writer1

Ayxan Ayvaz

Məqalə sayı

488
clock12:10 calendar-gray 28 Avqust 2019 view-gray2702 dəfə oxunub
view-gray2702 dəfə oxunub

Atamı əsəbiləşdirən Əlibala Hacızadənin səhvi

Yadıma maraqlı bir xatirə düşdü. Təzə yazmağa başladığım günlərin birində mənə zəng gəldi ki, bəs gənc yazıçı (Allah saxlasın!) kimi sizi AzTv-yə dəvət edirik.

- Nə məsələdir?

Məlum oldu ki, radio verilişidir və mən telefonla proqrama qoşulmalıyam.

Onda Kiçikbəy imzasıyla yazırdım və açığı bu imzanı daşıdığıma görə bərk utanırdım. Elə bil bu imza məni qəfil tünlüyün qabağına çılpaq çıxarırdı. Təzə tanış olduğum yazara da eləcə özümü Ayxan kimi təqdim edirdim. Bu Kiçikbəy imzası başıma bəla olmuşdu. Yapışmışdı yaxamdan, heç cür qurtula bilmirdim ondan.

Hə, gələk radio verilişinə. Açığı, indi yadıma düşmür, bu proqramın adı nəydi, indi qalıbmı, hələ də davam edirmi. Səhv etmirəmsə, 2008-ci ildə olmuşdu. Qonaq qismində Əlibala Hacızadə dəvət olunmuşdu. Yaşlı yazıçı oydu, gənc yazıçı da mən.

Əlim telefonda gözləyirdim ki, zəng vuralar. Amma deyəsən, zəng vurmadılar. Bu məqamı unutmuşam.

Yadımda isə radio verilişində Əlibala Hacızadənin mənim haqqımda dedikləri qalıb. Tərifi çox sevirəm axı. Ölürdüm kimsə məni tərifləsin. Hələ bu "İtkin gəlin”in müəllifidirsə...

Radioda Eldost Bayramın ifasında mənim hekayəm (adı məndə qalsın) səsləndirildi.

Əlibala Hacızadə ağır, ləngərli səsi ilə nə desə yaxşıdır?

- Mən onun atasını tanıyıram.

Atam da diqqət kəsildi ki, görən "Təyyarə kölgəsi”ni yazan kişi onun haqqında nə deyəcək.

- Eyvaz Borçalını deyirəm. O, şeir yazır. Maraqlı şeirləri var...

Əlimi-əlimə vurub şaqqanaq çəkdim, atamsa mısmırığını salladı.

- Eyvaz Borçalı olmaq necə hisdir? – istədim bir az məzələnim onunla.

- Səsini kəs, "bezdarnı”. – atamın mənim yaradıcılığıma (yekə çıxmasın) verdiyi qiymət buydu. – Görək nə deyir.

Əlibala Hacızadə bu dəfə baltanı lap kökündən vurdu:

- Eyvazla münasibətimiz yaxşıdı, arada görüşürük. Mən sevinirəm ki, onun oğlu da ədəbiyyatla maraqlanır. Həm də atasından fərqli olaraq nəsr yazır.

Hekayəni oxuyan Eldost Bayramın səsi ilə atamı təzədən dolamaq eşqinə düşdüm:

- Sən bu evdə Eyvaz Əlləzoğlu ola bilərsən, amma ayağını qırağa qoyan kimi Eyvaz Borçalı olacaqsan.

Atam gülümsündü. Məni yola verdi də demək olar.

"Ayrılığın sonu yoxmuş”un müəllifi isə indi hekayəm haqqında danışırdı. Radionun səsini qaldırdım:

- Kiçikbəy – lənət olsun, Ayxan desəydi nə olardı. – hiss olunur ki, püxtələşib. Qələmi təzə olsa da, çox şeyə yiyələnib.

Bu yerdə atam sinəsinə döydü:

- Mənim tələbəmdi! – özü də elə dedi ki, elə bil radiodakıların bizi eşitmək ehtimalı böyükdür.

- Hekayəsindəki dil ləngərlidir, axar-baxarlıdır. Üzərində çalışsa...

Qalanını özünüz də bilirsiniz. Qoca nəsihəti. Amma bu sözlər o vaxt hələ bığ yeri təzəcə tərləmiş, ədəbiyyatın "ə”sinə çatmamış bir oğlan üçün ən böyük hədiyyəydi.

Müdrik görünüş alıb atama baxdım:

- Eyvaz Borçalı, necədir işlər?

Atam da geri verən deyil ha:

- Get o adının arxasındakı küçüyü yığışdır hələ.

Söz məni necə tutdusa, o imzadan imtina etdim.

Ayxan adı ilə yazmağa başladığım vaxtlar idi. Radio verilişinin üstündən bir il ötmüşdü. Xəbər tutduq ki, Əlibala Hacızadə rəhmətə gedib. "İtkin gəlin”in müəllifi öləndə bir anlıq ağlımdan keçirdim ki, heyf, o, atamı Eyvaz Borçalı olaraq bildi və dünyadan köçdü. Mənim imzamın dəyişməsindən də xəbəri olmadı. Bəlkə indi hər şeyi bilər. Bunun önəmi yoxdur. Əsas odur ki, Azərbaycanda ən çox tiraja sahib olan qocaman yazıçıyla bir xatirəm var.

Bu xatirənin hesabına bir xeyli yaşamaq olar.

REKLAM

Yazarın digər yazıları

Xəbər lenti

“Ulduz” jurnalının yeni nömrəsi işıq üzü görüb
19:20 26 Yanvar 2021
Nizami ilə bağlı müsabiqə elan olundu - Şərtlər
18:42 26 Yanvar 2021
Dəlisov yellərə məndən salam de - Natiq Əlisoyun şeirləri
17:29 26 Yanvar 2021
O, çayxana filosofudur - Nabokovdan Sartr haqqında sərt sözlər
16:44 26 Yanvar 2021
Harri Potter serial olur
16:08 26 Yanvar 2021
Miri Yusif "Yaşat" fondu üçün konsert verəcək
15:29 26 Yanvar 2021
Zeynəb Xanlarova ilə oxumaqdan imtina etdi, yoldaşı ilə 55 il nikahsız yaşadı, qızının dəfninə getmədi – Xalq artistindən maraqlı faktlar
14:50 26 Yanvar 2021
Fellininin prodüseri vəfat etdi
14:02 26 Yanvar 2021
Akif İslamzadənin albomu yeni onlayn platformada - Foto
13:20 26 Yanvar 2021
Nazirliyin yeni komandası film çəkilişlərinə qarışacaqmı? – Gənc rejissor yazır
12:40 26 Yanvar 2021
Müharibədə iştirak edən ilk qadın müğənni: O, ilk konsertindən cəmi bircə manat qazanmışdı – Aygün haqda bilmədiklərimiz
12:01 26 Yanvar 2021
İsa Hüseynovun hekayəsi "Dünya novellası antalogiyası"nda
11:35 26 Yanvar 2021
Rasim Balayev: “Çəkildiyim filmlərə baxanda pis oluram”
10:26 26 Yanvar 2021
Aygün 50 yaşını yeni kliplə qeyd etdi - Video
10:00 26 Yanvar 2021
İncəsənət Muzeyinin direktoru "Qızıl ulduz" medalı ilə təltif edildi
09:30 26 Yanvar 2021
Ölən uşaqlar Kürün quru yatağında ora-bura qaçırdılar – İlham Əzizdən yeni hekayə
09:00 26 Yanvar 2021
Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021