news-inner
clock16:08 calendar-gray 23 İyul 2018 view-gray808 dəfə oxunub
view-gray808 dəfə oxunub

"Çox təəssüflənirəm..." – Musa Yaqubun evindən REPORTAJ

Eminquey

Açığı bu mənim həm Buynuz kəndinə, həm də Musa Yaqubun evinə ilk səfərim idi. "Ədalət”çilər olaraq şairin ziyarətinə gəldik. Buynuza daxil olduq. Sağı-solu meşəlik olan yolla Musa Yaqubun evinin qarşısına çatdıq.

Avtobusdan düşəndə içimdə qəribə bir həyəcan var idi. Düzdür, şairlə Bakıda bir dəfə görüşmüşdüm. Amma onun evində olmamışam axı. Mənim üçün bu dahi şairin ayaq basdığı, yaşadığı, yazıb-yaratdığı evə gəlmək xoşbəxtlik idi.

Qapısı açıq idi evin. Deyəsən, şairin qapısı gəlimli-gedimlidir deyə açıq qalıb. Bəlkə də şeirlərindən də əlavə elə bu qapının açıqlığı şairi hamımıza sevdirə bilib. Bir-bir içəri daxil oluruq. Həyətdə bizi şairin oğlu Şəhriyar qarşılayır.

Həyət də, ev də şair üçün əsl şeir mənbəyidir. Elə bəlkə də şairin şeirlərindəki təbiət və insan əlaqəsi də məhz bu evdən, həyətdən doğulub.

Şəhriyar bəy bizi evə dəvət edir. Aqil Abbas başda olmaqla hamımız arxasınca evə daxil oluruq. Şair bizi görcək yerindən qalxır. Hiss elədim ki, onu yatan halda görməyimizi istəmir. Aqil müəllim şairi salamlayır, üzündən, əlindən öpür.

- Hər həftə şeirlərinizi "Ədalət” qəzetində çap edirik.

Musa Yaqub zəif bir səslə "Sənə zəng vurmuşdum, açmadın” deyir.

- Şair, vallah, zəngin mənə gəlib çatmayıb. Bizim evdə bir az şəbəkə zəifdir. Zakir mənə zəng elədi, dedi ki, Musa Yaqub sənə zəng vurub. Sonra mən də sənə nə qədər zəng elədim, açmadın. Bax, indi durub ziyarətinə gəlmişik. Bu gördüyün adamlar hamısı "Ədalət”çilərdir.

Şair qırıq səslə "Sənin gəlişini elə gözləyirdim ki, Aqil...” deyir və bir neçə dəfə təkrarlayır.

Aqil müəllimlə şairin söhbəti yadıma bir şeyi salır. Məmməd Araz ömrünün sonlarında verdiyi telemüsahibələrin birində Musa Yaqubu ən yaxşı şairlərdən biri kimi təqdim edir və onu qorumağı, qədrini bilməyi tövsiyə edir. İçimdə əmin oldum ki, Məmməd Arazın ruhu şad oldu.

Sonra Aqil müəllim bizim qızları, Tahirəni, Tünzaləni göstərib deyir:

- Bax, yanına qəşəng qızlar da gətirmişəm. Hamısı sənin qulluğundadı.

Hamımız gülüşürük, şair bir az həyəcanlanır, qımışır...pörtür. 80 yaşı haqlayan bir uşaq kimi.

Şairi görmək o qədər böyük sevinc idi ki, bu görüşü hamı əbədiləşdirmək istəyirdi. Hamı Musa Yaqubla şəkil çəkdirməyə can atırdı. Sözlə təbiətin şəklini çəkən şairlə şəkil çəkdirmək, elə təbiətin özü ilə şəkil çəkdirmək kimidi.

Şairin otağında sevinclə kədər bir-birilə qaçdı-tutdu oynayır. Bu qaçdı-tutduda dünyasını dəyişmiş yazıçı Eyvaz Əlləzoğlunun nəvəsi Ceyran xalçanın üstündə babasına tərəf iməkləyir. İçimdən bir paxıllıq hissi də keçdi körpəyə qarşı.

İş yoldaşlarımızdan biri şairin önündə dizi üstə oturanda duruxdum. Əlindəki telefonu, telefonla şəkil çəkməyi görməsəydim elə biləcəkdim ki, namaz qılmağa hazırlaşır. Adındakı müqəddəslik, şeirlərindəki səmimilik onun ətəyində namaz qılmağa bəs edir.

İsmayıllı mənim də ana-ata yurdumdur. Bu yurdun şairləri azdır, amma bircə Musa Yaqub bəs edir ki, hamını əvəz etsin. Açığı onunla şəhərdəki görüşümüzdə şeir oxumağa çəkinirdim. Amma oxumuşdum. Bəyənmişdi! Bundan gözəl nə ola bilər ki?! İndi Musa Yaqubun taqətsizliyini görmək necə kədərlidirsə, gözəl şeirləri bir o qədər xoşbəxt talehlidir! Çünki şair Poeziyamızı zənginləşdirə, şeiri insanlara sevdirə bildi.

Çox maraqlıdır ki, şairin böyrəyindəki daşları əməliyyatla çıxarılan zaman aralarından göy rənglisi də çıxıbmış. Bu mənə müsahibələrinin birində məlumum olmuşdu. Oxuyanda "bu dünyanın qara daşını bilmirəm, Musa əminin daşlarından bir-ikisi göyərib” deyib gülümsəmişdim.

Açığı, şairi belə görmək məni çox kədərləndirdi. Oğuzla, Sübhanla həyətə siqaret çəkməyə çıxdıq. Oradan da qapının ağzına. Sayları 15-20 arası buzovlar keçirdi qarşımızdan. Necəsə oldu, buzovlardan üçü şairin evinin darvazasından içəri girdi. Nə qədər "ho, ho” elədik, dayanmadılar. Sonra birtəhər çıxartdıq buzovları həyətdən. Sübhana dedim ki, görürsən də, illərdir şeirlərində bu təbiəti əks etdirən şairə təbiətin özü də necə mehribandı. Gülü də, çiçəyi də, arısı da, buzovu da. Elə bil, buzovlar da şairi görməyə can atırdı.

Sonra yenidən içəri daxil olduq. Şəhriyar bəylə söhbətləşməyə başladıq. O, öz dərdini bizə danışırdı.

- Şükür ki, indi bir az yaxşılaşıb. Əlimizi üzmüşdük. Yeni doğulan körpəyə də onun adını verdik. Heyf ki, biz insanların qədrini ya xəstə ayağında olanda, ya da öləndən sonra bilirik.

Şəhriyar bəyin üzündə də kədərlə sevinc qaçdı-tutdu oynayırdı. O həm sevinirdi ki, atasının ziyarətinə bu qədər insan gəlib, həm də atasının taqətsizliyinə görə kədərlənirdi.

Onunla söhbətimizi tamamlayıb yenidən evə daxil olduq. Musa Yaqubun elə bir siması var ki, onda ağacların qocalmasını, saçlarında yarpaqların tökülməsini, gözlərində Günəşin yavaş-yavaş batmağını görmək olur. Və o, ağzını açıb bir bənd şeir deyəndə simasındakı ağac ifadəsi cavanlaşır, yenidən yarpaqlayır.

Biz içəri girəndə Aqil müəllimlə Tahirə şairin qoluna girib onu ayağa qaldırmaq istəyirdilər. Ki, həyətə çıxarsınlar və sağollaşıb gedək. Amma nə qədər etdiksə, şairin gücü çatmadı. Və onların əlini buraxıb özünü divana atdı.

Və dedi:

- Çox təəssüflənirəm.

Bu Musa Yaqubun o böyük şairin qonaqlarını yola sala bilməmək, taqətsizlik təəssüfü idi./adalet.az/

news-inner-user
Eminquey

10 məqalə

Oxşar xəbərlər

Xəbər lenti

Bu millətə zaval yoxdur – Zamin Hacı yazır...
09:01 23 Sentyabr 2021
"Aysel adını Azərbaycanda ilk dəfə mən qızıma qoymuşam" - Zahid Xəlillə müsahibə
21:01 22 Sentyabr 2021
Kitab və film eyni anda: “Rəngləri danışdıran adam”
18:59 22 Sentyabr 2021
Dünya şöhrətli rejissor komadan çıxdı
18:28 22 Sentyabr 2021
“Soyuq Günəş”in ssenaristi: “Yeni filmin çəkilişini başa çatdırdıq”
17:52 22 Sentyabr 2021
Fırlanmalısan - Hekayə-esse
17:22 22 Sentyabr 2021
İlk dərs günü məktəbdə necə biabır oldum?
16:36 22 Sentyabr 2021
Kiçik mətnə "böyük hesabla" uduzmaq - Kəramətin yeni romanını tənqid etdilər
16:01 22 Sentyabr 2021
Seymur Baycandan zəif olan gürcü yazarın dünya şöhrəti
15:10 22 Sentyabr 2021
Yeni poeziya almanaxı çap ediləcək - Əsər qəbulu başladı
14:25 22 Sentyabr 2021
Anamı ağlatdığım gün – Sərdar Amin yazır...
13:30 22 Sentyabr 2021
Məktəbə gəlməyə peşman olan əkiztayı, müəllimləri üçün darıxmayan uşaq, nəvəsindən bezmiş nənə – İlk dərs günündən reportaj
12:40 22 Sentyabr 2021
“Son günlər işdən qanıqara gəlirdi” - Qızı Fikrət Qocanın ölüm səbəbindən danışdı
11:49 22 Sentyabr 2021
Oğul, oğul, amandır! - Günün şeiri
11:14 22 Sentyabr 2021
Dərsin ortasında fıştırıq çalan şagird: Distant təhsildən reallığa
10:38 22 Sentyabr 2021
Məşhur aktyor vəfat etdi
10:18 22 Sentyabr 2021
Aktyor Elcan Rəsulov: “Afaq Bəşirqızı mənə dedi, çıx get burdan” – Müsahibə
09:00 22 Sentyabr 2021
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
21:00 21 Sentyabr 2021
Pekində beynəlxalq film festivalı başlayıb
18:55 21 Sentyabr 2021
Gənc yazarın ilk şeirlər kitabı nəşr edildi
18:15 21 Sentyabr 2021