news-inner
clock13:20 calendar-gray 04 İyul 2019 view-gray1486 dəfə oxunub
view-gray1486 dəfə oxunub

Yatağım üç min ildir yığılmır – Qaraqaplandan Yeni Şeirlər

Kulis.az Əsəd Qaraqaplanın yeni şeirlərini təqdim edir.



Getmək haqqında gəmi şeiri

Bir gün dənizin üstündə bir gəmi görsəniz əgər
Bilin ki, gedənlər dönüb
Ama kimlərə dönüblər bilin ki, bilinmir hələ...

Uçaqlar da yerə ensə, bilin ki, kimlərsə dönüb
Elə qatarlar da elə
Elə avtobuslar da...

Adamların getməsinə üzülməklə olmur bu iş
Adamların dönməməsiylə də olmur
Nə qədər eləsən belə gedənlərin geri dönməməsinə
Səbəb elə gəmilərin olduğunu düşünürsən
Elə uçaq, elə qatar, elə avtobusların da...

Yollar bəzən onu getmək üçündür
Geri dönmək üçün deyil
Gəmilər də o yollarda üzmək üçün
Uçaqlar da süzmək üçün...

Getmək üçün nə qədər yol varsa gedər adamlar

Bir gün dənizin üstündə bir gəmi görsəniz əgər
Bilin ki, gedənlər dönüb
Ama bütün gedənlər yox
Bəlkə də heç getməyənlər
Gedə bilməyənlər dönüb...

Yenə dim-dik ayaqdayam

Yatağım elə dağınıq
Üç min ildir yığılmır
Bu boyda tənhalıqda
Dünya niyə dağılmır?!

Bilirəm ki, gələn gedir
Gedən də gəlmir, nə edim..
Məni bu gözəl dünyadan
Edən də gəlmir, nə edim...

Biraz şeirə bağlıyam
Biraz da səndən asılı
Köynəyim də ipdə qalıb
Sərdiyin gündən – asılı

Soyunub girmişəm evə
İçimi çölə atmışam
Mən yuduğun köynəyimi
Geyinib gölə atmışam

Biraz sudan çıxıb gəldim
Biraz da tənhalıqlardan
Mən guya bir köynək uzaq
Bir köynək yaxınındaykən
Uzaqdım ayrılıqlardan...

Son məktubum da islanıb
Köynəyimin sol cibində.
Yenə dim-dik ayaqdayam
Boğulub suyun dibində...

İnsanlar gedəcəklər

insanlar gedəcəklər həmişə
biz də oturub içəcəyik

bir tanış, bir yad adamın
kafasını yarmasıyla oyalanıb
həyata ən saf yerindən tutunacaq
içimizdə təmizlənə bilməyin acısıyla
yürüyəcəyik səs-küylü küçələrdə

həmin günü bir yad qadın da gələcək
xeyli yaxın bildiyimiz
və o da hər kəs kimi
heç nə olmayıbmış kimi gedəcəkdir...

insanlar gedəcəklər həmişə
və o günün axşamçağı
yəni sən sərxoş olarkən
o qadın çıxıb gələcək
həmişə qələn qadın

hamının həyatından
necə çıxıb getdiyinə şahid olan

gəlib öpəcək səni...

insanlar gedəcəklər həmişə
görəcəksən gedənlərin səbəbləri
dünyadakı ən kiçik şeydən də kiçik

görəcəksən o, sənə bir söz deyəcək:
- nədən sənin kimi bir insan yoxdur ki...

görəcəksən...

bəlkə heç görməyəcəksən:
insanlar gedəcəklər həmişə...

Yoxluğun Unutmaq Halı

dolandı yolculuğum günəşin ətrafında
bir neçə ay da keçdi
bir neçə içkili gecə
doğulanlar ölənlər öldürülənlər çoxaldı
çoxaldı rəsmlərin
sən çoxaldın

qarşıma çıxanları çoxaltdı ayrılıqlar
bir gün içim boşaldı - bir şeir yazdığımda
alışdım yaşamağın gerçək tərəflərinə
alışdım rəsmlərinə
sənə alışdım

gecələrin içkili halından sən yaratdım
qoxladım saçlarını limon qabığı kimi
öpdüm dodaqlarından yağışlar yağdığında
dağıldı sulu günlər quru gecələrimə
rəsmlərini yaratdım
səni yaratdım

gecələr yuxularım sən qoxmağa başladı
başladı yuxulardan hövlank oyanmaqlarım
başladı qəzəb məni sən olmağa qoymağa
durub biraz da içdim dan yeri söküləndə

rəsmləri unutdum
səni unutdum
unutduğum hər şeyi bir kəz daha unutdum...

Oxşar xəbərlər

Xəbər lenti

Fikircil – Rafiq Tağıdan hekayə
21:00 23 Noyabr 2020
Üzeyir bəyin, Səməd Vurğunun, Əliağa Vahidin sevdiyi qadın – Leyla Bədirbəyli haqqında maraqlı faktlar
20:00 23 Noyabr 2020
Koronavirusla mübarizəyə həsr olunmuş beynəlxalq fotomüsabiqə elan olunub
18:49 23 Noyabr 2020
V Buktreyler Festivalının qalibləri mükafatlandırıldı
18:12 23 Noyabr 2020
Cümhuriyyət qadınları haqqında kitab çap olundu
18:00 23 Noyabr 2020
Aqil Abbas: "Oğlum dedi, ata, səni heç vaxt xoşbəxt görmədim"
17:20 23 Noyabr 2020
Berlin Film Festivalından 2021- ci il qərarı
16:45 23 Noyabr 2020
Xalq şairi: “Ad günümü unutmuşdum, uşaqlarım yadıma saldı” – Müsahibə
16:02 23 Noyabr 2020
Bob Dilan yəhudi olduğunu niyə gizləyirdi? – Yeni sənədlər
15:21 23 Noyabr 2020
Polad Həşimova həsr olunan kitab anasına təqdim olundu - Fotolar
14:41 23 Noyabr 2020
Qatillərinə baş daşından gülən adam
14:00 23 Noyabr 2020
Azərbaycanlı feministlərin sülh anlayışı - Güneydən yazrılar...
13:32 23 Noyabr 2020
Yavaş-yavaş ötür yaşım - Salamdan yeni şeir
12:52 23 Noyabr 2020
Rejissor Şuşadan film çəkmək üçün müraciət etdi
12:20 23 Noyabr 2020
Teatrdan qovuldu, heç vaxt evlənmədi, ruhi dispanserdə yatdı: Səməndər Rzayevin üç gün öncə intihar edən aktyor oğlu
12:10 23 Noyabr 2020
Məşhur serialların ulduzu vəfat etdi
11:35 23 Noyabr 2020
Maşınla qovaladğımız erməni qız
11:03 23 Noyabr 2020
Hazır ol qayıdışa - Şəhriyar Şuşaya şeir həsr etdi
10:30 23 Noyabr 2020
Qazax şairin bütün poetik yaradıcılığı Azərbaycan dilində
09:51 23 Noyabr 2020
Natəvanın kötücəsi: “Qohumları var-dövlət üstündə onu çox incidirdilər” – Müsahibə
09:00 23 Noyabr 2020