İctimai televiziyanın sifarişi ilə J&J şirkəti tərəfindən yeni “Kür nəğmə” çoxseriyalı bədii televiziya filminin çəkilişlərinə başlanılıb. Çəkilişlər Mingəçevir şəhərində və Kür ətrafı bölgələrində aparılır.
Çəkiliş heyətindən kulis.az-a verilən xəbərə görə, serialın quruluşçu rejissoru Cavid Təvəkkül, Ssenari müəllifi Reyhan İsayeva, görüntü rejissoru Şahmar Səfəroğlu, prodüseri Ceyhun Səbzəliyev, layihənin rəhbəri Yalçın Verdiyevdir.
Baş rollarda Əməkdar artistlər Elşən Rüstəmov, Akif Mirabov, aktyorlardan Əbülfət Salahov, Ziya Ağa, Vüsal Hacı Qədir, Səmimi Fərhad, Günay Əhməd, Təvəkkül Əhmədov çıxış edirlər. Serialın ana ideyası “yalnız sağlam keçmiş üzərində sağlam gələcək qurmaq olar, ədalət əvvəl axır öz yerini tutacaq” kimi fikirdən ibarətdir. Ailə-məişət mövzusunda dram janrında çəkilən film 15 seriya nəzərdə tutulub.
Serialda baş verən hadisələr Mingəçevir şəhərində cərəyan edir. Üç nəsil aktyorların iştirak etdiyi telefilmin ssenarisi həyatdan götürülmüş bənzər əhvalat əsasında yazılıb.Bədii televiziya filmi sentyabr ayında həftədə bir dəfə olmaqla ekrana çıxacaq.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər