writer1

Elmin Həsənli

Məqalə sayı

24
clock09:00 calendar-gray 06 Oktyabr 2012 view-gray1658 dəfə oxunub
view-gray1658 dəfə oxunub

Buyurun yataq otağımıza

Başqaları həmişə maraqlıdır. İnsanlar qonşusunun, qohumunun, dostunun, tanışının şəxsi həyatını həmişə bilmək istəyir. Azərbaycanlılarsa, bu işdə lap “peşəkardırlar”. Bəli, peşəkardırlar. Onlar bunu yaxşı bacarırlar.

Küçədə köhnə bir tanışla rastlaşanda birinci sualı belə olur: "Ailə həyatın necə gedir?", “Uşaq varmı?”. Bəziləri üçün bu sadəcə klişe bir sualdır. Söhbət etmək, hal-əhval tutmaqçündü. Amma böyük əksəriyyət sadəcə bizim şəxsi həyatımızla maraqlandığına görə bu cür sualları verir. (Ümumiyyətlə “uşaq varmı” sualını vermək tamamilə qeyri-etikdir. Bu isə ayrı bir mövzudur)

Bizim şəxsi həyatımız - evdə etdiyimiz, nə yeyib içdiyimiz, necə sevişdiyimiz, necə yatıb necə qalxmağımız, soyuducumuzdakı ərzaqlar – onları maraqlandırır.

İmkan versən, qonşular gətirib adamın evinin içinə kamera qoyar. İmkan versən, qohumlar gəlib adamın evindən fotosessiya edər. Hər şeyimizi izləyərlər. Onlar üçün dünyanın ən yaxşı filmlərindən daha maraqlı olar bu. Zatən seriallara olan maraq da burdan doğmurmu: başqalarının həyatı.

Bizim bir qonşumuz var. Bütün günü gözü üzərimizdədir. Hələ evlənib bura köçməmişdən bizi nəzarət altında saxlayır. Toydan qabaq evi düzəldirdik. Mebelləri, soyuducunu, televizoru gətirirdik. Yeri döşəyirdik. Üzbəüzdə yaşayan bu qonşu hər dəfə yeni bir şey alıb gətirəndə mütləq bizə təşrif buyururdu. Guya bizim aldığımız əşyalar buna maraqlıydı. Qiymətlərini öyrənirdi. Mebelə baxmaq məqsədi ilə gəlib evin içinə girirdi: “Aaa... Nə qəşəngdi? Hardan almısız? Mən də almaq istəyirəm beləsini...” Əslində isə həmişə gələndə şəxsi suallar verirdi: “Hardansınız? Necə tanış olmusunuz? Nə qədər nişanlı qaldınız? Toyunuz nə zamandır? Nişanı harda etmişdiniz? Qız oğlan toyu bir yerdə olacaq yoxsa ayrı?” və s.

Əlbəttə imkan versəydik, lap toy gecəsində gəlib yataq otağını kəsdirə bilərdi. Axı niyə də olmasın?

Qonşular toyumuzun nə zaman olacağını öyrənmişdilər. Bəziləri yatmamış, gecəni gözləmişdilər ki, gəlin qapıdan keçəndə ona baxsınlar. Görsünlər, gəlinlik paltarı necədir? Görsünlər, saçını nə cür düzəldib? Gözəldirmi, çirkindirmi?

Adam bir az sırtıq ola. Toy paltarını dəyişdikdən, pijamanı geyindikdən sonra düşüb qonşuları çağırasan evə: “Əziz qonşular. Axşamınız xeyir. Nəhayət ki, biz evləndik. Köçdük bura. Hamınızı dəvət edirəm bizə. Buyurun. Qonağımız olun...”

Böyük problemdir. Bilmək olmur insanlar niyə başqalarının həyatına bu qədər maraq göstərirlər?

Onlardan soruşmaq lazımdır.
Axı siz öz həyatınızı normal qura bilmisinizmi?
Uşağınızı normal böyüdə bilmisinizmi? Təhsil alıbmı? Cəmiyyətə yararlı övlad olubmu?
Həyat yoldaşınla normal cinsi münasibətlər qura bilmisənmi?
İşin varmı? İş yerində insanlarla normal münasibət qura bilirsənmi?

Mənim həyatımı müzakirə mövzusuna çevirincə, mənim həyatımla maraqlanınca öz həyatını qurmağa çalış. Artıq gecdirsə, bundan sonra nəsə et.
REKLAM

Yazarın digər yazıları

Xəbər lenti

Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020
“Məni qardaşım hamilə qoydu" – Qırmızı donda intihar edən qızın faciəsi
13:32 05 Avqust 2020
Kamal Abdulladan orijinal layihə - Müsahibə
12:56 05 Avqust 2020
"Altın Koza"nın keçirilmə tarixi bəlli oldu
12:14 05 Avqust 2020
Məşhur türk aktyoru vəfat etdi
11:20 05 Avqust 2020
Azərbaycanlı şairin şeirləri türk saytında
10:42 05 Avqust 2020