writer1

Səhər Əhməd

Məqalə sayı

197
clock11:30 calendar-gray 14 Mart 2019 view-gray1665 dəfə oxunub
view-gray1665 dəfə oxunub

Mehin kişi çıxdı

Səhər Əhməd

Gündəm gündəmə bənzəməz, atam balası, bir günüyü var, beş günlüyü var

Son günlərin artıq geridə qalmış bir gündəminin havası hələ də məni tərk etmir. Dəhşətli cümlə idi: “Mehin kişi çıxdı!” Yəqin çoxlarını bu cümlənin xəbəri şoka salmışdı, məni isə mübtəda düşündürürdü: Kimdi Mehin? Marağın təbii axarıyla bu sualı verdiklərim mənə təxminən “aaa, Mehini tanımırsan?” baxışıyla baxanda lap pisikdim. Elə bildim, zəmanəmizin hansısa ictimai-siyasi xadimini, milli qəhrəmanını, ədəbi hadisə sayılan hansısa qələm adamını tanımamışam. Nəticədə məlum oldu ki, Mehin xanım, ya da bəy, hər nəysə, instaqram fəalıymış və camaat onu hansısa ictimai fəaldan daha yaxşı tanıyırmış.

Xub, keçək cümlənin xəbərinin xəbər olmaq məsələsinə, yəni gündəmin dəhşətinə. Bəli, biz artıq cinsi mənsubiyyətini dəyişmiş adamları qəbul etmiş bir toplumuq, onların legitimliyini az qala “üçüncü cins” kateqoriyasıyla tanıyırıq.

Burda kütlənin qəzəbi başqa yöndəndi və bir az da başadüşüləndi. İndiyə qədər qadın hesab etdiyi birinin qəfildən kişi çıxması həmin adamın ətrafındakıları bədii dildə desək xəyal qırıqlığına uğratmaq, publisistik ifadəylə desək, ictimaiyyəti çaşdırmaqdı. Burda İmam üçün ağlamaqdan azca fasilə verib, bir az da anası ölmüş Yezid üçün ağlayaq. Yəni, cinsini dəyişmiş tifillərin qəbul olunmaq hüququ varsa, cinsini dəyişməmiş biçarələrin, yəni bizim də aldanmamaq hüququmuz vardır. Odur ki, bu məsələdə kütlənin qəzəbinin tərcüməsi təxminən belə idi: “Adam, bizə yalan borcunmu var idi?!”

Bu məsələnin ikinci dəhşətli tərəfi indiki tibbin, gözəllik salonlarının nəyə qadir olmasını dərk edəndə başlayır. Koroğlu odlu silahın kəşfindən sonra igidliyin öldüyünü zənn etdiyi kimi, gəlin bizdə artıq təbii gözəlliyin müasir kosmetika vasitələrinə tamamilə uduzduğunu boynumuza alaq. Dövrümüzdə kim nə qədər varlıdırsa, bir o qədər “gözəl”dir və bu kasıbların allahın onlara çox hallarda bəxş etdiyi yeganə üstünlüyünü də əlindən alır. Bu, kütləni haqlı şəkildə qıcıqlandıran ikinci səbəbidir.

Azərbaycanda tibbi müdaxilə yolu ilə qadına çevrilmiş kişilərin sayı barədə statistika dəqiq heç nə demir. Şəhərimizin küçələrində qadın cildində nə qədər kişi gəzdiyini heç kim təxmin edə bilməz. Amma zamanla Mehinə çevrilmiş Turallar, Cəmiləyə çevrilmiş Cəmillər üzə çıxmaqdadır. Təbiidir ki, bu, şeytanların mələk cildinə girməsi qədər qorxulu deyil, amma hər halda hələ ki gündəm olacaq məsələdir. Bəlkə, zaman gələcək, bu da adiləşəcək, hər uzunsaçlının, kaman qaşlının, ox kirpiklinin qadın olması şərt olmayacaq.

Bu yerdə sizə düşünmək üçün bir abzas yer saxlayıb, keçirəm başqa söhbətə.

Bu yaxınlarda kəndlərimizin birində yeddinci sinifdə oxuyan nişanlı qızın anası qonşularına fəxrlə belə deyirmiş: “Nişanlısı qızıma məktəb çantası hədiyyə edib”.

...Sizi deyə bilmərəm, mən neçə gündür, Mehinin kişi çıxmaqlığı ilə məktəb çantasını nişanlısı almış yeddinci sinif şagirdinin əhvalatı arasında qalmışam. Və bu, Avropa ilə Asiyanın arasında yaşamaq kimi sıxıcıdır...

REKLAM

Yazarın digər yazıları

Xəbər lenti

Düzgün yaşamaq riyakarlıq, düzgün düşünmək axmaqlıqdır – Dahi yazıçıdan aforizmlər
21:00 21 Aprel 2021
Bakı Dövlət Sirki yenidən təşkil olunur
19:00 21 Aprel 2021
Kamal Sunal adına muzey açılacaq
18:38 21 Aprel 2021
Fuentesin kitabı onlayn təqdim olunacaq
18:18 21 Aprel 2021
“Can Azərbaycan” müsabiqəsinin virtual sərgisi açılıb
17:42 21 Aprel 2021
Mənim qadınım, sən varsan deyə... - Çağdaş ərəb şeiri
17:01 21 Aprel 2021
Azərbaycanlı aktyor vəfat etdi
16:13 21 Aprel 2021
Kann film festivalının açılışında bu film nümayiş olunacaq
15:32 21 Aprel 2021
Nazir Anar Kərimov koronavirusa yoluxub
14:42 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021
Azərbaycanlı filosof qız-oğlan münasibətlərindən roman yazdı
12:30 21 Aprel 2021
Gənclərin qarşısını kəsən Rəşad Dağlı: O, niyə ustad ola bilmir?
11:55 21 Aprel 2021
Seymur Baycan nədən narahatdır?
11:02 21 Aprel 2021
Özünü ingilis kimi göstərən gəncəli
10:26 21 Aprel 2021
Tanınmış bəstəkar vəfat etdi
09:36 21 Aprel 2021
Çar arvadının göndərdiyi fotoqraf Aşıq Ələsgərin şəklini necə çəkdi? – Bilmədiyimiz faktlarMüsahibə
09:01 21 Aprel 2021
Milli Kitabxananın direktoru beynəlxalq konfransda iştirak edib
19:00 20 Aprel 2021
Nizami haqda məqalə Malayziya mətbuatında dərc olunub - Foto
18:29 20 Aprel 2021
Bir də yarpaq salma külək poçtuna – Qulu Ağsəsdən şeirlər
17:44 20 Aprel 2021