevə çəkirəm...

***

anasız uşaq kimi,
uşaqsız qadın kimi,
quruca adın kimi
varam -
Sən yoxsan deyə...

***

Bu gördüyün ağac deyil,
adamdı, darılan adam.
Hərədən bir cür qırılıb,
hər şeydən yorulan adam...

***

İlahi,
bir kəlmə söz
ya ölümdən döndərər,
ya da ki, yıxar məni.
Mən pis adam olmadım,
özün yaxşı bilirsən.
Bildiklərin xətrinə
bu kimsəsiz gecədən
sabaha çıxar məni...

***

Yaza bilmədiyim
şeir kimisən:
mən indi heç kiminəm,
de görüm, sən kiminsən?

***

"Yaşa" dedin, yaşadım,
ölərəm "Öl" də desən.
Canımdan keçəm,
təki
gəlib görüm evdəsən...

***

Gündüzlər darıxırsan,
kükrəyirsən axşama.
Mən də eləyəm, payız,
sən də mənə oxşama...

***

Əllərim həyatdan elə soyuyub,
ocağa tuturam,
yanır,
isinmir...

***

Həyat davam eləmir,
inanmaram kim desə.
Kimsə kimdəsə yaşayır,
kimsə ölür kimdəsə...

***

Əllərim qana batmayıb,
göz yaşında islanıb,
ətəyindən üzmə, Tanrım...

***

Sənə qar yağmaz,
bilirəm.
Sən etibarlı dağsan.
Quruca nəfəsin gəlsin,
bəsimdi,
bilim ki, sağsan...

***

Susma...bağrım çatladı,
İstəyirsən, "gəlmə" yaz,
ancaq bircə kəlmə yaz,
Tanrının xatirinə...

***

Yenə Gün batdı aramla,
yenə Ay gəldi birnəfəsə.
Mən həsrəti qarşılayıram,
səni də...kimsə...

***

Vurğun Əyyuba

Səni kimsəyə verməzdik,

Tanrıdan keçə bilmədik…

***

Yollar dumandı, ay gedən,
Halım yamandı, ay gedən.
Gəlib torpağından öpüm,
Səndən qalandı, ay gedən...

Dostlarının, sevənlərinin dilindən Vurğun Əyyub üçün

Kimə danışım indi,
Sənə susduqlarımı?!
Kim anlayar, bilmirəm,
gözümün divarından
yazıb asdıqlarımı.

Getdin, əlim uzalı
qalıb dalınca hələ.
Nə desən, kəsməz ağlım:
"Dözümlü ol, möhkəm ol,
sən güclüsən, səbr elə!"

Uzağı yaxın etdin,
kəsə getdin yolunu.
Necə görə bilmədin
dalınca gildir-gildir
yağan yaşı, dolunu?!

Sən ki zalım deyildin,
sevdiyinə, sevənə.
Necə gülüb-danışım
bundan sonra,
de mənə?!

Özünçün yaşamadın,
vurdun başa ömrünü.
Yalvar-yaxar eləyək,
Tanrı eşqi xətrinə
bir də yaşa ömrünü...

news-inner-user

20028 məqalə

Oxşar xəbərlər

Xəbər lenti

Azərbaycanlı bəstəkar vəfat etdi
20:48 26 Sentyabr 2021
Anım gününə yeni mahnı hazırlanıb – Video
14:44 26 Sentyabr 2021
Vurğun Əyyubun son anları
12:46 26 Sentyabr 2021
Alman casusu, inqilabdan yan keçən fırıldaqçı və homoseksual – Lenin haqqında qan donduran faktlar
11:00 26 Sentyabr 2021
Vərəmə yoluxdu, amerikalı ilə evləndi, Hollivudda güllələndi - Azərbaycanlı müğənninin faciəsi
16:36 25 Sentyabr 2021
İngilis müğənni "Gəl, ey səhər"i oxudu - Video
15:17 25 Sentyabr 2021
Oğlundan imtina edən, işə pijamada gedən, iki dəfə dəfn olunan azərbaycanlı alim
13:59 25 Sentyabr 2021
Yazıçı "Qanun" nəşriyyatını qanunsuzluqda ittiham etdi: "Bu hadisə Şahbaz Xuduoğlunun adına ləkə salır"
13:12 25 Sentyabr 2021
“Traviata” operası nümayiş olundu
12:09 25 Sentyabr 2021
Azərbaycan beynəlxalq kitab yarmarkasında iştirak edir
10:55 25 Sentyabr 2021
Sevginin intihara apardığı qadın
09:00 25 Sentyabr 2021
“Yusif Vəzir Çəmənzəminli və Şumer qaynaqları” kitabı çapdan çıxıb
18:07 24 Sentyabr 2021
Teatr və kinoteatrlar açılır - Qərar
17:53 24 Sentyabr 2021
Yağış düşdü sahildəki daşlara - Musa Yaqubdan seçmə şeirlər
17:30 24 Sentyabr 2021
Fərid Hüseynin yeni kitabı çap olundu
16:49 24 Sentyabr 2021
“Səs Azərbaycan” başlayır: Münsiflər kim olacaq? - Foto
16:05 24 Sentyabr 2021
Akademikin yeni kitabı təqdim olundu
15:20 24 Sentyabr 2021
Dükanlara borclu qalan Xalq artistimiz: O, yerişini də itirmək üzrədir...
14:30 24 Sentyabr 2021
Yazıçımızın kitabı Sankt-Peterburqda çıxdı
13:45 24 Sentyabr 2021
Qızları güldürməkçün sənin kimi xaç çəkərdik - Azərbaycanlı şair Roma Papasına şeir yazdı
13:01 24 Sentyabr 2021