news-inner
clock13:58 calendar-gray 04 Sentyabr 2019 view-gray1287 dəfə oxunub
view-gray1287 dəfə oxunub

“Pis uşaq deyil, amma pis yerlərdədir!” – Gənc şairlər Müşfiqə sərt cavab verdilər

Yazar Müşfiq Şükürlünün gənc şairlərlə bağlı sərt tənqidi məqaləsi həmkarları arasında etiraza səbəb olub. Onun qeyd etdiyi fikirlərlə bağlı şairlərin münasibətini təqdim edirik.

Image result for əsəd qaraqaplan

Əsəd Qaraqaplan

- Sadəcə oxumaq lzımdır deyirəm, bir şeirlə filan olmur bu işlər və şeiri bilmək. İkinci də qərəzlə. Müşfiq bizlə oturanda başqa şey deyir, yazıda başqa…

Pis uşaq deyil, sadəcə pis yerlərdədir - yəni şeiri bilmək, ədəbiyyatı duymaq və ədəbi təfəkkür olaraq yanlış adamların yanında. Üstəlik, bir jurnalistin ədəbiyyat, xüsusən şeir haqqında danışması, nə bilim, çox vaxt mənə gülməli görünür.

Bir də insanları sevmək lazımdır, belə qaramatlıqla nəsə eləmək mümkün deyil.

Bir də müasir poeziya sovetin bərbəzəkli və yaltaq təfəkkürlü poeziyası deyil. Daha konkret, daha aydın və bər-bəzəksizdir. Ona görə bu uşaqlar öz ədəbi düşüncələrinə uyğun gələn o poeziyaya qapılıb qalıblar deyə müasir poeziyanı da belə görürlər. Bir də əbədi obraz olaraq onlar özləri də sovet ədəbiyyatı obrazlarındandır.

Image result for aqşin evrən

Aqşin Evrən

- Açığı, bu yazıya münasibət bildirməyəcəkdim, amma düşündüm ki, gənc dostumuzun yanlışlarını deyim, növbəti dəfə belə naşı yazıb özünü biabır eləməsin.

Əvvəla, Müşfiq Şükürlü məni kimləsə səhv salıb, ya içkili olub, ya yuxulu - bilmirəm. Mən özümü Ramiz Rövşənlə müqayisə etməmişəm, bunu yazıçı Ayxan Ayvaz edib. Mən demişəm ki, Ramiz Rövşən gözəl şairdir, amma mənim şairim deyil, mənim şairim Nazim Hikmətdir, Nerudadır. Yəni Müşfiq rəsmən mənə şər atıb (gülüş). Bu, Müşfiqin bir yanlışı.

İkincisi, Müşfiqin haqqında bəhs etdiyi şeirin adı "Unutmağın resepti" deyil. O, şeirləri qatıb-qatışdırıb. Bu da onun həmin yazını necə başdansovdu, qeyri-ciddi və hücum xatirinə, yazıb gündən yaratmaq arzusunda olduğunu göstərir.

Ümumiyyətlə, naşı bir gəncin poeziya ilə bağlı belə bir yazı yazıb əlinə-üzünə bulaşdırmasına arzu etməzdim. Bu, Müşfiqin ikinci yanlışı.

Digər tərəfdən, haqqında yazdığı şeirlərim 10 il əvvəlindir. Gözəl dostumuz bizi nə az-nə çox düz 10 il geridən təqib edir. Bu da üçüncü yanlışı.

Hər halda mən şeirlərimə vəkillik etməyəcəm. Son illərdə yazdığım şeirləri poeziyanı dərindən bilən adamlarla müzakirə edirəm, onların fikirləri doğru yolda olduğumu düşünməyə əsas verir. Müşfiqə də, digər dostlarımıza da uğurlar arzulayıram!

Ulucay Akif

- Müşfiq Şükürlünün mən və bəzi qələm yoldaşlarım haqqında yazdığı fikirləri oxudum. Tam qəzəblənəcəkdim ki, yazının müəllifinin Müşfiq Şükürlü olduğunu görüb uzun bir "əşşşşi" elədim. Müşfiq haqqında danışmayacam, çünki danışılası bir şeyi yoxdur. Amma madam ki, o, mənim haqqımda danışıb, dediyi fikirlərlə bağlı 1-2 cümlə də mən yazım.

Müşfiq və onun timsalında bir çox özünü ədəbiyyat bilicisi sayan adamlar indiki müəlliflərin yazılarını, şeirlərini kompleks şəkildə oxumayıb. Bunu elə Müşfiqin analiz etməyə çalışdığı "Uzaqlara məktub" şeirimdən anlamaq olur. O şeir ki, 5 yaşı var, 19 yaşım olanda yazılıb. Həmin şeir 2016-cı ildə dərc etdiyim ilk şeirlər kitabımda yer alıb. Bunu şeirin zəif olduğunu düşündüyüm üçün yazmıram. Qətiyyən! O şeir yetərincə gözəl bir ovqat şeiridir. Fikir verdim, Müşfiq dərinliyə enə bilmədiyi üçün elə ancaq ovqat şeirlərini analiz edərək, müəllifləri tənqid etməyə çalışıb.

Sonda isə demək istəyirəm ki, Müşfiqin ədəbi zövqünə bələdəm. Onun ağız dolusu danışdığı o boyda Marsel Prustda belə ən bəyəndiyi xüsusiyyət müəllifin homoseksuallığıdır. Yəni Müşfiq Marsel Prustdan danışanda belə əsərlərin mahiyyətindən və bədii yükündən yox, müəllifin homoseksuallığından danışır. Belə oxuculuq olmur, əzizim.

Bütün hallarda bizi tənqid etməyə çalışmağın belə gözəldir. Təşəkkür!

news-inner-user

17613 məqalə

Oxşar xəbərlər

Xəbər lenti

“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021