news-inner
clock12:04 calendar-gray 19 Oktyabr 2019 view-gray825 dəfə oxunub
view-gray825 dəfə oxunub

Qadın stendap deyə bilərmi? – Soğru

Bu yaxınlarda aktrisa Dilarə Əliyeva stendapçı kimi çıxış edəcəyini açıqlamışdı. Bu, Azərbaycanda bir ilkdir. İndiyədək bizim qadın stendapçımız olmayıb. Bəs məsələ ilə bağlı kişi stendapçılar nə düşünür. Kulis.az onların fikirlərini təqdim edir.

Image result for fərda amin

Fərda Xudaverdiyev

Xəbəri ilk olaraq sizdən eşidirəm. İnşallah yaxşı olar. Kənardan asan görünsə də stendap məsuliyyətli və çətin janrdır. Bu sənət növü aktyordan ciddi özgüvən tələb edir. Aktyor yazılan zarafatlara güvənməlidir. Stendap sənəti Rusiya və Türkiyə ilə nisbətdə bizdə tam qəbul olunmayıb. Özünə güvənən aktyorlarımız, stendapçılarımız nə qədər çox olsa, bu janr da bizdə o qədər sürətlə inkişaf edəcək. İnanıram ki, Dilarə xanım uğur əldə edəcək. Stendapçılıq elə bir peşədir ki, bunun uğuru da stendapçıya aiddir, uğursuzluğu da. Çünki səhnədə yaranan pis vəziyyəti aktyor heç kimin üzərinə ata bilmir. Ola bilər, yazılan, təqdim olunan zarafat gözlənilən qədər effekt verməsin. Aktyor bu effektə qapılsa öz istədiyini edə bilməyəcək. Zal onu idarə edəcək, o zalı yox. Dilarə xanım isə baş verə biləcək ən çətin situasiyaların belə öhdəsindən gələ bilən peşəkar aktrisa, sənət adamıdır. Onun kifayət qədər izləyicisi var. Həmin izləyicilərin də stendapı onun timsalında tanımaları çox yaxşı haldır. Bu, həm də potensialı olan istedadlı gənclərin də üzə çıxmağına kömək edəcək. Qadın stendapçı kimi onun bu ideyası məni çox sevindirdi. Dilarə xanıma uğurlar arzu edirəm. İnşallah məni də öz çıxışına dəvət edər, mən də onu dəvət edərəm.

Image result for müşfiq şahverdiyev

Müşfiq Şahverdiyev

Mən Dilarə xanımın bu ideyasına pis baxmıram. Dilarə xanım tamaşaçını dərhal ələ almağı bacaran, çox güclü aktyor potensialı olan aktrisadır. Hesab edirəm ki, yaxşı ssenari olsa o, bu işin öhdəsindən gələcək. Elə “Çal-çağır” verilişləri olan dövrdən tamaşaçılar ona aid olan bölümü həmişə maraqla gözləyib. Mənim özüm üçün də artıq Dilarə xanımın təqdim edəcəyi stendap maraq doğurdu. Çox istərdim ki, onun səhnədəki çıxışını izləyim. Sadəcə olaraq stendap zamanı hər şeyə hazır olmaq lazımdır. Elə məqam ola bilər ki, zarafat yerində işlənməz və yaxud da sözü vaxtında çatdırmaq baxımından gecikmə ola bilər. Burada yenə də böyük peşəkarlıq tələb olunur ki, ssenaridə olmayan bir söz və ya hərəkətlə vəziyyətdən çıxasan. Dilarə xanımın yaradıcılığına bələd olan biri kimi deyə bilərəm ki, onun hansısa çətinliklə üzləşəcəyinə inanmıram. Aktrisamıza uğurlar arzulayıram.

Həsrət Həsrətov

Ola bilsin, bu xəbər kimdəsə təəccüb doğursun, amma mənim üçün təəccüblü olmadı. Çünki Dilarə xanımla bir ildən artıqdır ki, eyni verilişdə çıxış edirik, eyni seriala çəkilirik. Ötən il keçirilən konsertimizdə o, qadın stendapçı kimi on iki dəqiqə çıxış etdi. Onun çıxışı tamaşaçılar tərəfindən çox gözəl qarşılandı. Bu baxımdan Dilarə xanım universal aktrisadır. Onunla birlikdə işləməkdən həmişə şərəf və qürur duymuşam. İnanıram ki, nəzərdə tutduğu ideyanın öhdəsindən də yüksək səviyyədə gələcək. Stendapçı olmağın əsas şərtlərindən biri aktyorun özünə məxsus hekayəsinin olması və bunu ustalıqla tamaşaçıya çatdırma bacarığıdır. Dilarə xanımda bu keyfiyyətlər var. O, başına gələn ən adi hadisələri belə ləzzətlə nəql etməyi bacarır. Stendapçı üçün ən yüksək məziyyət də elə budur. Ona uğurlar arzulayıram. İnanıram ki, bu məsələdə tarix yazacaq.

Image result for Ülvi Həsənli

Ülvi Həsənli

Dünyanın hər yerində stendapçı qadınlar var. Sadəcə Azərbaycanda heç kim buna ürək edib səhnəyə çıxa bilmir. Bizdəki stendaçıların elə ancaq adlarıdır. Kişilər yavaş-yavaş bu sahədə inkişaf edirlər. Əslində, heç onlar da bilmirlər ki, əsl stendap sənəti nədir. Amma Dilarə xanımın qadın kimi stendapla çıxış etməsinə çox yaxşı baxıram. Mən, Həsrət Həsrətov, Fariz Əliyev onu həmişə dəstəkləməyə hazırıq. Bizdə qadın stendapçı olmadığından özümüz də həmişə Dialrə xanımı bu işə həvəsləndirmişik. Ssenari baxımından da əlimizdən gələn hər bir köməyi etməyə hazırıq. Əsas odur ki, stendap səviyyəli olsun. Gülmək xatirinə səhnəyə çıxıb ağla gələni danışmaq olmaz. Dilarə xanımın bu işin öhdəsindən gələcəyinə inanram.

news-inner-user

13238 məqalə

Paylaş

Oxşar xəbərlər

Xəbər lenti

“Bakı Foto” müsabiqəsinin qalibləri mükafatlandırılacaq
18:45 20 Noyabr 2019
Çarli Çaplinin yubileyi Azərbaycanda belə qeyd olunacaq
18:10 20 Noyabr 2019
Yazarlarımızın məşhur uşaqları - Fotolar
17:30 20 Noyabr 2019
Çərçivələr - Şeir
16:50 20 Noyabr 2019
Xalq yazıçısının kitabları təqdim olunacaq
16:10 20 Noyabr 2019
İncəsənət Bieannalesinin ekspozisiyaları açıldı - FOTOLAR
15:30 20 Noyabr 2019
Uşaqlarını həyat yoldaşından zorla alan aktyor - Maraqlı Faktlar
14:51 20 Noyabr 2019
Nəsiminin qəzəllər toplusu Ukraynada
14:10 20 Noyabr 2019
Pantomima teatrı dekabrda - Afişa
13:30 20 Noyabr 2019
Dostoyevskinin hekayəsi: Timsah – Dilimizdə ilk dəfə
12:25 20 Noyabr 2019
Rəsm əsərinin nüsxəsi 600 min dollara satıldı
12:07 20 Noyabr 2019
Rejissorumuz Moskvada “İlin adamı” seçildi
11:51 20 Noyabr 2019
Adam da bu qədər qız sevərmi? - Ayxan Ayvazın əsgər dostuna məktubu
11:20 20 Noyabr 2019
Gənc şair Aqşin Yeniseyə şeir yazdı
10:38 20 Noyabr 2019
Şəhriyardan Fərqanə Qasımova və Sevda Ələkbərzadəyə sərt sözlər: “Yazıqsınız”
09:56 20 Noyabr 2019
“YARAT”da 18+ tamaşa
09:36 20 Noyabr 2019
Mirzə Cəlilə heykəl yox, büt qoymaq istəyirlər - Yazıçılardan qalmaqallı açıqlama
09:00 20 Noyabr 2019
Bəlkə səndən əvvəl öldüm: Zərdüşt Şəfi ilə son görüş
21:01 19 Noyabr 2019
“Babəkin heykəli Qafqazda ən hündür heykəllərdən biri olacaq”
19:00 19 Noyabr 2019
Yağışda gələn qız – Rasim Qaracadan hekayə
17:43 19 Noyabr 2019