“Yaxın zamanlarda tanınmış meksikalı yazıçı David Toskananın Azərbaycana səfəri gözlənilir”.
Meksikanın Azərbaycandakı səfirliyindən APA-ya verilən məlumata görə, bunu oktyabrın 7-də Meksika səfiri Rodriqo Labardini Azərbaycan Yazıçılar Birliyinin sədri, Xalq yazıçısı Anar ilə görüşdə deyib.
Ədəbiyyat sahəsində əməkdaşlığın inkişafı perspektivlərini araşdırmaq məqsədilə baş tutan görüş zamanı hər iki xalqın qarşılıqlı tanıtımı və yaxınlaşmasına təkan vermək üçün Meksika səfirliyi tərəfindən həyata keçirilən mədəni tədbirlərdən söz açılıb.
R. Labardini bu tədbirlərin yalnız paytaxtda deyil, həmçinin ölkənin regionlarında qeyd olunmasının vacibliyini qeyd edib: “Səfirliyin açılmasından etibarən siyasi və iqtisadi kimi müxtəlif sahələrdə ikitərəfli münasibətlərin əhəmiyyətli inkişafı yer alıb. Eyni zamanda, mədəniyyət, incəsənət, ədəbiyyat, rəssamlıq, musiqi, teatr və digər sahələrdə də əlaqələr möhkəmlənib”.
Yazıçılar Birliyinin sədri isə təcrübə mübadiləsinə töhfə verəcək birgə tədbirlərin keçirilməsinin vacibliyini vurğulayıb.
Görüş zamanı tərəflər gələcək layihələr üzrə əməkdaşlıq perspektivlərini müzakirə ediblər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər