news-inner
clock12:32 calendar-gray 02 May 2019 view-gray775 dəfə oxunub
view-gray775 dəfə oxunub

İllər sonra bir qadında itdim – Malik Atilaydan Yeni Şeirlər

Kulis.az gənc şair Malik Atilayın yeni şeirlərini təqdim edir.

Qorxu

Nədən qorxsan başına gələr deyirlər

Uşaq olanda itməkdən qorxurdum

İllər sonra bir qadında itdim

Çox-çox sonra sənin ürəyində tapdım özümü

Qorxduqlarım başıma gəldi

Səndən qorxsam gələrsənmi

Sındır güzgüləri...

Yeniyetmələrin xəlvətə çəkilib

Çəkdiyi siqaretlərtək

Utanılası bir şey bilirsənsə içində gəzdirdiyin sevgini

Deməli

Ürəyini yerindən oynadan hər nədirsə sevgi deyil, Əli...

Dünənlərinin aynasından acıqla gülməsin deyə xatirələr

Sındır bütün güzgüləri...

Uçurt özülünü sabahların

Pərən-pərən elə həyatının sütunlarını

Çıx öz içindən, qaç

Qaçanda yaddan çıxarma

Sevinclərinin altını söndür,

Xəyallarını ümidlərdən ayır, Əli...

Sevgini və ümidlərini

Daşıyacaq sabahın,

Böləcək kimsən qalmayıb

Sonuncu pulunla aldığın kökənin

Yarısını quşlara atırsan

Pişiklərə verirsən yarısını, Əli...

Dərdlər su atar üstümə

Mən hər kəsin heç kimiyəm

Baxma belə, əlim, üzüm, gözüm var

Yaxınlaşsan

Görərsən ki, heç kimiyəm

Buludun son yağmuruyam

Günəşin sönük işığı

Dərdlər su atar üstümə

Görərsən ancaq yenə

Ağlamağı yadırğamış gözlər kimi quruyam

Günəş zərxara ətəklərini yığışdırıb

İtər göylərin sinəsində

Və bu gecə də zülmətə tapşırar məni.

İçəri keç...

Əşi, bu zibil çaxırı da tək içmək olmur heç...

Keç, keç, içəri keç

Hardasa ürəyim olan yerə

Nə deyim axı sənə?

Bilirsən yerini

Ən gözəl yerdi səninki

Pəncərənin yanında

Görünür buludlar,

Görünür səki,

Birdəki

Sevdiyin gülləri gətirib düzmüşəm pəncərə qarşısına...

Getmə

Özümçün demirəm inan

Sadəcə

Çaxırı tək içmək olmur heç...

news-inner-user

18042 məqalə

Oxşar xəbərlər

Xəbər lenti

Çağırdım bir qadını qızlıq familyasıyla - Akif Əhmədgildən şeirlər
21:00 26 Fevral 2021
Rübabə Muradovanın qızı vəfat etdi
18:12 26 Fevral 2021
Rəmişdən xəbər var
18:07 26 Fevral 2021
Xocalı soyqırımına həsr olunmuş sərgi keçirildi
17:46 26 Fevral 2021
Bu filmlərə ağlamadan baxmaq olmur - Siyahı
17:01 26 Fevral 2021
58 illik türmə muzeyə çevrildi - Foto
16:21 26 Fevral 2021
Qadın obrazı olmayan əsər
15:40 26 Fevral 2021
Sevgilisi damarlarını doğradı, xanımı ona görə intihar etdi – Azərbaycanlı yazıçının film kimi həyatı
15:00 26 Fevral 2021
Xocalıdan olan yazıçının faciə ilə bağlı hekayəsi - Mətn
14:10 26 Fevral 2021
Okan Bayülgen həbs olunur
13:25 26 Fevral 2021
"Xocalı fəryadı" kompozisiyası təqdim olunacaq
12:37 26 Fevral 2021
Baş qərargah rəisi Xocalıdan yazan jurnalisti niyə güllələmək istədi? – Faciənin gizlinləri
12:10 26 Fevral 2021
Məşhur rus filminin qəhrəmanı vəfat etdi
11:35 26 Fevral 2021
Seymur Baycandan Ağalar Quta cavab: “Onunku tərtəmiz riyakarlıqdır”
11:10 26 Fevral 2021
"Vinni-Pux"un yaradıcısı öldü
10:28 26 Fevral 2021
Bir oba – bir məzarlıq – Günün şeiri
10:01 26 Fevral 2021
Cibinə saxta pul atılaraq şərlənən, başına 1 milyon dollar qoyulan, meyiti 5 gün böyürtkən kolluğunda qalan Milli Qəhrəman
09:01 26 Fevral 2021
Tanınmış müğənni Qarabağ şəhidlərinə klip həsr etdi - Video
18:50 25 Fevral 2021
Devid Finçerdən yeni film
18:06 25 Fevral 2021
Üç oğlu müharibədən qayıtmayan kişi - Ramiz Rövşənin hekayəsi
17:19 25 Fevral 2021