Sumqayıt Dövlət Dram Teatrı istedadlı gənclərə dəstək olmaq məqsədilə Azərbaycan Dövlət Mədəniyyət və İncəsənət Universitetinin diplomantı, Əməkdar incəsənət xadimi, tanınmış rejissor Mehriban Ələkbərzadənin tələbəsi Ümid Abbas dünya ədəbiyyatının nəhənglərindən olan Sartra müraciət edərək teatrın əməkdaşlarının köməkliyi ilə "Dəfn edilməmiş ölülər" psixoloji dramını hazırlayıb.

Dram teatrının səhnəsində nümayiş olunan tamaşada rolları Əməkdar artist Cəlal Məmmədov, aktyorlar İlahə Səfərova, Şəmistan Süleymanlı, Kamran Muradlı və Aynur Hümmətova canlandırır. Gənc rejissor dünyanın əzəli və əbədi mövzusu olan ölüm və olum fəlsəfəsini, müharibələrin daim faciə, səfalət və insanlara bəlalar gətirməsi ilə sona yetməsini öz dəsti-xətti ilə həll edir.

Xalq artisti Cənnət Səlimova, Azərbaycan Dövlət Mədəniyyət və İncəsənət Universitetinin rektoru, professor Ceyran Mahmudova, Azərbaycan Dövlət Mədəniyyət və İncəsənət Universitetinin professoru Fikrət Sultanov, Rusiya Dövlət Teatr və İncəsənət İnstitutunun professoru, Dövlət İmtahan Komissiyasının sədri Aleksandr Barmak, Sumqayıt Dövlət Dram Teatrının direktoru, Dövlət İmtahan Komissiyasının üzvü, Əməkdar artist Mübariz Həmidov, Mədəniyyət və İncəsənət Universitetinin baş müəllimi Sahib Novruzov, gənc rejissorun sənət müəllimi, əməkdar incəsənət xadimi Mehriban Ələkbərzadə və digər komissiya üzvləri çıxışlar edərək tamaşa ilə bağlı öz fikir və tövsiyələrini bildirmiş, uğurlu tamaşa ilə əlaqədar quruluşçu rejissoru və Sumqayıt Dövlət Dram Teatrının aktyorlarını təbrik etdilər.

• “Cənnətin iqamətgahı” filminin treyleri hazırdır
• İndi onu səngərdə bəs üşütmürmü qar, külək? - Əhməd Cəmil
• Azərbaycanı SSRİ-dən ayırmaq istəyən yazıçının dəhşətli taleyi - O, Səməd Vurğuna gizli məktubunda nə yazmışdı?