news-inner
clock21:40 calendar-gray 05 İyul 2019 view-gray4606 dəfə oxunub
view-gray4606 dəfə oxunub

Musa Yaqub Kulisə danışdı: “Xalq şairi olan kimi işdən çıxarılan kürəkənimi yerinə qaytardılar”

Kulis.az Şərif Ağayarın Xalq şairi Musa Yaqubla söhbətini təqdim edir.

- Musa müəllim, necəsiniz?

- Arada yaxşı deyildim. Elə bildim, yol üstəyəm, gedirəm. Sonra Allah möhlət verdi mənə. Özümə gəldim. İndi şükür, yaxşıyam xeyli.

- Hamı sizinlə maraqlanır, sizə sevgi çox böyükdür.

- Hə, o günü saytların birində məni öldürmüşdülər də (gülür). Gördüm, qəfil dalbadal zənglər gəldi. Çoxu deyirdi danışan özünsənmi? Mən də bilmirəm nə cavab verim. Sən demə, belə bir xəbər yayılıbmış. Axırı Sabir Rüstəmxanlı məsələni açdı mənə dedi.

Image result for musa yaqub artkaspi

- Belə məqamlarda bir inanc yada düşür: ömrünüzü uzadıblar!

- Bu inancı mən də eşitmişəm. Amma nə qədər olmasa, bu cür xəbərin yayılması yaxşı hal deyil. İnanan olur, inanmayan olur. Nə bilim.

- O məşhur dağdağan ağacının yanına axırıncı dəfə nə vaxt getmişiniz?

- Səkkiz ay əvvəl.

- Körpünü keçmək çətindir sizə?

- Yox, körpünü keçirəm, pilləkənləri qalxa bilmirəm. Həm də... (duruxur) İstəmirəm dağdağan məni belə görsün. Bilirsiniz nə olub? Dağdağanın bütün yarpaqları deşik-deşik olub.

- Sizcə nəyə görə?

- Dünyada o qədər haqsızlıqlar olur ki! O ağac hiss edir hamısını. Canına çəkir. Pisliyi zərərsizləşdirəndə zəfər özünə dəyir.

Image result for musa yaqub artkaspi

- Bəlkə siz xəstələndiyiniz üçün elə olub?

- O da ola bilər.

- Xəstəliyinizin güc gələn vaxtı dağdağandan kömək istədiniz?

- Allahdan istədim.

- Sizcə, dağdağan da ona bağlıdır?

- Hər şey ona bağlıdır. Baxın, (əlindəki əsanı göstərir) ağaclara o qədər şeir yazdım, mənə qalan bu oldu. Dünyanın quruluşu belədir.

- Şeir yazırsınız?

- Sinəmə nələrsə gəlir, yazıram, amma əllərim əsdiyi üçün sonra xəttimi oxuya bilmirəm. Yaddaşımda da qalmır. Bəzən deyirəm, uşaqlar yazır. Unudanda dirəşirlər ki, nə oldu, de, de. Elə bilirlər demək asandır (gülür). Şeir yazmaq çox çətin işdir. Mən bundan həmişə qorxmuşam. Bir dəfə Cülyan kəndində ləzgilərin çayxanasına getmişdim. Çoxlu maşın vardı. Oğlum dedi, basırıqdır, getməyək. Dedim, yox, gedək görək bu camaat məni tanıyırmı. Bir ağsaqqala yaxınlaşdım. Məni tanıdı, stoluna dəvət edib bir şeirimi oxudu. Şeiri o qədər gözəl oxudu ki, qorxdum, məni ağlamaq tutdu.

- Niyə, Musa müəllim?

- Qorxdum ki, bir də elə şeir yaza bilməyim!

- Hansı şeir idi?

- ...Sən mənim qədrimi bilənə kimi... Bu şeir idi.

- Yazdınız axı. Bundan sonra “Taleyin qisməti”, “Bu dünyanın qara daşı göyərməz” kimi gözəl şeirlər yazıldı.

- Yazıldı. Mən sadəcə həmin andakı hissi deyirəm. Şeirin məsuliyyətini həmişə anlamışam. İndi deyirlər, Nizamidi, Xaqanidi böyük şairlərdir. Elə-belə söz deyil bu. Böyük şair olmaq asan deyil.

- Sizin haqqınızda da böyük şair ifadəsini işlədirlər.

- Mən özümü nəinki böyük şair, heç şair saymıram.

- Bəs kimsiz?

- Bir havadı, haldı düşürəm və nələrsə yazıram. Böyük iddialarım yoxdur.

- Məncə, ilk dəfə sizə Xalq şairi titulunu Cülyan kəndindəki o ağsaqqal verib.

- Şeirlərimi əzbər bilənlər çoxdur.

- Amma sizi o cür təsirləndirən o olub.

- Hə, orası düzdür.

На данном изображении может находиться: 3 человека, в том числе Qılman İman и Sherif AG, люди сидят, дерево, на улице и природа

- Xalq şairi olmaq necə hissdir? Nə dəyişdi həyatınızda?

- Ən yaddaqalan dəyişiklik ondan ibarət oldu ki, işdən çıxarılan kürəkənimi işə qaytardılar (gülür). Həm də, etiraf edim, mənə, müalicəmə diqqət daha da artdı.

- Demək, lazım imiş.

- Demək.

- Musa müəllim, sizi çox yormaq istəmirəm. Son olaraq bir sual da verim: sizi niyə bu qədər çox istəyirlər?

- Bilmirəm. Amma bu sevgini hamıdan hiss edirəm. Oxucularımdan da, dostlarımdan da. Etiraf edim, yanıma adam gəlməyəndə darıxaram. Ən çox da gənc qələm adamları gələndə sevinirəm.

- Sizcə, yaxşı adam olmaq çətindir, yaxşı şair?

- Yaxşı adam.

- Yaxşı adam olmadan yaxşı şeir yazmaq necə, mümkündürmü?

- Mümkün deyil.

- Müsahibə üçün çox sağ olun. Allah sizə can sağlığı versin...

- Siz də sağ olun.

Oxşar xəbərlər

Xəbər lenti

Filarmoniyada 20 Yanvar faciəsi qurbanlarının xatirəsi yad olunub
17:10 20 Yanvar 2021
Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021
Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
14:00 20 Yanvar 2021
“Harri Potter” filminin ulduzu kinodan getdi
12:45 20 Yanvar 2021
Tanıdığım ilk şəhid
11:30 20 Yanvar 2021
Məşhur serialın aktyoru vəfat etdi
10:20 20 Yanvar 2021
Müstəqillik tarixinin ən möhtəşəm 20 Yanvarı - Şərif Ağayar yazır...
09:01 20 Yanvar 2021
"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021