news-inner
clock17:42 calendar-gray 17 May 2019 view-gray2697 dəfə oxunub
view-gray2697 dəfə oxunub

Rayonumuz işğal olunanda sevindim, amma... - Samirə Əşrəf yazır...

Kulis.az Samirə Əşrəfin “Kadrlar...” yazısını təqdim edir.

Yadıma gəlir, qocalar demişkən, dünyanın düz vaxtı, yəni təxminən iyirmi altı il əvvəl rayondakı evimiz iyun ayından sentyabrın axırına kimi Bakıdan gələn qohumlarımızın ixtiyarında olurdu. Gələn şəhərli qonaqlarımız mer-meyvədən, toyuq-cücədən yeyib sonra da yıxılıb yatırdılar ağacların kölgəsində.

O vaxtlar uşaq idim, ağlım kəsmirdi. Öz-özümə fikirləşirdim ki, şəhərli adamlar rayonda, kənd yerində nə görüblər? Niyə gedib öz dənizlərinin suyunda çimib sərinləmirlər? Öz şəhərli həyatlarını yaşamırlar.

Lap dərinə getsək, rayon işğal olunanda, nəsə gəribə, gizli bir sevinc də yaşamışdım. Fikirləşirdim ki, daha rayonlu olmaqdan çıxıb şəhərli olacağıq. Təbii ki, bu aldadıcı uşaq sevincinin ömrü o qədər də uzun olmadı. Avqustda rayon işğal olundu, ilk peşmançılığım isə oktyabr ayında özünü büruzə verdi. Bu kiçik zaman kəsiyində artıq beş-altı yaşayış ünvanı dəyişmişdik. Məktəbə gedə bilməmək, küləkli-yağışlı havaların başlanğıcındakı evsizlik dərdi, valideynlərimizin bizi dolandıra bilmək üçün qatlaşdıqları olmazın əziyyətlər və ən əsası torpağı işğal olunmayan insanların biz qaçqınlara qarşı olan soyuq, sərt münasibəti gələcəklə bağlı ümidlərimizi heçə döndərmişdi.

Məişət qayğıları çox erkən yaşda çiyinlərimə düşdü. Amma təkcə çiyinlərimə düşsəydi nə vardı ki... Həmin qayğıların gözlə görünməz ağırlığı həm də ürəyimdə özünə yer etdi.

Hərdən yaxın adamlarla söhbət edəndə məni əlli, altmış yaşlı insan kimi düşünməkdə ittiham etdilər. Yaşımdan əvvəl düşünməyi, danışmağı öyrətmişdi mənə zaman.

Yaddaşımda o illərdən elə kadrlar, xatirələr ilişib qaldı ki, sonralar nə olur-olsun, nə baş verir-versin onlardan yaxa qurtarmaq, xilas olmaq mümkün olmadı.

Saatlının hansısa kəndində rəhmətlik atama verilən dərs saatlarının ondan alınıb başqa müəllimlərə verilməsi, onun kənarlaşdırılması, məktəbdən uzaqlaşdırılması, Bakıya gəldikdən sonra da uzun müddət işsiz-gücsüz qalması, bizim üzümüzə baxa bilməməsi də bu kadrların tərkib hissəsi oldu.

O vaxtlar mən bu kimi əhvalatların həm iştirakçısı, həm də müşahidəçisi idim. Baş verən hər şeyi çinədanıma yığırdım. Fikirləşirdim ki, vaxt gələr mən də insanlardan öz “intiqam”ımızı alaram.

Ancaq ömrümə gələn “sonra”lar mənə başqa şeylər öyrətdi. İnsanları tanımağı, onların ürəyindən keçənləri, yaşadıqları çətinlikləri, çəkdikləri əzabları anlamağı öyrəndim. Öyrənə-öyrənə rentgen cihazına döndüm.

Bəzən rastlaşdığım insanların yanından yox, içindən keçib getdim. Ədəbiyyat, kitablar, orda yazılanlar mənə başqa həqiqətləri təlqin etdi. Və mən pis insan olmadım. Bacarmadım. Gördüyüm, yaşadığım naqisliklərə baxmayaraq pis olmadım.

Yaxşılıq edə bilmək üçün qarşıma çıxan ən xırda imkanı belə qiymətləndirdim. Həmin imkandan bərk-bərk yapışdım. Fədakarlığa o qədər aludə oldum ki, bir də baxdım hədsiz fədakarlıq bir gün insanın özünə də təlafisi olmayan zərbələr vurur. Yaxşı adam olmaq üçün həddindən artıq didinməmək, dəridən-qabıqdan çıxmamaq üçün dəfələrlə özümə söz verdim, hətta and da içdim. Amma olmadı. Hər dəfə daha böyük “tələ”lərə düşdüm. Həqiqət isə tamam başqaydı...

Həqiqət ondan ibarət idi ki, yaxşılar heç vaxt çevrilib pis ola bilmirlər. Pislər isə yaxşı.

Oxşar xəbərlər

Xəbər lenti

İşini, gücünü atıb kimsə sevməlidir məni - Cəlil Cavanşirin şeirləri
17:00 08 Avqust 2020
Əliağa Vahidin 125 illiyi münasibətilə poçt markası buraxılıb
16:05 08 Avqust 2020
Biz iki nəfər öldük
15:00 08 Avqust 2020
Səngərdə Vaqifin şeirlərini oxudu, məşhur filmə onun əvəzinə erməni aktyoru çəkdilər - Kinomuzun Cahandar ağası haqda maraqlı faktlar
14:00 08 Avqust 2020
Səkkizinci ayın səkkizi - Mahir N. Qarayev yazır
12:31 08 Avqust 2020
Məşhur aktrisa kinodan getmə səbəbini açıqladı
11:20 08 Avqust 2020
“Eurovision” mahnı müsabiqəsinin Amerika versiyası yaradılacaq
10:13 08 Avqust 2020
Rüstəmbəyovun alınmayan filmi – Sevda Sultanova “Dağlarda döyüş”ü tənqid edir.
09:00 08 Avqust 2020
Azərbaycanın məşhur folklor qrupu beynəlxalq festivalda iştirak edəcək
18:50 07 Avqust 2020
Çingiz Aytmatov fenomeni və Azərbaycan" monoqrafiyası çap olundu
18:04 07 Avqust 2020
Azərbaycanlı yazardan yeni kitab
17:36 07 Avqust 2020
Polad Həşimovun üzünə necə baxacağıq?
17:06 07 Avqust 2020
Məşhur müğənni uyğur türklərinə görə Çinə belə etiraz etdi
16:05 07 Avqust 2020
Kölgəmi ayrı basdırın, sevəcəyim qız çiynində... - Tural Turanın şeirləri
15:02 07 Avqust 2020
Məşhur müğənni vəfat etdi
14:11 07 Avqust 2020
Hər konsert ərəfəsində əri tərəfindən döyülən, 17 yaşlı oğlunu itirən əməkdar artist – Bağırov ona bayquş demişdi
13:09 07 Avqust 2020
Süleyman Qanuni, Hürrəm Sultan, Mona Liza, Sezar indi yaşasaydılar, belə olardılar - Maraqlı layihə
12:23 07 Avqust 2020
Toyu karantinə düşənlər üçün fürsət
11:32 07 Avqust 2020
"Kapitan Marvel 2"nin rejissoru bəlli oldu
10:43 07 Avqust 2020
Azərbaycanda tarixi abidəyə müdaxilə edən şəxslər saxlanıldı
10:10 07 Avqust 2020